କୋଲକାତା,୧୫ା୧୧: ଚଳିତ ଆର୍ଥତ୍କ ବର୍ଷରେ ଦେଶର ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧି ୨ ଅଙ୍କ ଛୁଇଁପାରେ। ଆସନ୍ତା ଆର୍ଥତ୍କ ବର୍ଷରେ ଏହା ୫.୭%ରୁ ୬ % ରହିପାରେ ବୋଲି ସରକାରଙ୍କ ମୁଖ୍ୟ ଅର୍ଥନୈତିକ ପରାମର୍ଶଦାତା(ସିଇଏ) କେ.ଭି.ସୁବ୍ରମଣ୍ୟନ ରବିବାର କହିଛନ୍ତି। ମୁଦ୍ରାସ୍ଫୀତି ‘ଭି’ ଆକୃତିର ଅଭିବୃଦ୍ଧିକୁ ପ୍ରଭାବିତ କରିପାରିବ ନାହିଁ। ଦେଶର ଅଭିବୃଦ୍ଧି ୮.୭% ଏବଂ ୯.୪% ମଧ୍ୟରେ ରହିବ ବୋଲି ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍ଏଫ୍) ଏବଂ ଅନ୍ୟ ଅନ୍ତର୍ଜାତୀୟ ଏଜେନ୍ସିଗୁଡ଼ିକ ଆକଳନ କରିଛନ୍ତି।
ସରକାର ବର୍ତ୍ତମାନ ଗ୍ରହଣ କରିଥିବା ବିଭିନ୍ନ ପଦକ୍ଷେପକୁ ଲୋକମାନେ ଉପଲବ୍ଧ କରିନାହାନ୍ତି। ଏପରିକି ୧୯୯୧ରେ ଗ୍ରହଣ କରାଯାଇଥିବା ଆର୍ଥତ୍କ ସଂସ୍କାର ସମ୍ପର୍କରେ ୯୯% ଲୋକ ବୁଝିବାକୁ ସକ୍ଷମ ହୋଇନାହାନ୍ତି। ସରକାର ହାତକୁ ନେଉଥିବା ସଂସ୍କାର ଯୋଗୁ ବଜାରକୁ ସୁଫଳ ମିଳିଛି। ଏଭଳି ଧାରା ଆଗାମୀ ଦିନରେ ମଧ୍ୟ ଜାରି ରହିବ। ସେ ପୁଣି କହିଛନ୍ତି, ଦେଶ ମଧ୍ୟରେ ୪.୫% ମୁଦ୍ରାସ୍ଫୀତି ରହିଛି। ଭାରତ ତୁଳନାରେ ବିଶ୍ୱ ସ୍ତରରେ ମୁଦ୍ରାସ୍ଫୀତି ଅଧିକ ରହିଛି। ବିଶ୍ୱ ବଜାର ଚାହିଦାଭିତ୍ତିକ ନୀତି ଉପରେ ଧ୍ୟାନ କେନ୍ଦ୍ରିତ କରିଥିବା ବେଳେ ଭାରତ ଯୋଗାଣ ବୃଦ୍ଧି ଉପରେ ବିଶେଷ ଗୁରୁତ୍ୱ ପ୍ରଦାନ କରିଛି।
ବୃଦ୍ଧିକୁ ନଜରରେ ନ ରଖି କେବଳ ଚାହିଦା ବୃଦ୍ଧି ଉପରେ ଧ୍ୟାନ କେନ୍ଦ୍ରିତ କଲେ ମୁଦ୍ରାସ୍ଫୀତି ଭଳି ସମସ୍ୟା ଉପୁଜିବ। ଉଲ୍ଲେଖଯୋଗ୍ୟ, କରୋନା ମହାମାରୀ ଯୋଗୁ ଘରୋଇ ବଜାରର ଆର୍ଥତ୍କ କାର୍ଯ୍ୟକଳାପ ପ୍ରଭାବିତ ହୋଇ ରହିଥିଲା। ଏହା ଯୋଗୁ ଦେଶର ଜିଡିପି ଗଭୀର ଭାବେ କ୍ଷତିଗ୍ରସ୍ତ ହୋଇଥିଲା। ଜିଡିପି -୭.୩% ଖସିଥିଲା। ଭାରତର ଜଡିପି ଯେଉଁ ଭଳି ହାରରେ କ୍ଷତିଗ୍ରସ୍ତ ହୋଇଛି ବିଶ୍ୱର ଅନ୍ୟ ପ୍ରାନ୍ତଗୁଡ଼ିକରେ ପ୍ରାୟ ସେଭଳି ସ୍ଥିତି ଦେଖିବାକୁ ମିଳିନାହିଁ। ତେବେ କରୋନାର ଦ୍ୱିତୀୟ ଲହରରେ ମଧ୍ୟ ଅର୍ଥ ବ୍ୟବସ୍ଥା କିଛିଟା କ୍ଷତିଗ୍ରସ୍ତ ହୋଇଥିଲା। ତେବେ ଚଳିତ ବର୍ଷ ବଜାର ସ୍ବାଭାବିକ ସ୍ଥିତିକୁ ଫେରିବା ଆରମ୍ଭ କରିଛି। ଚଳିତ ଆର୍ଥତ୍କ ବର୍ଷ ଜିଡିପି ଅଭିବୃଦ୍ଧି ଉନ୍ନତ ରହିବ ବୋଲି ଅଧିକାଂଶ ଏଜେନ୍ସି ଆକଳନ କରିଛନ୍ତି।
