ଭଞ୍ଜନଗର,୨୨ା୭(ବାବୁଲା ପ୍ରଧାନ): ଗଞ୍ଜାମ ଜିଲ୍ଲା ବେଲଗୁଣ୍ଠା ବ୍ଳକ୍ ଶାସନ ପଞ୍ଚାୟତ ଅନ୍ତର୍ଗତ ବଡ଼ଦୋଡଙ୍ଗା ଗ୍ରାମରେ ବୁଧବାର ଏକ କବିତା ଆସର ଏବଂ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ବିଶିଷ୍ଟ ସାହିତ୍ୟିକ ଅଭିମନ୍ୟୁ ଦଳେଇଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ପ୍ରଧାନ ଶିକ୍ଷକ କବିରାଜ ପରିଡ଼ା, ଅବସରପ୍ରାପ୍ତ ଶିକ୍ଷା ପରିଦର୍ଶକ ଭିକାରୀ ଚରଣ ମିଶ୍ର, ବୋରୀ ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସରୋଜିନୀ ଦାଶ ପ୍ରମୁଖ ଅତିଥି ଯୋଗ ଦେଇ ରାଷ୍ଟ୍ର ଗଠନ ପାଇଁ ଉତ୍ତମ ଚେତନାର ଆବଶ୍ୟକ ରହିଛି ବୋଲି କହିଥିଲେ। ସାହିତ୍ୟ ଦ୍ଵାରା ହିଁ ବ୍ୟକ୍ତି ମନରେ ଉତ୍ତମ ଚେତନା ଜାଗ୍ରତ ହୋଇଥାଏ । ଏହି ଅବସରରେ ୨୫ ଜଣ କବି କବୟିତ୍ରୀ ସ୍ବରଚିତ କବିତା ପାଠ କରିଥିଲେ । ଶିକ୍ଷକ ରାଜେନ୍ଦ୍ର କୁମାର ବିଷୋୟୀ ପ୍ରାରମ୍ଭିକ ସଙ୍ଗୀତ ଗାନ କରିଥିବା ବେଳେ ଚିନ୍ମୟ ପରିଡ଼ା ଏବଂ ଶିକ୍ଷକ ପୂର୍ଣ୍ଣ ଚନ୍ଦ୍ର ଗୌଡ଼ ଅନ୍ତିମ ସଙ୍ଗୀତ ଗାନ କରିଥିଲେ । ଉକ୍ତ ସଙ୍ଗୀତ ଘୁମୁସରର କଳା ସଂସ୍କୃତିକୁ ପ୍ରତିପାଦିତ କରିଥିଲା।
ରେଷ୍ପଣ୍ଡ ଟ୍ରଷ୍ଟ ଅଧ୍ୟକ୍ଷ ସ୍ବସ୍ତି ସୁନ୍ଦର ସିଅ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଶିକ୍ଷକ ଶିଶିର କୁମାର ସ୍ବାଇଁ ଅତିଥି ପରିଚୟ ଏବଂ ଧନ୍ୟବାଦ ଜ୍ଞାପନ କରିଥିଲେ। ଚିନ୍ମୟ, ଅଂଶୁମାନ, ମୁନେନ୍ଦ୍ର କୁମାର ପରିଡା, ଜଗଦୀଶ, ପ୍ରତାପ ଚନ୍ଦ୍ର ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।