ମେଷ
ଆଗାମୀ କାଲିର ଆନୁଷ୍ଠନିକ କାମ ପାଇଁ ଉତ୍ସାହ ସାଙ୍ଗକୁ ପାରିବାରିକ ଜୀବନ ସୁନ୍ଦର ଓ ସୁମଧୁର ହେବ। ସହକର୍ମୀଙ୍କ ସାହାଯ୍ୟରେ ଅଟକିଥିବା କାମକୁ ସମ୍ପନ୍ନ କରିବେ। ସ୍ବାସ୍ଥ୍ୟ ସମସ୍ୟା ମଧ୍ୟମ ରହିଲେ ମଧ୍ୟ କ୍ରନିକ୍ ରୋଗରେ ପୀଡ଼ା ଅନୁଭବ କରିବେ। ଅଶ୍ୱିନୀ ନକ୍ଷତ୍ରର ଶିଳ୍ପ, ବାଣିଜ୍ୟ, ସଙ୍ଗୀତରେ ସମସ୍ୟା ହଟିଯିବ।
ବୃଷ
କୃତ୍ତିକା ନକ୍ଷତ୍ର ଆତ୍ମୀୟଙ୍କ ସହାୟତାରେ ରହିଥିବା କାମ ସମ୍ପନ୍ନ କରିବେ। ଆପଣଙ୍କ ପ୍ରଶଂସା ଓ ପ୍ରତିଷ୍ଠାକୁ ଭଲ ସମ୍ପର୍କ ନ ଥିବା ବ୍ୟକ୍ତିମାନେ ସହି ନ ପାରି ଭିନ୍ନ ମନ୍ତବ୍ୟ ଦେଇପାରନ୍ତି। ସବୁ କାମରେ ଆଗୁଆ ରହିବା ହେତୁ ପରିଶ୍ରମଜନିତ କ୍ଳାନ୍ତି ଅନୁଭବ କରିବେ। ପାରିବାରିକ ବ୍ୟୟ ବୃଦ୍ଧି ଯୋଗୁ ମନ ଭାରାକ୍ରାନ୍ତ ରହିପାରେ।
ମିଥୁନ
ଅନ୍ୟମାନଙ୍କ କଥାରେ ଭାସିଯାଇ ଯେଉଁ କାମ କରିବେ ପରେ ଅନୁତାପ କରିବାକୁ ପଡ଼ିପାରେ। ଅଧିକାଂଶ କ୍ଷେତ୍ରରେ ବେଠି ଖଟିବା ବ୍ୟତୀତ କିଛି ଲାଭ ହେବନାହିଁ। ଆରଦ୍ରା ନକ୍ଷତ୍ର ବାଣିଜ୍ୟ ଓ ପରିବହନ କ୍ଷେତ୍ରରେ ଆଶାଜନକ ଫଳ ପାଇବେ। ଅତୀତ ଘଟଣାକୁ କେନ୍ଦ୍ରକରି ଭାବପ୍ରବଣତା ଯୋଗୁ ମନୋବଳ ହ୍ରାସପାଇବ।
କର୍କଟ
ମନ ବିକ୍ଷିପ୍ତ ରହିବା ସହ ନିଜଲୋକ କେହି ହଇରାଣରେ ପକାଇବାକୁ ଚେଷ୍ଟା କରିପାରନ୍ତି। ଯେତେ ଭଲ କାମ କଲେ ମଧ୍ୟ ପ୍ରଶଂସା ମିଳିବ ନାହିଁ। ପୁନର୍ବସୁ ନକ୍ଷତ୍ରର ପ୍ରଶାସନ, ଶିଳ୍ପ, ବ୍ୟବସାୟ ଓ ପରିବହନରେ ଅଭିଯୋଗ ଆସିପାରେ। ଘରୋଇ କଥାରେ କିଛି ମତ ପାର୍ଥକ୍ୟ ସୃଷ୍ଟିହେବାରୁ ବନ୍ଧୁମାନଙ୍କ ସହ ଆଲୋଚନା କରିପାରନ୍ତି।
ସି˚ହ
ପୂର୍ବାଫାଲ୍ଗୁନୀ ନକ୍ଷତ୍ର ପୁରାତନ ଗୃହ, ଗାଡ଼ି କିମ୍ବା ଜମିଜମା ବିକ୍ରିକରିବାର ମସୁଧା କରିପାରନ୍ତି। ଆକସ୍ମିକ କାରଣରୁ ଇଚ୍ଛା ନ ଥିଲେ ମଧ୍ୟ ଦୂରସ୍ଥାନକୁ ଯିବାପାଇଁ ବାଧ୍ୟ ହେବେ। ପାରିବାରିକ କ୍ଷେତ୍ରରେ ଅଶାନ୍ତ ମନ ଦିନ ଗୋଟାଏ ପରେ ଶାନ୍ତ ହୋଇଯିବ। କୌଣସି ଲୋକର ଚାପର ପ୍ରଭାବରୁ କାର୍ଯ୍ୟପଦ୍ଧତିକୁ ବଦଳାଇପାରନ୍ତି।
କନ୍ୟା
ସକାଳୁ ସକାଳୁ ବନ୍ଧୁଙ୍କ ଗୃହକୁ ଯିବା ସକାଶେ ସଜବାଜ ହୋଇପାରନ୍ତି। ଚିତ୍ରା ନକ୍ଷତ୍ରର ରୋଗଣା ସ୍ବାସ୍ଥ୍ୟରେ ସାମାନ୍ୟ ବ୍ୟତିକ୍ରମ ଦେଖାଦେଇପାରେ। ବନ୍ଧୁଙ୍କ ଭିନ୍ନ ଚିନ୍ତାଧାରା ଯୋଗୁ ବ୍ୟବସାୟ କ୍ଷେତ୍ରରେ କ୍ଷତିରେ ପଡ଼ିବାର ଆଶଙ୍କା ରହିଛି। ସାଧାରଣ କଥାକୁ କେନ୍ଦ୍ରକରି ବନ୍ଧୁମାନଙ୍କ ସହ ମତାନ୍ତର ସୃଷ୍ଟି ହୋଇପାରେ।
ତୁଳା
ଆଜି ଏକାଧିକ କାମରେ ନିୟୋଜିତ ରହି ମଧ୍ୟ ପାରିବାରିକ ଜୀବନକୁ ସରସ ସୁନ୍ଦର ରଖିବେ। ବନ୍ଧୁଙ୍କ ବାଧିଲା ଭଳି କଥା ଶୁଣି ସବୁ ଆନନ୍ଦ ମିଳାଇଯିବା ସୂଚନା ରହିଛି। ଦୁର୍ବଳ ଆର୍ଥିକ ସ୍ଥିତି ଆପଣଙ୍କ ଇଚ୍ଛା ଓ ଆଶାକୁ ପୂର୍ଣ୍ଣ କରିବାରେ ଅସମର୍ଥ ହେବ। ସ୍ବାତୀ ନକ୍ଷତ୍ର କଳା, ସାହିତ୍ୟ, ସାମ୍ବାଦିକତା କ୍ଷେତ୍ରରୁ ପ୍ରଶଂସିତ ହେବା ସମ୍ଭାବନା ରହିଛି।
ବିଛା
ସମ୍ପର୍କୀୟମାନେ ଦୂରେଇ ରହୁଥିବା ଅନୁଭବକରି ମନ ଭଲ ରହିବ ନାହିଁ। ପାରିବାରିକ ସମସ୍ୟାରେ ପଡ଼ି ବିଚଳିତ ହୋଇପାରନ୍ତି। ଅନୁରାଧା ନକ୍ଷତ୍ର କଳା, ସାହିତ୍ୟ ଓ ବନ୍ଧୁମିଳନ କ୍ଷେତ୍ରରେ ଆଦୃତ ହେବେ। ନିର୍ମାଣ, ମାଲିମକଦ୍ଦମା, ପ୍ରତିଦ୍ୱନ୍ଦ୍ୱିତା ପ୍ରଭୃତିରେ ଜୟଯୁକ୍ତ ହେବେ, କିନ୍ତୁ ଅଯଥା ଟଙ୍କା ଖର୍ଚ୍ଚ ଯୋଗୁ ଦୁଃଖିତ ମଧ୍ୟ ହେବେ।
ଧନୁ
ଅଭାବ ନ ଥିଲେ ମଧ୍ୟ ବିଭିନ୍ନ ସମସ୍ୟାକୁ ନେଇ ମନ ଭାରାକ୍ରାନ୍ତ ରହିବ। ଭାଙ୍ଗିପଡ଼ିଥିବା ସମ୍ପର୍କ ଯୋଡ଼ିବାକୁ ଚେଷ୍ଟାକରି ବିଫଳ ହେବେ। ଦୀର୍ଘଦିନରୁ ଭିତରେ ଭିତରେ କୁହୁଳୁଥିବା ପାରିବାରିକ ସମସ୍ୟାର ସରଳ ସମାଧାନ କରିବେ। ଉତ୍ତରାଷାଢ଼ା ନକ୍ଷତ୍ର ଯାତ୍ରା ସମୟରେ ଯାନବାହନ ଚଳାଚଳରେ ଦେଖିଚାହିଁ ପଦକ୍ଷେପ ନିଅନ୍ତୁ।
ମକର
ଆପଣଙ୍କ ରୁକ୍ଷ ବ୍ୟବହାର ବନ୍ଧୁଙ୍କ ବିରାଗର କାରଣ ହୋଇପାରେ। ଶ୍ରବଣା ନକ୍ଷତ୍ର ସତର୍କତା ଅବଲମ୍ବନ ନ କଲେ ଯେକୌଣସି ଦିଗରେ ଅର୍ଥହାନି ଘଟିବ। ପ୍ରଶାସନିକ କ୍ଷେତ୍ରରେ ଦ୍ୱନ୍ଦ୍ୱ ଦୂରହେବ,ମାତ୍ର ବହୁ ତକଲିପି ସହିବାକୁ ପଡ଼ିବ। ପ୍ରତ୍ୟୁଷ ଯାତ୍ରାରେ ସଫଳତା ମିଳିବ, କିନ୍ତୁ ଶାରୀରିକ ପରିଶ୍ରମଜନିତ କ୍ଳାନ୍ତି ଅନୁଭବ କରିବେ।
କୁମ୍ଭ
ଶତଭିଷା ନକ୍ଷତ୍ର କର୍ମକ୍ଷେତ୍ର୍ର ପାଇଁ ଆଜି କୌଣସି ଅସୁବିଧା ରହିବ ନାହିଁ। ସଂଯମ ରକ୍ଷା ନ କଲେ ବିବାଦ ଭିତରକୁ ଟାଣି ହୋଇପାରନ୍ତି। ଅସୁସ୍ଥତାଜନିତ ପ୍ରତ୍ୟେକ କ୍ଷେତ୍ରରେ ଅନ୍ୟମାନଙ୍କ ସାହାଯ୍ୟ ନେବାକୁ ବାଧ୍ୟ ହେବେ। ବିବାଦୀୟ ଘଟଣାରେ, କର୍ମକ୍ଷେତ୍ରରେ ଅଥବା ଆନୁଷ୍ଠାନିକ କାମରେ ସମ୍ମାନନୀୟ ବ୍ୟକ୍ତି ସହାୟତା କରିବେ।
ମୀନ
ସମ୍ପର୍କୀୟଙ୍କ ସାହାଯ୍ୟ, ସହଯୋଗ ଲାଭକରି ଅଭିଳଷିତ କାମକୁ ସମ୍ପନ୍ନ କରିପାରିବେ। ଆର୍ଥିକ ଅନଟନ ଓ ସ୍ବାସ୍ଥ୍ୟ ସମସ୍ୟା ଦୂରେଇଯିବାରୁ ସାମୟିକ ଆଶ୍ୱସ୍ତି ଲାଭ କରିପାରନ୍ତି। ଭୁଲ୍ ବୁଝାମଣା ଜନିତ ପାରିବାରିିକ ପ୍ରତିରୋଧ କେତେକ କାମକୁ ବିଶୃଙ୍ଖଳିତ କରିବ। ରେବତୀ ନକ୍ଷତ୍ରର ସ୍ବାସ୍ଥ୍ୟରେ ଉନ୍ନତି ଘଟିବ, କିନ୍ତୁ ସମ୍ପୂର୍ଣ୍ଣ ନିରାମୟର ଆଶା ତଥାପି ରହିବ।
