ସାଲେପୁର,୭ା୭(ଅରବିନ୍ଦ ଭୂୟାଁ): ଆଗକୁ ଚାଷ କାର୍ଯ୍ୟ ଆରମ୍ଭ ହେବାକୁ ଥିବାରୁ କେନ୍ଦ୍ରାପଡ଼ା କେନାଲ ସମେତ ଶାଖା କେନାଲଗୁଡ଼ିକୁ ସଫେଇ କରାଯାଉଛି। ସରକାରଙ୍କ ପକ୍ଷରୁ ଜଳସେଚନକୁ ଅଧିକ ଗୁରୁତ୍ୱ ଦେଇ କେନାଲଗୁଡିକୁ ସଫେଇ କରିବା ନିମନ୍ତେ ଅର୍ଥ ମଞ୍ଜୁର କରାଯାଉଥିବାବେଳେ ସଫେଇ କରୁଥିବା ସଂସ୍ଥା ଓ ବିଭାଗୀୟ ଅଧିକାରୀଙ୍କ ସଲାସୁତୁରାରେ ସଫେଇ ନାମରେ ଖାଲି ଘାସ କଟାଯାଇ ଟଙ୍କା ଆମତ୍ସାତ କରାଯାଉଥିବା ଅଭିଯୋଗ ହେଉଛି। ଆଗକୁ ଚାଷକାର୍ଯ୍ୟ ଆରମ୍ଭ ହେବାକୁ ଥିବାବେଳେ ଚାଷ ଜମିଗୁଡ଼ିକରେ କେନାଲ ମାଧ୍ୟମରେ ସୁରୁଖୁରୁରେ ଜଳସେଚନ କରିବାକୁ କେନାଲ ଗୁଡ଼ିକୁ ଜଳସେଚନ ବିଭାଗ ପକ୍ଷରୁ ସଫେଇ କରାଯାଉଛି। କିନ୍ତୁ ବିଭାଗୀୟ ଅଧିକାରୀଙ୍କ ଅନୁପସ୍ଥିତିରେ ମେଶିନ ମାଧ୍ୟମରେ ସଫେଇ ନାମରେ ଖାଲି ଘାସ ସଫା କରି ସରକାରୀ ଅର୍ଥ ଆମତ୍ସାତ କରିବା ପାଇଁ ଉଦ୍ୟମ ଚଳାଇଥିବା ଅଭିଯୋଗ ହୋଇଛି। ସାଲେପୁର ବ୍ଲକର କେନ୍ଦ୍ରାପଡ଼ା ମୁଖ୍ୟ କେନାଲରୁ ବାହାରିଥିବା ୬ନଂ. ଶାଖା କେନାଲର ସଫେଇ କାର୍ଯ୍ୟ ଏବେ ଚାଲୁଅଛି। ୬ ନଂ. କେନାଲର ଡାକପୋଲଠାରୁ ରୋଧପୁର ଗ୍ରାମ ପର୍ଯ୍ୟନ୍ତ ମେଶିନ ମାଧ୍ୟମରେ ସଫେଇ ନାମରେ ଖାଲି ଘାସ କଟା ଚାଲିଛି। ଯେଉଁ ସ୍ଥାନରେ କେନାଲ ପୋତି ହୋଇଯାଇଛି, ସେ ସ୍ଥାନରେ ମାଟି ଖୋଳାଯାଉନାହିଁ। ଫଳରେ କେନାଲରେ ପାଣି ଆସିଲେ ଜମିର ଶେଷମୁଣ୍ଡରେ କେନାଲ ପାଣି ପହଞ୍ଚତ୍ବାରେ ଆଶଙ୍କା ପ୍ରକାଶ ପାଇଛି। ପୂର୍ବରୁ ଠିକାଦାର ମାଧ୍ୟମରେ କେନାଲ ସଫେଇ କରାଯାଉଥିଲା, ଠିକ୍ ଭାବେ ଠିକାଦାର କେନାଲ ସଫେଇ କାର୍ଯ୍ୟ ନ କରିବାରୁ ବାରମ୍ବାର ଅଭିଯୋଗ ହେବାରୁ ଚଳିତ ବର୍ଷ ପାଣିପଞ୍ଚାୟତର ସଦସ୍ୟମାନଙ୍କ ଦ୍ୱାରା ଏହି କାର୍ଯ୍ୟ ସମ୍ପାଦନ ହେଉଥିଲେ ମଧ୍ୟ ଯଥା ପୂର୍ବଂ ତଥା ପରଂ ନ୍ୟାୟରେ ଏବେ ବି ସେହିପରି ସଫେଇ କାର୍ଯ୍ୟ ଚାଲୁଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏ ଦିଗରେ ଦୃଷ୍ଟି ଦେବାକୁ ଦାବି ହୋଇଛି। ଏ ସମ୍ପର୍କରେ ଜଳସେଚନ ବିଭାଗ ସହକାରୀ ଯନ୍ତ୍ରୀ ଅକ୍ଷୟ କୁମାର ମଲିକଙ୍କୁ ପଚାରିବାରେ ଏ ନେଇ ଅଭିଯୋଗ ପହଞ୍ଚତ୍ଛି। ସଫେଇ କାର୍ଯ୍ୟ ଯେଉଁ ସ୍ଥାନରେ ଠିକ୍ ଭାବେ କରାଯାଇନାହିଁ, ପୁନର୍ବାର ସେହି ସ୍ଥାନରେ ସଫେଇ କାର୍ଯ୍ୟ କରାଯିବ ବୋଲି ସେ ପ୍ରକାଶ କରିଥିଲେ।
