ନୂଆଦିଲ୍ଲୀ,୨୦ ।୧୧: ଗୁଜରାଟ ବିଧାନସଭା ନିର୍ବାଚନ ପ୍ରଚାରରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏଣ୍ଟ୍ରି ହୋଇ ସାରିଛି । ଶନିବାର ମୋଦି ବଲସାଡରେ ରାଲି କରିବା ସହ ରୋଡ ଶୋ’ ବି କରିଥିଲେ । ରବିବାର ପ୍ରଧାନମନ୍ତ୍ରୀ ମୋଦି ରାଲି କରିବାର କାର୍ଯ୍ୟକ୍ରମ ରହିଛି । ହେଲେ ଏହା ପୁର୍ବରୁ ସେ ସୋମନାଥ ମନ୍ଦିର ଯାଇ ପୂଜାର୍ଚ୍ଚନା କରିବେ ଓ ଭଗବାନଙ୍କ ଆଶୀର୍ବାଦ ଭିକ୍ଷା କରିବେ । ପ୍ରଧାନମନ୍ତ୍ରୀ ସୋମନାଥ ମନ୍ଦିର ଟ୍ରଷ୍ଟର ଅଧ୍ୟକ୍ଷ ରହିଛନ୍ତି ।
ରବିବାର ମୋଦି ସୋମନାଥ ମନ୍ଦିର ଯିବା ପରେ ସୌରାଷ୍ଟ୍ରରେ ୪ଟି ରାଲିକୁ ସମ୍ବୋଧନ ଦେବାର କାର୍ଯ୍ୟକ୍ରମ ରହିଛି । ସେ ବେରାୱଲ, ଧୋରାରଜି, ଅମରେଲି ଓ ବୋଟାଦରେ ଜନସାଧାରଣଙ୍କୁ ସାମ୍ବୋଧନ କରିବେ । ଭାଜପା ସୌରାଷ୍ଟ୍ରର ଏହିସବୁ ଆସନରୁ ଗତ ବିଧାନସଭା ନିର୍ବାଚନରେ କୌଣସି ଗୋଟିଏ ଆସନରେ ବି ବିଜୟୀ ହୋଇ ନ ଥିଲା । ଭଜପା ଯଦିଓ ରାଜ୍ୟରେ ସରକାର ଗଠନ କରିଥିଲା ହେଲେ ଲୋକଙ୍କ ଚିନ୍ତାଧାରାକୁ ବଦଳାଇ ପାରି ନ ଥିଲା । ଏଠାରେ ଲୋକେ ପାରମ୍ପାରିକ ଭାବେ କଂଗ୍ରେସକୁ ଭୋଟ ଦେଇଥିଲେ ।
କାର୍ଯ୍ୟସୂଚୀ ଅନୁଯାୟୀ, ମୋଦି ସକାଳ ୧୧ଟାରେ ସୌରାଷ୍ଟ୍ରର ବେରାୱଲରେ ରହିବେ ଓ ଦିନ ୧୨ଟା ୪୫ରେ ଧୋରାଜିରେ ରହିବେ । ଅମରେଲିରେ ଦିନ ୨ଟା ୩୦ରେ ଓ ବୋଟାଜରେ ସନ୍ଧ୍ୟା ୬ଟା ୧୫ରେ ଜନସଭାକୁ ସମ୍ବୋଧିତ କରିବେ । ଏହାପରେ ସନ୍ଧ୍ୟାରେ ଗାନ୍ଧିନଗର ଫେରିଆସିବେ ଓ ରାତିରେ ରାଜଭବନରେ ରହିବେ ।
