ସ୍ବାସ୍ଥ୍ୟ ପାଇଁ, ସମସ୍ତେ ଖାଦ୍ୟ ଠାରୁ ଆରମ୍ଭ କରି ବ୍ୟାୟାମ ପର୍ଯ୍ୟନ୍ତ ସବୁକିଛି ଉପରେ ଧ୍ୟାନ ଦିଅନ୍ତି। ଆଜି ଭାଲେଣ୍ଟାଇନ୍ସ ସପ୍ତାହର ଷଷ୍ଠ ଦିନ, ଅର୍ଥାତ hug day ଆଲିଙ୍ଗନ ଦିବସ। ପ୍ରେମକୁ ଅନୁଭବ କରିବା ଏବଂ ଯନ୍ତ୍ରଣା କମ କରିବା ପାଇଁ, ସମସ୍ତେ ଆଲିଙ୍ଗନର ସାହାଯ୍ୟ ନିଅନ୍ତି। କୁହାଯାଏ କି, ଯାଦୁ କି ଝପପୀ ହିଁ ଖାଫି ହେ।
ଏଥିପାଇଁ ଆପଣଙ୍କୁ ଏହାର ଲାଭ ବିଷୟରେ ଜାଣିବା ଉଚିତ। ଆଲିଙ୍ଗନ କ’ଣ ଜରୁରୀ। ଗୋଟିଏ ଦିନରେ କେତେ ଥର ଆଲିଙ୍ଗନ କରିବା ଉଚିତ। ଆସନ୍ତୁ ଜାଣିବା…
ରିପୋର୍ଟ ଅନୁଯାୟୀ, ଭଲ ସୱାସ୍ଥ୍ୟ ବଜାୟ ରଖିବା ପାଇଁ ପୁରୁଷ ଏବଂ ମହିଳାମାନେ ଦିନକୁ ୮ରୁ ୧୨ ଥର ଆଲିଙ୍ଗନ କରିବା ଉଚିତ। ଯଦି ଆପଣ ଦିନକୁ ଚାରିଥର ଆଲିଙ୍ଗନ କରନ୍ତି, ତେବେ ଦିନଟା ଭଲ ଯାଇଥାଏ। ଏହା ବ୍ୟତୀତ, ୮ଥର ଆଲିଙ୍ଗନ ଜୀବନକୁ ସନ୍ତୁଳିତ କରିଥାଏ। ଏହା ବ୍ୟତୀତ, ଦିନକୁ ୧୨ଥର ଆଲିଙ୍ଗନ ଜୀବନରେ ଆଗକୁ ବଢ଼ିବାକୁ ପ୍ରେରଣା ଦିଏ। କହିରଖୁଛୁ କି ଗୋଟିଏ ଆଲିଙ୍ଗନ ଥରକେ ଅତି କମରେ ୨୦ ସେକେଣ୍ଡ ପାଇଁ ହେବା ଉଚିତ।
ଯେତେବେଳେ ଲୋକମାନେ ହଗ ଡେରେ ଆଲିଙ୍ଗନ କରନ୍ତି, ସେତେବେଳେ ଶରୀରରେ ଅକ୍ସିଟୋସିନ ନାମକ ଏକ ପ୍ରେମ ହରମୋନ ର୍ନିଗତ ହୁଏ, ଯାହା ସାଥୀମାନଙ୍କ ମଧ୍ୟରେ ଭାବପ୍ରବଣ ଏବଂ ପ୍ରେମ ସମ୍ପର୍କର ଏକ ମାଧ୍ୟମ। ଏହା ବ୍ୟତୀତ, ହାତକୁ କୌଣସି ପ୍ରକାରେ ଧରିଲେ କିମ୍ବା ଛୁଇଁଲେ ମଧ୍ୟ ଏହି ହରମୋନ ର୍ନିଗତ ହୁଏ। ଏହା କେବଳ ଦୁଇଜଣଙ୍କ ମଧ୍ୟରେ ପ୍ରେମ ବଢାଏ ତାହା ନୁହେଁ ବରଂ ପରସ୍ପର ପ୍ରତି ବିଶ୍ୱାସକୁ ମଧ୍ୟ ଦୃଢ଼ କରେ। ଏହି ପ୍ରେମ ହରମୋନ ବ୍ୟତୀତ, ଡୋପାମିନ ନାମକ ଏକ ପ୍ରେମ ହରମୋନ ମଧ୍ୟ ର୍ନିଗତ ହୁଏ, ଯାହା ବ୍ୟକ୍ତିକୁ ଭଲ ଅନୁଭବ କରାଏ।
ଆଲିଙ୍ଗନର ଲାଭ ଜାଣନ୍ତୁ
– ଯଦି ଦମ୍ପତିମାନେ ଦିନକୁ ୮ ରୁ ୧୨ ଥର ପରସ୍ପରକୁ ଆଲିଙ୍ଗନ କରନ୍ତି, ତେବେ ସେମାନଙ୍କର ଦିନ ବହୁତ ସୁନ୍ଦର କଟିଥାଏ। ଏହା ବ୍ୟତୀତ, ଆଲିଙ୍ଗନ ଏକ ଯନ୍ତ୍ରଣା ନିବାରକ ଯାହା ପ୍ରତ୍ୟେକ ଯନ୍ତ୍ରଣାର ଔଷଧ ଭାବରେ କାମ କରେ। ଆଲିଙ୍ଗନ ହେଉଛି ଦୁଃଖ ଏବଂ ଯନ୍ତ୍ରଣାକୁ ଭୁଲିଯିବାର ଏକ ମାଧ୍ୟମ।
-ହୃଦୟକୁ ସୁସ୍ଥ ରଖିବା ସହିତ ମନକୁ ସୁସ୍ଥ ରଖିବା ପାଇଁ ଆଲିଙ୍ଗନ ଆବଶ୍ୟକ। ଯେତେବେଳେ କେହି ଏକାକୀ ଅନୁଭବ କରନ୍ତି ଏବଂ କେହି ନିକଟତର ଆସି ତାଙ୍କୁ କୁଣ୍ଢେଇ ଦିଅନ୍ତି, ସେ ବହୁତ ଭଲ ଅନୁଭବ କରନ୍ତି ଏବଂ କିଛି କ୍ଷଣ ପାଇଁ ସବୁ ଚିନ୍ତା ଭୁଲିଯାଆନ୍ତି। ପ୍ରତ୍ୟେକ ବ୍ୟକ୍ତି ନିଜ ଜୀବନଚର୍ଯ୍ୟାରେ ଆଲିଙ୍ଗନକୁ ସାମିଲ କରିବା ଉଚିତ।
-ଗୋଟିଏ ଗୋଷ୍ଠୀକୁ ସେମାନଙ୍କ ସାଥୀଙ୍କ ହାତକୁ ୧୦ ମିନିଟ ଧରି ୨୦ ସେକେଣ୍ଡ ପାଇଁ ଆଲିଙ୍ଗନ କରିବାକୁ କୁହାଗଲା। ଦ୍ୱିତୀୟ ଗୋଷ୍ଠୀକୁ ଚୁପଚାପ ଏକାଠି ବସିବାକୁ କୁହାଗଲା। ଏହି ଗବେଷଣାରୁ ଜଣାପଡିଛି ଯେ ପ୍ରଥମ ଗୋଷ୍ଠୀର ଦମ୍ପତିମାନେ ପରସ୍ପରକୁ ଆଲିଙ୍ଗନ କରିବା ମାତ୍ରେ ସେମାନଙ୍କର ରକ୍ତଚାପ ଏବଂ ହୃଦସ୍ପନ୍ଦନ ହ୍ରାସ ପାଇଥିଲା, ଯେତେବେଳେ ଦ୍ୱିତୀୟ ଗୋଷ୍ଠୀ ସହିତ ଏପରି କିଛି ହୋଇନଥିଲା।
-୧୦ ସେକେଣ୍ଡ ପାଇଁ ଆଲିଙ୍ଗନ କରିବା ଦ୍ୱାରା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଏ। ଯେଉଁମାନେ ସଂଧ୍ୟାରେ ଅଫିସରୁ କ୍ଳାନ୍ତ ହୋଇ ଘରକୁ ଫେରନ୍ତି, ଯଦି ସେମାନେ ପହଞ୍ଚିବା ମାତ୍ରେ ନିଜ ସାଥୀଙ୍କୁ ଆଲିଙ୍ଗନ କରନ୍ତି, ତେବେ ସେମାନଙ୍କର କ୍ଳାନ୍ତି କିଛି ସେକେଣ୍ଡ ମଧ୍ୟରେ ଦୂର ହୋଇଯାଏ।
