ଲକ୍ଷ୍ନୌ,୨୧ ।୪: ଉତ୍ତର ପ୍ରଦେଶର ଯୋଗୀ ଆଦିତ୍ୟନାଥ ସରକାର ପୁରୋହିତ ଓ ବରିଷ୍ଠ ସନ୍ଥଙ୍କ ଲାଭକୁ ନେଇ ଏକ ବଡ ନିଷ୍ପତ୍ତି ନେଇଛନ୍ତି । ରାଜ୍ୟରେ ‘ପୁରୋହିତ କଲ୍ୟାଣ ବୋର୍ଡ’ ଗଠନ କରାଯିବାକୁ ନିଷ୍ପତ୍ତି ନିଆଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଟୁଇଟ୍ କରି ଏହି ସୂଚନା ଦେଇଛନ୍ତି । ଏହାସହ ସେ ଟୁଇଟ୍ କରି କହିଛନ୍ତି, ସମସ୍ତ ସଂସ୍କୃତ ବିଦ୍ୟାଳୟରେ ପଢୁଥିବା ଛାତ୍ରଙ୍କୁ ବିଶେଷ ଛାତ୍ରବୃତ୍ତି ବ୍ୟବସ୍ଥା କରିବାକୁ ଯାଉଛୁ । ସୂଚନାଯୋଗ୍ୟ, କଥାବ୍ୟାସ ଶାସ୍ତ୍ରୀ ଶିବାକାନ୍ତ ମହାରାଜ କିଛିଦିନ ତଳେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟି ପୂଜାରୀ, ପୁରୋହିତଙ୍କ ହିତ କଥା ଉଠାଇଥିଲେ । ଏବେ ମୁଖ୍ୟମନ୍ତ୍ରୀ ପୁରୋହିତ କଲ୍ୟାଣ ବୋର୍ଡ ଓ ସଂସ୍କୃତ ବିଦ୍ୟାଳୟର ଛାତ୍ରଙ୍କୁ ଛାତ୍ର ବୃତ୍ତି କଥା ଘୋଷଣା କରିବା ପରେ ଶିବାକାନ୍ତ ମହାରାଜ ଯୋଗୀଙ୍କୁ ଧନ୍ୟବାଦ ଦେଇଛନ୍ତି । ଏହା ପୂର୍ବରୁ ଯୋଗୀ ଆଦିତ୍ୟନାଥ ରାୟବରେଲିରେ ଏକ ଜନସଭାକୁ ସମ୍ବୋଧନ ଦେବା ସମୟରେ କହିଥିଲେ ନିର୍ବାଚନ ଫଳାଫଳ ଆସିବା ପରେ ଭାରତୀୟ ଜନତା ପାର୍ଟି(ଭାଜପା) ସରକାର ରାଜ୍ୟରେ ପୁରୋହିତ କଲ୍ୟାଣ ବୋର୍ଡ ଗଠନ କରିବ ।
