ନୂଆଦିଲ୍ଲୀ,୪।୩ : ଦିଲ୍ଲୀର ଉପରାଜ୍ୟପାଳ ଭି.କେ ସାକ୍ସେନା ଦିଲ୍ଲୀର ସରକାରୀ ସ୍କୁଲ ଶିକ୍ଷକମାନଙ୍କୁ ଫିନଲାଣ୍ଡରେ ତାଲିମ ପାଇଁ ପଠାଇବା ପ୍ରସ୍ତାବକୁ ଅନୁମୋଦନ କରିଛନ୍ତି। ଏହା ସହିତ ପ୍ରାଥମିକ ଇନ-ଚାର୍ଜଙ୍କ ସଂଖ୍ୟାକୁ ୫୨ ର ୮୭ କୁ ବୃଦ୍ଧି କରିଛନ୍ତି। ଉପରାଜ୍ୟପାଳଙ୍କ ଅନୁଯାୟୀ, ୨୯ ଟି ପ୍ରଶାସନିକ ଜୋନ ଅଛି ଏବଂ ପ୍ରତ୍ୟେକ ଜୋନରୁ ୩ ଜଣ ପ୍ରାଥମିକ ଇନଚାର୍ଜ ଫିନଲାଣ୍ଡ ତାଲିମ ପାଇଁ ଯାଇପାରିବେ । ଫିନଲାଣ୍ଡ ତାଲିମ ପାଇଁ ଦିଲ୍ଲୀ ସରକାରୀ ସ୍କୁଲ ଶିକ୍ଷକ ପଠାଇବା ପ୍ରସଙ୍ଗ ଦୀର୍ଘ ଦିନ ଧରି ରାଜ୍ୟ ସରକାର ଏବଂ ଉପରାଜ୍ୟପାଳଙ୍କ ମଧ୍ୟରେ ତିକ୍ତତାର କାରଣ ହୋଇଆସୁଥିଲା।
ସାକ୍ସେନା ତାଙ୍କ ଅନୁମୋଦନରେ ଉଲ୍ଲେଖ କରିଛନ୍ତି ଯେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ନେତୃତ୍ୱାଧୀନ ସରକାର ଅତୀତରେ କରାଯାଇଥିବା ବିଦେଶୀ ତାଲିମ କାର୍ଯ୍ୟକ୍ରମର ପ୍ରଭାବ ଆକଳନକୁ ରେକର୍ଡ କରିବାକୁ ମନା କରି ଦେଇଛନ୍ତି।
ଯେତେବେଳେ କେଜ୍ରିୱାଲ ସରକାର ଏହି ପ୍ରସ୍ତାବକୁ ଉପରାଜ୍ୟପାଳଙ୍କ ପାଖକୁ ପଠାଇଥିଲେ, ସେତେବେଳେ ସେ ଏକ ଖର୍ଚ୍ଚ-ଲାଭ ବିଶ୍ଳେଷଣ କରିବାକୁ ଏବଂ ନିଜ ଦେଶରେ ତାଲିମ ପାଇଁ ବିକଳ୍ପ ଖୋଜିବାକୁ କହିଥିଲେ।
ଏହା ପରେ କେଜରିୱାଲ ସରକାର ପୁନର୍ବାର ଜାନୁଆରୀ ୨୦ ରେ ଉପରାଜ୍ୟପାଳଙ୍କ ନିକଟକୁ ଏହି ଏହାର ଫାଇଲ ପଠାଇଥିଲେ।
