ନୂଆଦିଲ୍ଲୀ,୨୮।୨: ନ୍ୟାଶନାଲ ହାଇଓ୍ବେ ଅଥୋରିଟି ଅଫ୍ ଇଣ୍ଡିଆ(ଏନ୍ଏଚ୍ଏଆଇ) ସ୍ପଷ୍ଟ କରିଛି ଯେ ଯେଉଁ ଫାଷ୍ଟଟ୍ୟାଗ୍ ବ୍ୟବହାରକାରୀ କଓ୍ବୋଇସି ଅପ୍ଡେଟ୍ କରିନାହାନ୍ତି, ତାଙ୍କର ଟ୍ୟାଗ୍କୁ ଫେବୃୟାରୀ ୨୯ ପରଠାରୁ ବ୍ଲାକ୍ଲିଷ୍ଟ କରିଦିଆଯିବ। ଏଥିପାଇଁ ଆପଣ ଯଦି ନିଜର ଯାନକୁ ଫାଷ୍ଟଟ୍ୟାଗ୍ ବ୍ୟାଙ୍କରୁ କଓ୍ବୋଇସି କରାଇ ନାହାନ୍ତି ତେବେ ତୁରନ୍ତ ତାହା କରିନିଅନ୍ତୁ। ବିନା କଓ୍ବୋଇସି ଥିବା ଫାଷ୍ଟଟ୍ୟାଗ୍କୁ ବ୍ୟାଙ୍କ ଡିଆକ୍ଟିଭ୍ ଅଥବା ବ୍ଲାକ୍ଲିଷ୍ଟ କରିଦେବ। କେବଳ ନୂଆ ଫାଷ୍ଟଟ୍ୟାଗ୍ ଆକାଉଣ୍ଟ ହିଁ ଆକ୍ଟିଭ୍ ରହିବ। କାରଣ ପୁରୁଣା ଫାଷ୍ଟଟ୍ୟାଗ୍କୁ ଫେବୃଆରୀ ୨୯,୨୦୨୪ ପରେ ନିଷ୍କ୍ରିୟ କରିଦିଆଯିବ।
କହିରଖୁଛୁ, ସାରାଦେଶରେ ୮ କୋଟିରୁ ଅଧିକ ଯାନବାହନରେ ଫାଷ୍ଟଟ୍ୟାଗ୍ ବ୍ୟବହାର କରାଯାଏ। ଏହା ମୋଟ ବାହନ ସଂଖ୍ୟାର ୯୮%। ଏହି ବ୍ୟବସ୍ଥା ଦେଶରେ ଇଲେକ୍ଟିକ୍ ସିଷ୍ଟମ୍ର ବେଗକୁ ବଢ଼ାଇଦେଇଛି।
ଆର୍ବିଆଇ ଗାଇଡ୍ଲାଇନ୍ ଅନୁଯାୟୀ, ଫାଷ୍ଟଟ୍ୟାଗ୍ କଓ୍ବୋଇସି ଲାଗି ଆପଣ ପାସପୋର୍ଟ,ଭୋଟର ଆଇଡି କାର୍ଡ, ଆଧାର କାର୍ଡ, ଡ୍ରାଇଭିଂ ଲାଇସେନ୍ସ, ପ୍ୟାନ୍ କାର୍ଡ ଭଳି ଡକ୍ୟୁମେଣ୍ଟର ଆବଶ୍ୟକତା ପଡ଼ିବ। ଏହାଛଡ଼ା ବାହାନର ରେଜିଷ୍ଟ୍ରେଶନ ସାର୍ଟିଫିକେଟ୍ର ଏକ ନକଲର ଆବଶ୍ୟକତା ରହିବ।
ଅନ୍ଲାଇନ୍ରେ କିଭଳି କରିବେ କଓ୍ବୋଇସି?
-IHMCL ଫାଷ୍ଟଟ୍ୟାଗ୍ ପୋର୍ଟାଲକୁ ଯାଆନ୍ତୁ। ପରେ ମୋବାଇଲ ନମ୍ବରରୁ ଲଗ୍ଇନ୍ କରନ୍ତୁ।
-ମାଇ ପ୍ରୋଫାଇଲକୁ ଯାଆନ୍ତୁ। କଓ୍ବୋଇସି ଷ୍ଟାଟସ୍ ଚେକ୍ କରନ୍ତୁ।
-ଏବେ କଓ୍ବୋଇସି ଟ୍ୟାବ୍ରେ କ୍ଲିକ୍ କରନ୍ତୁ। କଷ୍ଟମର ଟାଇପ୍ ଚୟନ କରନ୍ତୁ।
-ପରେ ଆଡ୍ରେସ୍ ପ୍ରୁଫ୍ ଦସ୍ତାବିଜ ଏବଂ ଆଇଡି ସହ ଦରକାରୀ ସ୍ଥାନରେ ଡିଟେଲ୍ସ ଦିଅନ୍ତୁ।
