କଟକ,୧୭।୨:ଦେଶର ପ୍ରମୁଖ ୨ଚକିଆ ଯାନ ନିର୍ମାତା ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆ ପକ୍ଷରୁ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ନ୍ୟୁ ହୋଣ୍ଡା ଆକ୍ଟିଭା ସ୍ମାର୍ଟ କି-୨୦୨୩କୁ ନିକଟରେ ଉନ୍ମୋଚନ କରାଯାଇଛି। ଏହି ପରିପ୍ରେକ୍ଷୀରେ କଟକ ସହରର ସ୍ବୀକୃତିପ୍ରାପ୍ତ ହୋଣ୍ଡା ଡିଲର ଉତ୍କଳ ହୋଣ୍ଡା, ଦୁର୍ଗା ହୋଣ୍ଡା ଏବଂ ଏସ୍ଜିବିଏଲ୍ ହୋଣ୍ଡା ପକ୍ଷରୁ ସ୍ଥାନୀୟ ବାଲିଯାତ୍ରା ପଡ଼ିଆଠାରେ ହୋଣ୍ଡାର ନ୍ୟୁ ଆକ୍ଟିଭା ସ୍ମାର୍ଟ କି’ର ଅନାବରଣ ଉତ୍ସବର ଆୟୋଜନ କରାଯାଇଥିଲା। ଏକ ରଙ୍ଗାରଙ୍ଗ କାର୍ଯ୍ୟକ୍ରମ ଜରିଆରେ ହୋଣ୍ଡାର ଉକ୍ତ ମଡେଲର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଥିଲା। ଏହି ଅବସରରେ ହୋଣ୍ଡାର ସେଲ୍ସ ଜୋନାଲ ମୁଖ୍ୟ ରାଜେଶ ଚୌଧୁରୀ ମୁଖ୍ୟ ଅତିଥି ଭାବେ ଯୋଗଦେଇଥିଲାବେଳେ କମ୍ପାନୀର ସର୍ଭିସ୍ ଜୋନାଲ ପରିଚାଳକ ଶିବପ୍ରତାପ ସିଂହ, ଏରିଆ ସେଲ୍ସ ଇନ୍ଚାର୍ଜ ଅମିତ ମହାପାତ୍ର, ଏରିଆ ସର୍ଭିସ୍ ଇନ୍ଚାର୍ଜ ଶୁଭେନ୍ଦୁ କୁମାର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଏପରିକି ଓଡ଼ିଆ ଅଭିନେତ୍ରୀ ପ୍ରିୟା ଚୌଧୁରୀ ମଧ୍ୟ ସ୍ବତନ୍ତ୍ର ଅତିଥି ଭାବେ ଯୋଗଦେଇଥିଲେ। ସେହିଭଳି କଟକ ସହରର ୩ ପ୍ରମୁଖ ହୋଣ୍ଡା ଡିଲର ଉତ୍କଳ ହୋଣ୍ଡା, ଦୁର୍ଗା ହୋଣ୍ଡା ଏବଂ ଏସ୍ଜିବିଏଲ୍ ହୋଣ୍ଡାର ଏମ୍ଡି ଅଖିଲ ପୋଦ୍ଦାର, ଶୁଭେନ୍ଦୁ ମହାନ୍ତି ଓ ସୁନୀଲ ଗୁପ୍ତାଙ୍କ ଦ୍ୱାରା ଆୟୋଜିତ ଏହି ସ୍ବତନ୍ତ୍ର ଉତ୍ସବରେ ଉଭୟ ନୂଆ ପୁରୁଣା ଗ୍ରାହକଙ୍କ ସମେତ ହୋଣ୍ଡା ଏବଂ ୩ ଶୋ’ରୁମ୍ର ବରିଷ୍ଠ ଅଧିକାରୀ ଓ ଅନ୍ୟ କର୍ମଚାରୀମାନେ ଯୋଗଦେଇଥିଲେ। ଅପରପକ୍ଷରେ ଉକ୍ତ ମଡେଲରେ ଅନେକ ବୈଶିଷ୍ଟ୍ୟ ସାମିଲ ରହିଛି। ବିଶେଷକରି ଏହାର ସ୍ମାର୍ଟ କି’ ଜରିଆରେ ଗ୍ରାହକମାନେ ସ୍ମାର୍ଟ ଫାଇଣ୍ଡ୍, ସ୍ମାର୍ଟ ଅନ୍ଲକ୍, ସ୍ମାର୍ଟ ଷ୍ଟାର୍ଟ ଓ ସ୍ମାର୍ଟ ସେଫ୍ ଭଳି ସୁବିଧା ପାଇପାରିବେ। ଏହା ସହିତ ଇଞ୍ଜିନ ଷ୍ଟାର୍ଟ-ଷ୍ଟପ୍ ସୁଇଚ୍ ମଧ୍ୟ ରହିଛି।
