Advertisement

‘ଅରୁଆ’, ‘ଛାତ’ ଯୋଜନାରେ ବଢ଼ିବ ଭୂତଳ ଜଳ

ହର୍ଷବର୍ଦ୍ଧନ ବେହେରା

ଯାଜପୁର ଅଫିସ,୨ା୧୧: ରାଜ୍ୟର ୧୮ ଜିଲାର ୫୨ ବ୍ଲକରେ ଭୂତଳ ଜଳ ହ୍ରାସ ପରିମାଣ ସର୍ବାଧିକ । ଏଥିରେ ଖୋର୍ଦ୍ଧା, ଯାଜପୁର ଓ ବାଲେଶ୍ୱର ଜିଲା ଆଗରେ ରହିଛି। ଗ୍ରାଉଣ୍ଡ ୱାଟର ରିସୋର୍ସ ଏସେସ୍‌ମେଣ୍ଟ(ଜିଡବ୍ଲ୍ୟୁଆର୍‌ଏ)-୨୦୨୦ ରିପୋର୍ଟରେ ଏହା ସ୍ପଷ୍ଟ ହୋଇଛି। ତେଣୁ ରାଜ୍ୟ ଜଳ ସମ୍ପଦ ବିଭାଗ ପକ୍ଷରୁ ଏହିସବୁ ଅଞ୍ଚଳରେ ଆର୍ଟିଫିସିଆଲ ରିଚାର୍ଜ ସହ ଅଣ୍ଡରଗ୍ରାଉଣ୍ଡ ଆକ୍ୟୁଫର(ଏଆର୍‌ୟୁଏ) ବା ଅରୁଆ ଏବଂ କମ୍ୟୁନିଟି ହାର୍‌ନେସିଂ ଆଣ୍ଡ ହାରଭେଷ୍ଟିଂ ରେନ ୱାଟର ଆର୍ଟିଫିସିଆଲି ଫ୍ରମ ଟେରେସ ଟୁ ଆକ୍ୟୁଫର(ସିଏଚ୍‌ଏଚ୍‌ଏଟିଏ) ବା ଛାତ ଯୋଜନା କାର୍ଯ୍ୟକାରୀ ହେଉଛି। ଏଥିରେ ଅରୁଆ ଯୋଜନାରେ ପୋଖରୀ କିମ୍ବା ଟ୍ୟାଙ୍କ କୂଳରେ ଉପରୋକ୍ତ ବ୍ଲକ ଅଞ୍ଚଳରେ ୨୪୦୦ ସୁଡ଼ଙ୍ଗ ବା ଗାତ(ସାଫ୍ଟ) ଖୋଳା ଯିବ। ଏଥିପାଇଁ ୫ ବର୍ଷିଆ ଯୋଜନାରେ ୪୯.୨୩ କୋଟି ଟଙ୍କା ବ୍ୟୟ ଅଟକଳ ରଖାଯାଇଛି। ସେହିପରି ଛାତ ଯୋଜନାରେ ସହରାଞ୍ଚଳର ଛାତରୁ ବୋହି ଯାଉଥିବା ପାଣିକୁ ସଂରକ୍ଷଣ କରାଯିବ। ଏଥିରେ ୨୭ଟି ସହରାଞ୍ଚଳରେ ୨୯୫୦୦ ବେସରକାରୀ ଗୃହ ଏବଂ ୧୯୨୫ଟି ସରକାରୀ ଗୃହ ପାଇଁ ୫ ବର୍ଷିଆ ଯୋଜନାରେ ୨୭୦ କୋଟି ଟଙ୍କା ବ୍ୟୟ ଅଟକଳ ହୋଇଛି। ଜଳଶକ୍ତି ଅଭିଯାନରେ ଏହିସବୁ ପ୍ରକଳ୍ପ କାର୍ଯ୍ୟକାରୀ ହେଲେ ଭୂତଳ ଜଳ ପୁନଃଭରଣ ହୋଇ ପାରିବ ବୋଲି ସରକାରୀସ୍ତରରେ ଦୃଢୋକ୍ତି ପ୍ରକାଶ ପାଇଛି। ଏହି ମର୍ମରେ ଜଳ ସମ୍ପଦ ବିଭାଗର ଅତିରିକ୍ତ ସଚିବ ଅନିଲ କୁମାର ପଟ୍ଟନାୟକ ୩୧ା୧୦ା୨୦୨୨ରେ ରାଜ୍ୟର ସମସ୍ତ ଜିଲାପାଳ ଓ ଡିଆରଡିଏ ପ୍ରକଳ୍ପ ନିର୍ଦ୍ଦେଶକଙ୍କୁ ପରବର୍ତ୍ତୀ ପିଢି ଯେପରି ଭୂତଳ ଜଳ ଅଭାବର ସମ୍ମୁଖୀନ ନ ହେବେ ସେଥିପାଇଁ ଆବଶ୍ୟକ ପଦକ୍ଷେପ ନେବାକୁ ଅନୁରୋଧ କରିଛନ୍ତି।
ଜିଡବ୍ଲ୍ୟୁଆର୍‌ଏ ରିପୋର୍ଟ ଅନୁସାରେ ରାଜ୍ୟରେ ବାର୍ଷିକ ୧୮୭୯୧୫୦.୫୩ ଏଚ୍‌ଏମ୍‌(ହେକ୍ଟର ମିଟର) ଜଳ ରିଚାର୍ଜ ହୋଇଥାଏ। ସେଥିରୁ ପ୍ରାକୃତିକ ଭାବେ ବାର୍ଷିକ ୧୫୩୧୭୩.୧୬ ଏଚ୍‌ଏମ୍‌ ଭୂତଳ ଜଳ ଖଲାସ ହୋଇଥାଏ। ଏହାବାଦ୍‌ ଜଳସେଚନ କ୍ଷେତ୍ରରେ ୫୫୭୩୩୦.୫୫ ଏଚ୍‌ଏମ୍‌, ଶିଳ୍ପ କାରଖାନା ପାଇଁ ୧୫୬୮୪.୪୪ ଏଚ୍‌ଏମ୍‌, ଗୃହପାଳିତ(ଡୋମେଷ୍ଟିକ) କ୍ଷେତ୍ରରେ ୧୨୮୮୫୧.୦୨ ଏଚ୍‌ଏମ୍‌ ଭାବେ ମୋଟ ୭୦୧୮୬୬.୦୧ ଏଚ୍‌ଏମ୍‌ (୪୦.୬୬%) ଭୂତଳ ଜଳ ବାର୍ଷିକ ବ୍ୟବହାର ହେଉଛି। ତେବେ ଏହି ପ୍ରକ୍ରିୟାରେ ଖୋର୍ଦ୍ଧା ଜିଲାର ଖୋର୍ଦ୍ଧା, ଭୁବନେଶ୍ୱର, ବୋଲଗଡ଼ ଓ ବାଲିପାଟଣା ବ୍ଲକରେ ୫୫୪ଟି ଅରୁଆ ଯୋଜନାରେ ବୈଷୟିକ ପଦ୍ଧତିରେ ଗାତ ଖୋଲାଯିବ। ସେହିପରି ଯାଜପୁର ଜିଲାର କୋରେଇ, ବିଞ୍ଝାରପୁର, ରସୁଲପୁର, ଯାଜପୁର ଓ ଦଶରଥପୁର ବ୍ଲକ ଅଞ୍ଚଳରେ ୪୦୫ଟି, ବାଲେଶ୍ୱର ଜିଲାର ବାହାନଗା, ରେମୁଣା ଓ ବାଲିଆପାଳ ବ୍ଲକ ଅଞ୍ଚଳରେ ୩୩୪ ଗାତ ଖୋଲିବାକୁ ନିଷ୍ପତ୍ତି ହୋଇଛି। ଅନ୍ୟପକ୍ଷେ ଅନୁଗୁଳ ଜିଲାର ତାଳଚେର ବ୍ଲକରେ ୩୮, ପୁରୀ ଜିଲାର କାକଟପୁର ବ୍ଲକରେ ୩୪, ନୟାଗଡ଼ ଜିଲାର ନୟାଗଡ଼ ବ୍ଲକରେ ୩୮, କେନ୍ଦ୍ରାପଡ଼ା ଜିଲାର ଗରଡ଼ପୁର ବ୍ଲକରେ ୨୨୨, ଜଗତସିଂହପୁର ଜିଲାର କୁଜଙ୍ଗ ବ୍ଲକରେ ୩୫, କଟକ ସଦର ବ୍ଲକରେ ୩୫, ଭଦ୍ରକ ଜିଲାର ଧାମନଗର ବ୍ଲକରେ ୩୫ ଓ ଭଣ୍ଡାରୀପୋଖରୀରେ ୩୮, କେନ୍ଦୁଝର ଜିଲାର ଯୋଡା ବ୍ଲକରେ ୩୮, ମୟୁରଭଞ୍ଜ ଜିଲାର ବଡସାହିରେ ୩୮ ଓ ରାସଗୋବିନ୍ଦପୁର ବ୍ଲକରେ ୩୭, ନୂଆପଡା ଜିଲାର ନୂଆପଡ଼ା ବ୍ଲକରେ ୨୨୪, ବଲାଙ୍ଗୀର ଜିଲାର ଲୋଇସିଂହା ବ୍ଲକରେ ୩୫, ବରଗଡ଼ ଜିଲାର ବରଗଡ଼ରେ ୩୮, ଭଟଲିରେ ୩୮ ଓ ଝାରବନ୍ଧରେ ୩୫, ସୋନପୁର ଜିଲାର ସୋନପୁରରେ ୩୮, ସୁନ୍ଦରଗଡ଼ ଜିଲାର ବିଶ୍ରାରେ ୩୮ ଏବଂ ଝାରସୁଗୁଡ଼ା ଜିଲାର ଝାରସୁଗୁଡ଼ା ବ୍ଲକରେ ୩୮ଟି ଅରୁଆ ଗାତ ଖୋଲାଯିବ।
ପୂର୍ବରୁ ପ୍ରକାଶ ପାଇଥିବା ରିପୋର୍ଟ ଅନୁସାରେ ଯାଜପୁର ଜିଲାର କଳିଙ୍ଗନଗର ଶିଳ୍ପାଞ୍ଚଳକୁ ଲାଗି ରହିଥିବା କୋରେଇ ବ୍ଲକ ସେମି କ୍ରିଟାକାଲ ସ୍ଥିତିରେ ରହିଛି। ଏହି ବ୍ଲକରେ ବାର୍ଷିକ ଭୂତଳ ଜଳ ସ୍ଥିତି ୮୭୩୦.୬୭ ଏଚ୍‌ଏମ୍‌ ରହିଥିଲାବେଳେ ୭୫୪୯.୬୬ ଏଚ୍‌ଏମ୍‌(୮୬.୪୮%)ବିଭିନ୍ନ କ୍ଷେତ୍ରରେ ବ୍ୟବହାର ହେଉଛି। ଏଥିମଧ୍ୟରୁ ଜଳସେଚନ କ୍ଷେତ୍ରରେ ସର୍ବାଧିକ ୭୫୪୯.୮୬ ଏଚ୍‌ଏମ୍‌ ଭୂତଳ ଜଳ ବ୍ୟବହାର ହେଉଥିବା ରିପୋର୍ଟରେ ଦର୍ଶାଯାଇଛି। ବେଳହୁଁ ଭୂତଳ ଜଳସ୍ତର ନିମ୍ନଗାମୀକୁ ନିୟନ୍ତ୍ରଣ ନ କଲେ ଆଗାମୀ ଦିନରେ ଯେ ତୃଷା, ଅଭାବ,ଅନଟନ, ଜଳସଙ୍କଟ ଆଦି ଘଟଣା ସାମ୍‌ନାକୁ ଆସିବ ଏଥିରେ ସନ୍ଦେହ ନାହିଁ ବୋଲି ସାଧାରଣରେ ମତପ୍ରକାଶ ପାଇଛି ା


Enter your email to get our daily news in your inbox.

All Right Reserved By Dharitri.Com

ଥମୁଛି ସଂକ୍ରମଣ,୩ ହଜାରରୁ ଖସିଲା

ନୂଆଦିଲ୍ଲୀ,୧୫।୩: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ କମିବାରେ ଲାଗିଛି। ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ୨...

ଓଆଇପିଏଲ୍‌ ଜାଲିଆତି କରି ଜମି ହାତେଇଛି : କ୍ରାଇମ୍‌ବ୍ରାଞ୍ଚ

ଭୁବନେଶ୍ୱର,୬ା୧୧(ବ୍ୟୁରୋ): ଖୋର୍ଦ୍ଧା ସାରୁଅ ଜମି ବିବାଦ ମାମଲା ଦିନକୁ ଦିନ ନୂଆ ମୋଡ଼ ନେଉଛି। ଓଡ଼ିଶା ଇନ୍‌ଫ୍ରାଟେକ ପ୍ରାଇଭେଟ ଲିମିଟେଡ୍‌ (ଓଆଇପିଏଲ) କମ୍ପାନୀ ଜାଲିଆତି କରି...

ମୁଖ୍ୟମନ୍ତ୍ରୀ କରୋନା ସହାୟତା ପାଣ୍ଠିକୁ ୧ଲକ୍ଷ ଟଙ୍କାର ସହାୟତା

ନୂଆପଡା ଅଫିସ,୨୦ା୪: ନୂଆପଡା ମହାମାୟା ସାଇନ୍ସ ଆଣ୍ଡ ଟେକନିକାଲ ସାଇନ୍ସ ସଂଗଠନ ତରଫରୁ ମୁଖ୍ୟମନ୍ତ୍ରୀଙ୍କ କରୋନା ସହାୟତା ପାଣ୍ଠିକୁ ୧ଲକ୍ଷ ଟଙ୍କା ପ୍ରଦାନ କରାଯାଇଛି। ସୋମବାର...

ହାଟ୍ରିକ୍‌ କଲେ ନମିତା

କୋରାପୁଟ,୧୨ା୩(ସ୍ବ.ପ୍ର.): କୋରାପୁଟ ବ୍ଲକ ଅଧ୍ୟକ୍ଷା ଭାବେ ନମିତା ମାଝି ହାଟ୍ରିକ କରିଛନ୍ତି। ନମିତା ୪ ଖଣ୍ଡ ଭୋଟ୍‌ ବ୍ୟବଧାନରେ ବିଜୟୀ ହୋଇଥିବା ଜଣାଯାଇଛି। ଶନିବାର ମଧ୍ୟାହ୍ନରେ...

ହାଇ ସିକ୍ୟୁରିଟି ନମ୍ବର ପ୍ଲେଟ୍‌ ବଢ଼ାଇଛି ଅସନ୍ତୋଷ

କେନ୍ଦ୍ରାପଡା ଅଫିସ,୩ା୬: ୨୦୧୯ ପୂର୍ବ ସମସ୍ତ ଗାଡିର ନମ୍ବର ପ୍ଲେଟ ବଦଳିବ। ଆସନ୍ତା ଡିସେମ୍ବର ଶେଷ ସୁଦ୍ଧା ହାଇ ସିକ୍ୟୁରିଟି ନମ୍ବର ପ୍ଲେଟ ଗାଡିରେ ଲଗାଯିବ।...

ରାତିରେ ଘରେ ପଶି ବନ୍ଧୁକ ଦେଖାଇ ଲୁଟିନେଲେ

ଫୁଲବାଣୀ ଅଫିସ,୨।୮: କନ୍ଧମାଳ ଜିଲା ଫୁଲବାଣୀ ସହର ପଟାବାଲି ସାହିରେ ଜଣେ ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା ଗହଣା ଏବଂ ଟଙ୍କା ଲୁଟ୍‌ ହୋଇଛି...

ବୁଲ୍‌ବୁଲ୍‌ ପ୍ରଭାବ: ଧାନଚାଷ ଉଜୁଡ଼ିବା ଆଶଙ୍କା, ଚିନ୍ତାରେ ଚାଷୀ

ପାଟକୁରା,୯।୧୧(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ଗରଦପୁର ବ୍ଲକ ଅଞ୍ଚଳରେ ବାତ୍ୟା ‘ବୁଲ୍‌ବୁଲ୍‌’ର ପ୍ରଭାବ ଦେଖିବାକୁ ମିଳିଛି। ଏ ନେଇ ଶୁକ୍ରବାର ପ୍ରବଳ ବର୍ଷା ଲାଗି ରହିଥିବା ବେଳେ...

୧୯୨୯ କଲ୍‌ ସେଣ୍ଟରକୁ ଆସିଲାଣି ୫୦ହଜାରରୁ ଊର୍ଦ୍ଧ୍ୱ କଲ୍‌

ଭୁବନେଶ୍ୱର, ୨୨ା୫ (ବ୍ୟୁରୋ): କରୋନା ସମ୍ପର୍କିତ ସଚେତନତା ତଥା ପରାମର୍ଶ ପ୍ରଦାନ କରିବା ପାଇଁ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ୨୪ଘଣ୍ଟିଆ ୧୯୨୯ କଲ୍‌...

Advertisement
Archives

Model This Week