ଦେବଗଡ଼,୧୮ା୪(ଡି.ଏନ.ଏ.): ଦେବଗଡ ଜିଲା ପୋଲିସ ସ୍ପେଶାଲ ସ୍କ୍ବାଡ୍କୁ ପୁଣି ମିଳିଛି ସଫଳତା। ରବିବାର ବେଆଇନ ହନୁମାନ ପଇସା କାରବାରରେ ଲିପ୍ତ ୨ ଅଭିଯୁକ୍ତଙ୍କୁ ଗ୍ରାହକ ବେଶରେ କାବୁ କରିଛି ପୋଲିସ। ଗିରଫ ଦୁଇ ଅଭିଯୁକ୍ତ ହେଲେ ସମ୍ବଲପୁର ଜିଲା ନାକଟିଦେଉଳ ଥାନା ଅନ୍ତର୍ଗତ ଗୌଡ଼ପଡା ଗ୍ରାମର ସରୋଜ ବାଦୀ ଓ ଟଙ୍କଧର ବାଦୀ। ସେମାନଙ୍କ ନିକଟରୁ ଗୋଟିଏ ହନୁମାନ ପଇସା ଜବତ କରାଯାଇଛି।
ପ୍ରକାଶ ଯେ, ସମ୍ବଲପୁର-ଦେବଗଡ଼ ସୀମାନ୍ତ ଗ୍ରାମର କେତେଜଣ ବ୍ୟକ୍ତି ଦେବଗଡ଼ ଜିଲା ରିଆମାଳ ଥାନାଞ୍ଚଳରେ ହନୁମାନ ପଇସା ବିକ୍ରି ପାଇଁ ଉଦ୍ୟମ କରୁଥିବା ପୋଲିସକୁ ସୂଚନା ମିଳିଥିଲା। ପରେ ଏସଡିପିଓ ପ୍ରତ୍ୟୁଷ କୁମାର ମହାପାତ୍ରଙ୍କ ନେତୃତ୍ୱରେ ଜିଲା ପୋଲିସ ସ୍ପେଶାଲ ସ୍କ୍ବାଡ୍ ଗ୍ରାହକ ବେଶରେ ଉକ୍ତ ବେପାରୀଙ୍କ ସହ ହନୁମାନ ପଇସା କିଣିବାକୁ ୧ କୋଟି ଟଙ୍କାରେ ଡିଲ୍ କରିଥିଲେ। ତଦନୁଯାୟୀ ଭୋର ସମୟରେ ହନୁମାନ ପଇସା ଧରି ଗୌଡ଼ପଡା ଗ୍ରାମର ସରୋଜ ଓ ଟଙ୍କଧର ତାରଙ୍ଗ ଗ୍ରାମ ଛକ ନିକଟରେ ପହଞ୍ଚତ୍ବା ପରେ ଜଗି ରହିଥିବା ସ୍ପେଶାଲ ସ୍କ୍ବାଡ୍ ସେମାନଙ୍କୁ କାବୁ କରିଥିଲା। ଏହା ପୂର୍ବରୁ ହନୁମାନ ପଇସା ଡିଲ୍ ସ୍ପେଶାଲ ସ୍କାଡ୍ ଅଭିଯୁକ୍ତଙ୍କୁ ଧରିଥିଲା।
