ନୂଆଦିଲ୍ଲୀ, ୨୨।୪: ନିକଟ ଅତୀତରେ ଭାରତରେ ସୁନା ଓ ରୂପା ମୂଲ୍ୟରେ ବହୁତ ବୃଦ୍ଧି ଘଟିଛି। କିନ୍ତୁ ସୋମବାର ଏଥିରେ କିଛି ମାତ୍ରାରେ ହ୍ରାସ ପାଇଛି। ସୁନା ସୋମବାର ୧୦ ଗ୍ରାମ ପିଛା ୬୦୦ ଟଙ୍କା ଶସ୍ତା ହୋଇଛି। ଏଥି ସହିତ ରୂପା ମଧ୍ୟ କିଲୋଗ୍ରାମ ପିଛା ୧୨୦୦ ଟଙ୍କା ଶସ୍ତା ହୋଇଛି। ଏଭଳି ପରିସ୍ଥିତିରେ ଉଭୟ ସୁନା ଓ ରୂପା ମୂଲ୍ୟରେ ଏକ ଜବରଦସ୍ତ ହ୍ରାସ ଦେଖିବାକୁ ମିଳୁଛି।
ସପ୍ତାହର ପ୍ରଥମ ବାଣିଜ୍ୟ ଦିନରେ ଅର୍ଥାତ୍ ସୋମବାରରେ ସୁନା ମୂଲ୍ୟ ୧୦ ଗ୍ରାମ ପିଛା ୭୨,୧୭୮ ଟଙ୍କାରେ ପହଞ୍ଚିଛି। ଶୁକ୍ରବାର ଦିନ, ୨୪ କ୍ୟାରେଟ୍ ସୁନା ସୁନା ଫ୍ୟୁଚର ବଜାରରେ ୧୦ ଗ୍ରାମ ପିଛା ୭୨,୭୯୨ ଟଙ୍କା ବନ୍ଦ ହୋଇଛି।
ସୁନା ବ୍ୟତୀତ ରୂପା ମୂଲ୍ୟରେ ମଧ୍ୟ ବହୁତ ହ୍ରାସ ଘଟିଛି। ବଜାରରେ ରୂପା ୧୨୦୭ ଟଙ୍କା ଶସ୍ତା ହୋଇ କିଲୋଗ୍ରାମରେ ୮୨,୩୦୦ ଟଙ୍କାରେ ପହଞ୍ଚିଛି। ଶୁକ୍ରବାର ଦିନ ଏହା କିଲୋଗ୍ରାମରେ ୮୩,୫୦୭ ଟଙ୍କା ବନ୍ଦ ହୋଇଛି।
- ଦିଲ୍ଲୀରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୭୩,୮୪୦ ଟଙ୍କାରେ ଏବଂ ରୂପା କିଲୋଗ୍ରାମରେ ୮୫,୫୦୦ ଟଙ୍କାରେ ବିକ୍ରି ହେଉଛି।
- ଚେନ୍ନାଇରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୭୪,୬୭୦ ଟଙ୍କା ଏବଂ ରୂପା କିଲୋଗ୍ରାମ ପିଛା ୮୯,୦୦୦ ଟଙ୍କାରେ ବିକ୍ରି ହେଉଛି।
- ମୁମ୍ବାଇରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପ୍ରତି ୭୩,୬୯୦ ଟଙ୍କାରେ ଏବଂ ରୂପା କିଲୋଗ୍ରାମରେ ୮୫,୫୦୦ ଟଙ୍କାରେ ବିକ୍ରି ହେଉଛି।
- କୋଲକାତାରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୭୩,୬୯୦ ଟଙ୍କାରେ ଏବଂ ରୂପା କିଲୋଗ୍ରାମରେ ୮୫,୫୦୦ ଟଙ୍କାରେ ବିକ୍ରି ହେଉଛି।
