ନୂଆଦିଲ୍ଲୀ,୨୦ ।୧୧: ଗୁଜରାଟ ନିର୍ବାଚନ ପାଇଁ ପ୍ରଚର ଯୋରସୋରରେ ଚାଲିଛି । ନେତାମାନଙ୍କ ଆରୋପ ପ୍ରତ୍ୟାରୋପ ଜାରି ରହିଛି । ଏହି ସମୟରେ ଜଣେ କଂଗ୍ରେସ ନେତା ଏକ ବିବାଦୀୟ ବୟାନ ଦେଇ ଆସିଛନ୍ତି ଚର୍ଚ୍ଚାକୁ । ସେ କହିଛନ୍ତି ଦେଶକୁ କେବଳ ମୁସଲମାନ ବଞ୍ଚାଇ ପାରିବେ । ସିଦ୍ଧପୁର ବିଧାନସଭା ଆସନରୁ କଂଗ୍ରେସ ପ୍ରାର୍ଥି ଥିବା ଚନ୍ଦନ ଠାକୋରଙ୍କ ଏହି ବୟାନକୁ ଭାରତୀୟ ଜନତା ପାର୍ଟି(ଭାଜପା) ନେତା ଓ ରାଜ୍ୟର ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଟୁଇଟ କରି କହିଛନ୍ତି, ହାରିବା ଭୟରେ କଂଗ୍ରେସ ପୁଣିଥରେ ସଂଖାଲଘୁ ପୁଷ୍ଟିକରଣର ହୀନ ରାଜନୀତି କରିବା ଆରମ୍ଭ କରିଛି । ହେଲେ କଂଗ୍ରେସ ଏହା ଜାଣି ରଖିବା ଦରକାର ଯେ ସେ ହାରିବା ନିଶ୍ଚିତ ତାକୁ କେହି ବଞ୍ଚାଇ ପାରିବେ ନାହିଁ ।
ସୂଚନାଯୋଗ୍ୟ, ଭେଡିୟୋରେ ଚନ୍ଦନ ଠାକୋର ଗୁଜରାତିରେ ଏକ ଜନସଭାକୁ ସମ୍ବୋଧନ ଦେବା ସମୟରେ କହିଥିଲେ, ଆମେ କିଛି ନୂଆ କରିବାକୁ ସେମାନଙ୍କୁ (ଭାଜପା)କୁ ଭୋଟ ଦେଇଥିଲୁ ହେଲେ ସେମାନେ ସମ୍ପୂର୍ଣ୍ଣ ଦେଶକୁ ଧୋକା ଦେଇଦେଲ । ଏବେ ଦେଶକୁ କେବଳ ମୁସଲମାନ ସମାଜ ହିଁ ବଞ୍ଚାଇ ପାରିବ । ଆଉ ମୁସଲମାନ ସମାଜକୁ କେବଳ କଂଗ୍ରେସ ଦଳ ହିଁ ବଞ୍ଚାଇ ପାରିବ । ଏହାର ଗୋଟିଏ ଉଦାହରଣ ଦେଉଛି, ଏନଆରସି ପ୍ରସଙ୍ଗକୁ ନେଇ ସୋନିଆ ଗାନ୍ଧୀ, ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ସଡ଼କକୁ ଆସି ଲଢିଛନ୍ତି ।
