ନୂଆଦିଲ୍ଲୀ,୨।୧: ମହିଳା ସରକାରୀ କର୍ମଚାରୀ ଏବଂ ପେନସନଧାରୀଙ୍କ ପାଇଁ କେନ୍ଦ୍ର ସରକାର ବଡ଼ ଘୋଷଣା କରଛeନ୍ତି । କାର୍ମିକ ମନ୍ତ୍ରାଳୟର ଘୋଷଣା ଅନୁସାରେ, ଏଣିକି ବିବାହ ବିବାଦ ସହ ଜଡିତ ମାମଲାରେ ମହିଳା କର୍ମଚାରୀ ସ୍ବାମୀଙ୍କ ବଦଳରେ ନିଜ ପିଲାଙ୍କୁ ଫ୍ୟାମିଲି ପେନସନ ପାଇଁ ନୋମିନେଟ କରିପାରିବେ ।
କେନ୍ଦ୍ରୀୟ ସିଭିଲ ସେବା ନିୟମ ଅନୁଯାୟୀ, ସରକାରୀ କର୍ମଚାରୀ ଏବଂ ଅବସରପ୍ରାପ୍ତ ସରକାରୀ କର୍ମଚାରୀଙ୍କ ମୃତ୍ୟୁ ପରେ ପରାବାରିକ ପେନସନ ପାଇଁ ଅନୁମତି ଦେଉଛି ।
ବର୍ତ୍ତମାନର ନିୟମ ଅନୁସାରେ କୌଣସି ସରକାରୀ କର୍ମଚାରୀଙ୍କ ମୃତ୍ୟୁ ପରେ ପେନସନର ପ୍ରଥମ ଲାଭ ତାଙ୍କ ସ୍ତ୍ରୀ କିମ୍ବା ସ୍ବାମୀଙ୍କୁ ଦିଆଯାଇଥାଏ । ଯଦି ମୃତ ସରକାରୀ କର୍ମଚାରୀଙ୍କ ଜୀବନସାଥୀଙ୍କ ସହ କୌଣସି ବିବାଦ ଥାଏ କିମ୍ବା ମୃତ୍ୟୁ ହୋଇଯାଇଥାଏ ତେବେ ତାଙ୍କ ସନ୍ତାନ ଓ ପରିବାରର ଅନ୍ୟ ସଦସ୍ୟ ଫ୍ୟାମିଲି ପେନସନ ପାଇଁ ଯୋଗ୍ୟ ହୋଇଥାନ୍ତି ।
ଅନେକ ଆଲୋଚନା ପରେ ସରକାର ଏବେ ମହିଳା କର୍ମଚାରୀଙ୍କୁ ଏହି ଅନୁମତି ଦେଇଛନ୍ତି। ସେହିପରି ଯଦି କୌଣସି ଅଦାଲତରେ ଛାଡ଼ପତ୍ର ମାମଲା ବିଚାରଧୀନ ରହିଛି ତେବେ ମହିଳା ନିଜ ସ୍ବାମୀଙ୍କ ପରିବର୍ତ୍ତେ ନିଜ ପିଲାଙ୍କୁ ଫ୍ୟାମିଲି ପେନସନ ପାଇଁ ହିତାଧିକାରୀ କରିପାରିବେ । ଏହାଛଡ଼ା ଯଦି ମହିଳା ନିଜ ସ୍ବାମୀଙ୍କ ବିରୋଧରେ ଘରୋଇ ହିଂସା, ଯୌତୁକ କିମ୍ବା ଭାରତୀୟ ଦଣ୍ଡ ବିଧାନ ଅଧିନରେ ମାମଲା ରୁଜୁ କରିଥାନ୍ତି ତେବେ ତାଙ୍କ ପିଲାଙ୍କୁ ପେନସନ ଦିଆଯିବ ।
