ନୂଆଦିଲ୍ଲୀ,୨୪।୨: ହାଇ ଭୋଲଟେଜ ଡ୍ରାମା ପରେ କଂଗ୍ରେସ ନେତା ପୱନ ଖେରାଙ୍କୁ ଦିଲ୍ଲୀ ବିମାନବନ୍ଦରରୁ ଆସାମ ପୋଲିସ ଗିରଫ କରିଥିଲା। ଗିରଫର କିଛି ଘଣ୍ଟା ପରେ ସୁପ୍ରିମକୋର୍ଟ ତାଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ବର୍ତ୍ତମାନ ଏହି ପ୍ରସଙ୍ଗରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସରମା ଦାବି କରିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପିତାଙ୍କ ଉପରେ ଦେଇଇଥିବା ମନ୍ତବ୍ୟ ପାଇଁ ଖେରା ସର୍ତ୍ତମୂଳକ କ୍ଷମା ପ୍ରାର୍ଥନା କରିଛନ୍ତି।
ହିମନ୍ତ ମଧ୍ୟ ଖେରା ସୁପ୍ରିମକୋର୍ଟରେ ଦାଖଲ ହୋଇଥିବା ରିଟ ପିଟିସନର ଫଟୋ ଶେୟାର କରିଛନ୍ତି। କ୍ୟାପସନରେ ଲେଖାଯାଇଛି, ନିୟମର କୌରବ ସର୍ବଦା ରହିବ। ଅଭିଯୁକ୍ତ ବିନା ସର୍ତ୍ତରେ କ୍ଷମା ପ୍ରାର୍ଥନା କରିଛନ୍ତି। ଆମେ ଆଶା କରୁଛୁ ସର୍ବସାଧାରଣ ସ୍ଥାନଗୁଡିକର ପବିତ୍ରତା ବଜାୟ ରଖିବା ପାଇଁ ରାଜନୈତିକ କଥାବାର୍ତ୍ତାରେ କେହି ଅଶ୍ଳୀଳ ଭାଷା ବ୍ୟବହାର କରିବେ ନାହିଁ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପିତାଙ୍କ ଉପରେ ଖେରା ଦେଇଥିବା ମନ୍ତବ୍ୟ ଅଭିଯୋଗ ପାଇଁ ଆସାମ ପୋଲିସ କଂଗ୍ରେସ ଦଳର ମୁଖପାତ୍ର ପୱନ ଖେରାଙ୍କୁ ଗିରଫ କରାଯାଇଥିଲା। ଖେରାଙ୍କ ଗିରଫଦାରୀକୁ କଂଗ୍ରେସ ’ମନମୁଖୀ ତଥା ଏକଛତ୍ରବାଦୀ ଶାସନ’ ବୋଲି ଅଭିଯୋଗ କରିଛି।
