ଭୁବନେଶ୍ୱର,୧୭।୨:ଏଚ୍ଡିଏଫ୍ସି ବ୍ୟାଙ୍କର ଆଉ ଏକ ନୂତନ ଶାଖା ଆନୁଷ୍ଠାନିକ ଭାବେ ଗୁରୁବାର ସ୍ଥାନୀୟ ପୋଖରୀପୁଟ ଅଞ୍ଚଳରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଓଡ଼ିଶା ସରକାରଙ୍କ ଇଲେକ୍ଟ୍ରୋନିକ୍ ଏବଂ ସୂଚନା ପ୍ରଯୁକ୍ତିବିଦ୍ୟା ବିଭାଗର ପ୍ରମୁଖ ସଚିବ ମନୋଜ କୁମାର ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ସ୍ଥାନୀୟ କର୍ପୋରେଟର ଚାରୁଲତା ସାମନ୍ତରାୟ, ଶାଖା ପରିଚାଳକ ସୁସ୍ମିତା ପଟ୍ଟନାୟକଙ୍କ ସମେତ ବ୍ୟାଙ୍କର ବହୁ ବରିଷ୍ଠ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ। ଏ ସମ୍ପର୍କରେ ଏଚ୍ଡିଏଫ୍ସି ବ୍ୟାଙ୍କ୍ର କ୍ଲଷ୍ଟର ହେଡ୍ ତଥା ସିନିୟର ଭାଇସ୍ ପ୍ରେସିଡେଣ୍ଟ ଅନିମେଶ ବିଶ୍ୱାଳ କହିଛନ୍ତି, ସହରବାସୀଙ୍କ ସମେତ ସ୍ଥାନୀୟ ଅଞ୍ଚଳର ଗ୍ରାହକଙ୍କୁ ସମସ୍ତ ବ୍ୟାଙ୍କିଙ୍ଗ୍ ସେବା ଯୋଗାଇଦେବା ସହ ଗୃହଋଣ, ସୁନାଋଣ ସମେତ ଅନ୍ୟାନ୍ୟ ଋଣ ଓ ବ୍ୟାଙ୍କିଙ୍ଗ୍ ସୁବିଧା ମଧ୍ୟ ଉପଲବ୍ଧ। ଏଠାରେ ବିଶେଷକରି ବିଦେଶୀ ମୁଦ୍ରା ବିନିମୟ, ଲକର ଓ ଇ-ରୁପିର ସୁବିଧା ସାଙ୍ଗକୁ ଶାଖା ପରିସରରେ ୨୪ ଘଣ୍ଟିିଆ ଏଟିଏମ୍ର ସୁବିଧା ଉଭୟ ଟଙ୍କା ଉଠାଣ ଓ ଜମା କରିପାରିବେ। ଅପରପକ୍ଷରେ ଉକ୍ତ ଶାଖା ଜରିଆରେ ଏସ୍ଏଚ୍ଜି ଓ ଏସ୍ଏଲଇ ଗ୍ରୁପ୍କୁ ଋଣ ମଧ୍ୟ ଦିଆଯାଉଛି। ସୂଚନାଯୋଗ୍ୟ, ଭୁବନେଶ୍ୱରରେ ଏହା ୩୩ତମ ଶାଖା ହୋଇଥିବା ବେଳେ ଓଡ଼ିଶାରେ ବ୍ୟାଙ୍କର ଏହା ୧୯୦ ତମ ଶାଖା ବୋଲି ବ୍ୟାଙ୍କ ପକ୍ଷରୁ କୁହାଯାଇଛି।
