ଦଶମନ୍ତପୁର,୨ା୩( ଡି.ଏନ.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଅନ୍ତର୍ଗତ ଚଣାବାଡ ପଞ୍ଚାୟତର ଥିବା ସଲପଗୁଡ଼ା ଗ୍ରାମରେ ଜଣେ ଗୁରୁତର ରୋଗୀ ଭାରରେ ବୁହା ହୋଇ ଡାକ୍ତରଖାନା ଯିବା ପରି ଦୃଶ୍ୟ ଗୁରୁବାର ଦେଖିବାକୁ ମିଳିଛି। ରାସ୍ତା ଅବସ୍ଥା ଅତି ଶୋଚନୀୟ ହୋଇପଡିଥିବାରୁ ତାଙ୍କୁ ତାଙ୍କ ନାତି ୩ କି.ମି. ଭାରରେ ବୋହି ଡାକ୍ତରଖାନା ନେଇଥିଲେ।
ଖବରରୁ ଜଣାପଡିଛି, ଗ୍ରାମର ଲକ୍ଷ୍ମଣ ହିକକା (୬୨)ଙ୍କ ବୁଧବାରଠାରୁ ପରିଶ୍ରାରେ ସମସ୍ୟା ଦେଖାଦେଇଥିଲା। ରାସ୍ତା ଅବସ୍ଥା ଏବଂ ଗ୍ରାମ ନିକଟରେ ଥିବା ପୋଡ଼ ନଦୀ ପାର ହୋଇ ସେ ଡାକ୍ତରଖାନା ଯାଇପାରୁ ନ ଥିଲେ। ତେବେ ସେ ପରିସ୍ରା ବନ୍ଦଜନିତ ସମସ୍ୟା ଯୋଗୁ ଗୁରୁବାର ଗୁରୁତର ହୋଇପଡିଥିଲେ। ଲକ୍ଷ୍ମଣଙ୍କ ଅବସ୍ଥା ଦେଖି ତାଙ୍କ ନାତି ସୁରେନ୍ଦ୍ର ହିକକା ତାଙ୍କୁ ଡାକ୍ତରଖାନା ନେବାକୁ ଏକ ଦୋଳା (ଭାର) ପ୍ରସ୍ତୁତ କରି ସେଥିରେ ଲକ୍ଷ୍ମଣଙ୍କୁ ବସାଇ ସମ୍ପର୍କୀୟ ଜହନ ହିକକାଙ୍କ ସହାୟତାରେ ବୋହି ଆଣିଥିଲେ।
