ଭବାନୀପାଟଣା,୨୪।୧୦(ଡି.ଏନ୍.ଏ.): କଳାହାଣ୍ଡି ଜିଲା କେଗାଁ ଥାନା ମହାଲିଙ୍ଗ ଘରୋଇ ସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ରିମାଣ୍ଡ ଅବଧି ଆଜି ସରିବ। ଜେରା ସରିବା ପରେ ଜେଲ ଯିବେ ଗୋବିନ୍ଦ। ମଧ୍ୟାହ୍ନ ୧୨ଟାରୁ ୧ ଟା ମଧ୍ୟରେ କୋର୍ଟରେ ହାଜର କରାଯିବ। ଶନିବାର ବିଳମ୍ବିତ ରାତିରେ ଗୋବିନ୍ଦଙ୍କର ମେଡିକାଲ ଟେଷ୍ଟ କରାଯାଇଛି। ଗୋବିନ୍ଦର ମେଡିକାଲ ଟେଷ୍ଟ କରିବା ପାଇଁ ବଲାଙ୍ଗୀର ଏସ୍ପିଙ୍କ କାର୍ଯ୍ୟାଳୟରୁ ଗୋବିନ୍ଦଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲକୁ ନିଆଯାଇଥିଲା।
ଗୋବିନ୍ଦ କହିଥିବା କାହାଣୀ ସତ ନା ଏହି କାହାଣୀରେ ଆଉ କାହାର ସଂପୃକ୍ତି ଅଛି ଯାହା ପୋଲିସ ପାଇଁ ବଡ଼ ଚ୍ୟାଲେଞ୍ଚ୍ ରହିଛି। ଆଜି ଗୋବିନ୍ଦ ରିମାଣ୍ଡ ଶେଷ ଦିନ ହୋଇଥିବା ବେଳେ ପୋଲିସ ଶେଷ ଦିନରେ ଗୋବିନ୍ଦଙ୍କଠୁ ଆହୁରି କଣ ତଥ୍ୟ ଆଦାୟ କରିବ ତା ଉପରେ ନଜର ରହିଛି। ଗୋବିନ୍ଦ ଜେଲ ଯିବେ ନା ପୁଣିଥରେ ପୋଲିସ ତାଙ୍କୁ ଆଉଥରେ ରିମାଣ୍ଡରେ ଆଣିବାକୁ ଆବେଦନ କରିବ ସେନେଇ ଅପେକ୍ଷା ରହିଛି।
