ଗୁଡ଼ାରି,୨୧ା୯(ପ୍ରମୋଦ କୁମାର ପତି): ଶଙ୍ଖଭବନରୁ ଆସିଲା ଖୁସି ଖବର। ବିଜୁ ଜନତା ଦଳର ଗୁଡ଼ାରି ନଗର କମିଟି ସଭାପତି ଭାବେ ବିଜେଡି ନେତା ଈଶ୍ୱର ପାଣିଗ୍ରାହୀଙ୍କୁ ଦଳ ଦାୟିତ୍ୱ ପ୍ରଦାନ କରିଥିବା ବେଳେ ସାଧାରଣ ସମ୍ପାଦକ ଭାବେ ପୂର୍ଣ୍ଣଚନ୍ଦ୍ର ମହାନ୍ତିଙ୍କ ନାମ ଘୋଷଣା କରାଯାଇଛି। ଶଙ୍ଖଭବନରୁ ଏ ନେଇ ବିଜ୍ଞପ୍ତି ଜାରି ହୋଇଛି। ଏହି ଗୁରୁ ଦାୟିତ୍ୱ ପ୍ରଦାନ କରିଥିବାରୁ ଉଭୟ ଜିଲା ସଭାପତି ଜଗନ୍ନାଥ ସାରକା ଏବଂ ବିଜେଡିର ରାଜ୍ୟ ସାଧାରଣ ସମ୍ପାଦକ ସୁଧୀର ଦାସଙ୍କୁ ଧନ୍ୟବାଦ ଜଣାଇଛନ୍ତି। ଦଳୀୟ ସ୍ଥିତି ସୁଦୃଢ଼ କରିବା ସହ ସମନ୍ବୟ ରକ୍ଷା କରି ଦଳକୁ ଆଗେଇ ନେବି ବୋଲି ନୂତନ ସଭାପତି କହିଛନ୍ତି।
ସେହିପରି ନୂତନ ସାଧାରଣ ସମ୍ପାଦକ ଆସନ୍ତା ପୌର ନିର୍ବାଚନରେ ସହରର ସମସ୍ତ ୧୧ଟି ଓ୍ବାର୍ଡ ଦଳ ହାସଲ କରିବା ସହ ପରିଷଦର ଅଧ୍ୟକ୍ଷ ପଦବୀ ଅକ୍ତିଆର କରିବ ସେ ନେଇ ପ୍ରାଣମୁର୍ଚ୍ଛା ଉଦ୍ୟମ କରାଯିବ ବୋଲି ସୂଚନା ଦେଇଛନ୍ତି। ସଭାପତି ଓ ସାଧାରଣ ସମ୍ପଦକଙ୍କ ସମେତ ଏହି କମିଟିରେ ୧୧ ଜଣ ପଦବୀଧାରୀଙ୍କ ନାମ ଘୋଷଣା କରାଯାଇଛି। କମିଟିରେ ୩ ଜଣ ଉପସଭାପତି ଭାବେ ସଦାଶିବ ପାଣିଗ୍ରାହୀ, ସୁଶୀଲ ଗୁରୁ, ଗଣେଶ ଚନ୍ଦ୍ର ଲିମାଙ୍କ ନାମ ଘୋଷଣା ହୋଇଥିବା ବେଳେ ୫ ଜଣଙ୍କୁ କମିଟି ସମ୍ପାଦକ ଭାବେ ଦାୟିତ୍ୱ ଦିଆଯାଇଛି ସେମାନେ ହେଲେ ଅନିଲ କୁମାର ଶବର, ରବୀନ୍ଦ୍ର ନାଥ ପାତ୍ର, ଗଣେଶ କୁମାର ନାୟକ, ଦାମୋଦର ଗୌଡ଼ ଏବଂ ଲାକୋଜି ମାଝୀ। କୋଷାଧକ୍ଷ ଭାବେ ସତ୍ୟନାରାୟଣ ପଟନାୟକଙ୍କୁ ଦାୟିତ୍ୱ ପ୍ରଦାନ କରାଯାଇଛି। ନୂତନ ଭାବେ କମିଟିରେ ସ୍ଥାନ ପାଇଥିବା ସମସ୍ତ ନେତାଙ୍କୁ ବରିଷ୍ଠ ବିଜେଡି ନେତା ସନ୍ତୋଷ ମହାନ୍ତି ଓ କେଦାର ସାହୁ ଶୁଭେଚ୍ଛା ଜ୍ଞାପନ କରିଛନ୍ତି। ଆଗାମୀ ଦିନରେ ସମସ୍ତ ନୂତନ କମିଟି ସଦସ୍ୟଙ୍କୁ ଏକ ସ୍ବତନ୍ତ୍ର କାର୍ଯ୍ୟକ୍ରମ କରି ସମ୍ମାନିତ କରାଯିବ ବୋଲି ସୂଚନା ମିଳିଛି।