ମୁମ୍ବାଇ: ବଲିଉଡ୍ର ଅଭିନେତ୍ରୀମାନଙ୍କ ମଧ୍ୟରୁ ଦିବ୍ୟା ଦତ୍ତ ହେଉଛନ୍ତି ଅନ୍ୟତମ। ଯିଏ କି ଚୁଲ୍ବୁଲି ଚରିତ୍ରରୁ ଆରମ୍ଭ କରି ସମସ୍ତ ଚରିତ୍ରରେ ବେଶ୍ ନିଖୁଣ ଭାବେ ଅଭିନୟ କରିପାରନ୍ତି। ତାଙ୍କର ଫିଲ୍ମଗୁଡ଼ିକ ଅନେକ ପ୍ରଶଂସା ସାଉଁଟିଛି। ଦିବ୍ୟା ତାଙ୍କ କ୍ୟାରିୟରରେ ଅନେକ ପୁରସ୍କାର ବି ଜିତିଛନ୍ତି। ଜାଣି ଆଶ୍ଚର୍ଯ୍ୟ ହେବେ ଆଜି ମଧ୍ୟ ଦିବ୍ୟା କୌଣସି ଏକ ନୂଆ ପ୍ରୋଜେକ୍ଟରେ କାମ କରନ୍ତି କିମ୍ବା ତାଙ୍କର କୌଣସି ଫିଲ୍ମ ରିଲିଜ ହେବା ପୂର୍ବରୁ ସେ ବହୁତ ନର୍ଭସ ହୋଇଯାଆନ୍ତି। ଏକଥା ନିଜେ ଦିବ୍ୟା କହିଛନ୍ତି।
ସେ କୁହନ୍ତି, ମୁଁ ଏପରି ନିର୍ଦ୍ଦେଶକଙ୍କ ସହ କାମ କରିବାକୁ ପସନ୍ଦ କରେ ନାହିଁ, ଯେଉଁମାନେ ସାଙ୍ଗେ ସାଙ୍ଗେ କିଛି କରିବାକୁ ନିର୍ଦ୍ଦେଶ ଦିଅନ୍ତି। ମୁଁ ଏମିତି ନିର୍ଦ୍ଦେଶକମାନଙ୍କ ସହିତ କାମ କରିବାକୁ ଭଲ ପାଏ, ଯେଉଁମାନେ ମୋତେ ପୂର୍ବରୁ ଅଭିନୟ କରିଥିବା ଚରିତ୍ରଠାରୁ ଭିନ୍ନ କିଛି କରିବାକୁ ଦେଇଥାନ୍ତି।
ଦିବ୍ୟା ୧୯୯୪ରେ ‘ଇସ୍କ ମେ ଜିନା ଇସ୍କ ମେ ମର୍ନା’ରେ କାମ କରିଥିଲେ। ଏହା ପରେ ସେ ‘ବୀର ଜରା’, ବୀର୍ଗତି, ଇସ୍କି ଟୋପି ଉସ୍କେ ସର୍ ପରି ଫିଲ୍ମରେ ଦମ୍ଦାର ଅଭିନୟ କରିଥିଲେ। ନିକଟରେ ଦିବ୍ୟା ଫିଲ୍ମ ଶିର-କୋର୍ମାରେ ନଜର ଆସିଥିଲେ। ତାଙ୍କର ଆଗାମୀ ଫିଲ୍ମ ହେଲା ‘ଧାକଡ଼’।
