୨୮ ବର୍ଷୀୟା ଜେସିକା ମାନିଙ୍ଗ ନ୍ୟୁଜିଲାଣ୍ଡରେ ରୁହନ୍ତି। ଜନ୍ମରୁ ତାଙ୍କର ହୃଦଜନିତ ରୋଗ ରହିଛି। ତାଙ୍କ ହୃତପିଣ୍ଡ ଅଧା ବିକଶିତ ହୋଇଥିଲା। ତା’ସହ ସେଥିରେ କଣା ଓ ଲିକ୍ ହେଉଥିବା ଭାଲ୍ଭ ଥିଲା। ତିନି ବର୍ଷ ବୟସର ହେବା ବେଳକୁ ତାଙ୍କର ଓପନ ହାର୍ଟ ସର୍ଜରୀ ହୋଇସାରିଥିଲା। ସମସ୍ତଙ୍କୁ ଲାଗୁଥିଲା ସେ ବେଶି ଦିନ ଜୀବିତ ରହିବେ ନାହିଁ। କିନ୍ତୁ ସମସ୍ତଙ୍କୁ ଭୁଲ ପ୍ରମାଣିତ କରି ଏବେ ସେ ୨୮ ବର୍ଷ ବୟସର ହେଲେଣି। ତାଙ୍କର ୨୦୦ରୁ ଉର୍ଦ୍ଧ୍ୱ ସର୍ଜରୀ ହୋଇ ସାରିଲାଣି। ଯେଉଁଥିରେ ୫ଟି ଓପନ ହାର୍ଟ ସର୍ଜରୀ ରହିଛି। ଦୁଇଟି ପେସ୍ମେକର୍ ସର୍ଜରୀ ଏକ ଏମରଜେନ୍ସି ଲଙ୍ଗସ୍ ସର୍ଜରୀ ରହିଛି। ୨୫ ବର୍ଷ ବୟସରେ ତାଙ୍କର ହାର୍ଟ ଓ ଲିଭର୍ ଟ୍ରାନ୍ସପ୍ଲାଣ୍ଟ ହୋଇଥିଲା। ତାଙ୍କ ଛାତି ଓପେଟରେ ଅନେକ ସର୍ଜରୀର ଚିହ୍ନ ଅଛି। ତାଙ୍କ ହାର୍ଟ ଓ ଲିଭରକୁ ପରବର୍ତ୍ତୀ ସମୟରେ ବିଶ୍ୱ ବିଦ୍ୟାଳୟରେ ରିସର୍ଚ ପାଇଁ କିଛି ସମୟ ଲାଗି ନିଆଯାଇଥିଲା। ପରେ ଯେବେ ତାଙ୍କୁ ତାଙ୍କର ସେହି ଅଙ୍ଗକୁ ଫେରାଗଲା ସେ ତାକୁ ପ୍ଲାଷ୍ଟିକ ଥଳିରେ ରଖି ନିଜ ଆଲମାରୀ ଭିତରେ ରଖିଛନ୍ତି। ସୋସିଆଲ ମିଡିଆରେ ବି ସେ ଏହାକୁ ଦେଖାଇ ଭିଡିଓ କରିଛନ୍ତି। ଆଉ ଲୋକେ ତାଙ୍କ ଜୀବନର ଏହି ସଂଘର୍ଷକୁ ବହୁତ ପ୍ରଶଂସା କରୁଛନ୍ତି।
