କାନପୁର,୨୬।୧୧: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ପ୍ରଥମ ଟେଷ୍ଟରେ ଭାରତୀୟ ଓପନର ଶୁବମନ ଗିଲ ଅର୍ଦ୍ଧଶତକ ହାସଲ କରିଛନ୍ତି। ଏହାସତ୍ତ୍ୱେ ସେ ଏକ ଭୁଲ୍ କରିଥିବା କହିଛନ୍ତି। ୫୨ ରନ ସ୍କୋର କରିବା ପରେ ଗିଲଙ୍କୁ ଜେମିସନ ବୋଲ୍ଡ ଥିତ୍ଲେ। ନ୍ୟୁଜିଲାଣ୍ଡର ଦ୍ରୁତ ବୋଲର କାଏଲ ଜେମିସନଙ୍କୁ ପ୍ରଶଂସା କରି ଗିଲ କହିଛନ୍ତି ଯେ ପ୍ରଥମ ଦିନରେ ମଧ୍ୟାହ୍ନ ଭୋଜନ ପରେ ରିଭର୍ସ ସୁଇଙ୍ଗ ଆରମ୍ଭ କରିବେ ବୋଲି ସେ ଆଶା କରି ନ ଥିଲେ। ମୁଁ ଭାବୁଛି ସେ ପ୍ରଥମ ସ୍ପେଲ୍ରେ ଭଲ ବୋଲିଂ କରିଥିଲେ। ମଧ୍ୟାହ୍ନ ଭୋଜନ ପରେ ସେ ଆହୁରି ଭଲ ବୋଲିଂ କରିଥିଲେ। ବେଳେବେଳେ ଏହା ଜାଣିବା କଷ୍ଟକର ଯେ ବଲ କେବେ ଓଲଟା ସୁଇଙ୍ଗ କରିବ ଏବଂ ମୁଁ ଭାବି ନ ଥିଲି ଯେ ରିଭର୍ସ ସୁଇଙ୍ଗ ଏତେ ଶୀଘ୍ର ପକାଇବେ। ଟେଷ୍ଟ କ୍ରିକେଟରେ ଏହା ହିଁ ଘଟେ। ଆପଣଙ୍କୁ ପରିସ୍ଥିତିର ଶୀଘ୍ର ମୂଲ୍ୟାଙ୍କନ କରିବାକୁ ପଡିବ। ଏହି ଇନିଂସରେ ମୁଁ ବଲ୍କୁ ସେପରି ଚିହ୍ନଟ କରିପାରିଲି ନାହିଁ। ବଲଟି ଏହିପରି ସୁଇଙ୍ଗ ଓଲଟା ହେବ ବୋଲି ମୁଁ ଆଶା କରି ନ ଥିଲି । ମୋର ବଡ଼ ଭୁଲ୍ ହୋଇଗଲା ବୋଲି ସେ କହିଛନ୍ତି।
ଏହାସହ ଗିଲ ପଦାର୍ପଣ ମ୍ୟାଚ୍ରେ ଅର୍ଦ୍ଧଶତକ ହାସଲ କରିଥିବା ଶ୍ରେୟାସ ଆୟରଙ୍କୁ ପ୍ରଶଂସା କରିଥିଲେ। ରାହୁଲ ଦ୍ରାବିଡଙ୍କ କୋଚିଂରେ ଖେଳିବା ଦ୍ୱାରା ସେ ଖୁସି ବ୍ୟକ୍ତ କରିଥିଲେ। ପ୍ରଥମ ଦିନର ଖେଳ ଶେଷ ହେବା ପରେ ଟିମ ଇଣ୍ଡିଆ ୪ ଉଇକେଟ ପାଇଁ ୨୫୮ ରନ ସଂଗ୍ରହ କରିଛି। ଶ୍ରେୟାସ ଆୟର ଏବଂ ରବିନ୍ଦ୍ର ଜାଡେଜା ଅର୍ଦ୍ଧଶତକ ସହିତ ଖେଳୁଛନ୍ତି।
