ଦୁବାଇ,୩।୧୧: ଆଫଗାନିସ୍ତାନର ନଜର ସେମିଫାଇନାଲରେ ଅଛି ବୋଲି କହିଛନ୍ତି ଦ୍ରୁତ ବୋଲର ହାମିଦ ହସନ। ଏହାଛଡ଼ା ଦଳ ବୁଧବାର ଟି୨୦ ବିଶ୍ୱକପ୍ର ଭାରତ ବିପକ୍ଷ ମ୍ୟାଚ୍ରେ ବିଜେତା ହେବା ପାଇଁ ଚେଷ୍ଟା କରିବେ ବୋଲି ସେ ମଧ୍ୟ କହିଛନ୍ତି।
ଆଫଗାନିସ୍ତାନ ଏବେ ଚାରି ଅଙ୍କ ସହ ଦ୍ୱିତୀୟ ସ୍ଥାନରେ ରହିଛି। ଅପରପକ୍ଷେ ଭାରତ ଦୁଇଟି ମ୍ୟାଚ୍ ହାରିଥିବା ଯୋଗୁ ଲିଗ୍ରୁ ବାହାର ହୋଇଯିବାର ଡର ରହିଛି। ହସନ କହିଛନ୍ତି, ଆମର ଲକ୍ଷ୍ୟ ଏବେ ସେମିଫାଇନାଲରେ କ୍ୱାଲିଫାଏ କରିବା। ଭାରତ ବିପକ୍ଷରେ ଜିତିବାଲାଗି ଆମ ପାଖରେ ଭଲ ସୁଯୋଗ ରହିଛି। ଯଦି ଆମେ ଟସ୍ ଜିତି ଭଲ ସ୍କୋର କରିପାରୁ ତେବେ ଫିଲ୍ଡିଂ ଏବଂ ବୋଲିଂ ଭଲ କରି ଆମେ ତାଙ୍କୁ ହରାଇପାରିବୁ।
ଏହାଛଡ଼ା ଖରାପ ଫର୍ମ ଦେଇ ଗତି କରୁଥିବା ଭାରତର ଶୀର୍ଷକ୍ରମ ପାଇଁ କ’ଣ ଯୋଜନା ଅଛି ପ୍ରଶ୍ନରେ ସେ କହିଛନ୍ତି, ମଇଦାନ ଉପରେ ତାହା ନିର୍ଭର କରିବ। ଆମେ ଦେଖିବୁ ପିଚ୍ କେଉଁଭଳି ରହୁଛି। ତଦନୁଯାୟୀ ଆମର ଯୋଜନା କାମ କରିବୁ। ମ୍ୟାଚ୍ ପୂର୍ବରୁ କିଛି ବି କୁହାଯାଇ ପାରିବ ନାହିଁ। ହେଲେ ଆମେ ଶତ ପ୍ରତିଶତ ଦେବାକୁ ଚେଷ୍ଟା କରିବୁ। ବ୍ୟାଟିଂରେ ମଧ୍ୟ ଆମ ଦଳ ଭଲ କରିଆସୁଛି ବୋଲି ସେ କହିଛନ୍ତି।
