ଗଞ୍ଜାମ,୨୧।୯(ବିଦ୍ୟାଧର ସାହୁ ): ଲେହ ଲଦାଖରେ ଅନୁଷ୍ଠିତ ରାଜ୍ୟ ସ୍ତରୀୟ ପେନଚାକ ସିଲlଟ ପ୍ରତିଯୋଗିତା 2026 ରେ ଓଡ଼ିଆ ପୁଅ ଶିବପ୍ରସାଦ ଜେନା ଗୋଲଡ଼ ମେଡାଲ ଜିତି ରାଜ୍ୟ ଓ ଜିଲା ପାଇଁ ଗୌରବ ଆଣିଛନ୍ତି । ଲେହ ଲାଦାଖରେ ନ୍ୟାସନାଲ ଚମ୍ପିୟନସିପରେ ସ୍ବର୍ଣ୍ଣ ପଦକ ଜିତିବା ପରେ ଆସନ୍ତା ମାସରେ ଇଣ୍ଡୋନେସିଆ ଠାରେ ହେବାକୁ ଥିବା ଅନ୍ତର୍ଜାତୀୟ ପେନଚାକରେ ଖେଳିବା ନିଶ୍ଚିତ ହୋଇଥିବା ଶିବପ୍ରସାଦଙ୍କ ବାପା ବଟେଶ୍ୱର ଜେନା ଗଣମାଧ୍ୟମକୁ ସୂଚନା ଦେଇଛନ୍ତି ।
ଗୁରୁଜନମାନଙ୍କ ଆର୍ଶିବାଦ ଏବଂ ରାଜ୍ୟ ସରକାରଙ୍କ ସହଯୋଗରେ ପୁଅ ସଫଳତା ହାସଲ କରିଥିବା ସେ କହିଛନ୍ତି । ଏଥିସହ ଶିବପ୍ରସାଦ ବିଭିନ୍ନ ଇଭେଣ୍ଟରେ ଦୁଇଟି ବ୍ରୋଞ୍ଜ ଓ ଦୁଇଟି ରୋପ୍ୟ (ସିଲଭର )ପଦକ ମଧ୍ୟ ହାସଲ କରିଥିବା ଗଣମାଧ୍ୟମକୁ ସୂଚନା ମିଳିଛି । କାଶ୍ମୀର ଓ ଉତ୍ତରାଖଣ୍ଡ ଦୁଇ ରାଜ୍ୟର ଖେଳାଳିଙ୍କୁ ପଛରେ ପକାଇ ଶିବପ୍ରସାଦ ସ୍ବର୍ଣ୍ଣ ପଦକ ହାସଲ କରିଥିବା ଜଣା ପଡିଛି ।
ଆସନ୍ତା 24ରେ ଲଦାଖରୁ ଫେରିବା ପରେ ଭୁବନେଶ୍ୱର ବିମାନ ବନ୍ଦର ଠାରେ ସରକାରଙ୍କ କ୍ରୀଡା ମନ୍ତ୍ରାଳୟ ପକ୍ଷରୁ ଶିବପ୍ରସାଦଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯିବ ବୋଲି ଏକ ବିଶ୍ୱସ୍ତ ସୂତ୍ରରୁ ଖବର ମିଳିଛି । ଗତ 19,20ଓ 21 ତିନି ଦିନ ଧରି ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଓଡିଶାରୁ ନିଜ ଜିଲା ଗଞ୍ଜାମ ପାଇଁ ପ୍ରତିନିଧିତ୍ୱ କରିଥିବା ଶିବପ୍ରସାଦଙ୍କୁ ମିଶାଇ ଓଡିଶାରୁ 35 ଜଣ ଭାଗ ନେଇଥିଲେ । ସେଥିରୁ ଓଡିଶାର ଏକ ମାତ୍ର ଶିବପ୍ରସାଦ ଗୋଲଡ଼ ମେଡାଲ ଜିତି ରାଜ୍ୟ ଓ ଜିଲା ପାଇଁ ଗୌରବ ଆଣିଛନ୍ତି । ଏଥିପାଇଁ ଶିବପ୍ରସାଦଙ୍କ କୋଚ ପ୍ରେମ ସିଂ ଥୋପା ଏବଂ ରାଜ୍ୟ ଜେନେରାଲ ସେକ୍ରେଟାରୀ ଜିତେନ୍ଦ୍ର କୁମାର ରାଉତଙ୍କୁ କୃତଜ୍ଞତା ଜଣାଇଛନ୍ତି ଶିବପ୍ରସାଦଙ୍କ ବାପା।
ଗତ ବର୍ଷ ମହାରାଷ୍ଟ୍ରର ନାସିକ ଠାରେ ଆୟୋଜିତ ନେସନାଲ ପେନକାକ ସ୍ପୋଷ୍ଟ ଚମ୍ପିୟାନ ସିପ ସବଜୁନିୟର ବର୍ଗରେ ଶିବପ୍ରସାଦ ସ୍ବର୍ଣ୍ଣ ପଦକ ହାସଲ କରି ରାଜ୍ୟ ସ୍ତରୀୟ ପ୍ରତିଯୋଗିତାରେ ନିଜର ଦକ୍ଷତା ପଦର୍ଶନ କରି ଉକୃଷ୍ଟ ପଦର୍ଶନ ମାଧ୍ୟମରେ ଜାତୀୟ ସ୍ତରକୁ ମନୋନୀତ ହୋଇଥିବା କହିଛନ୍ତି ଶିବପ୍ରସାଦଙ୍କ ବାପା । ଗୋଲ୍ଡ ମେଡାଲ ଜିତି ଆନ୍ତର୍ଜାତୀୟ ମ୍ୟାଚ ଖେଳିବାକୁ ଲକ୍ଷ ରଖିଥିବା ଶିବପ୍ରସାଦ ସଫଳ ହୋଇଛନ୍ତି ବୋଲି କହିଛନ୍ତି ଗୋଲଡ଼ ମେଡାଲ ବିଜେତାଙ୍କ ବାପା। ପ୍ରକାଶଯୋଗ୍ୟ ଗଞ୍ଜାମ ବ୍ଲକ ପାଳିବନ୍ଧ ପଞ୍ଚାୟତ ନିପଟ ମଫସଲ ଗ୍ରାମ ଗୋଖର କୁଦା ବଟେଶ୍ୱର ଜେନାଙ୍କ ପୁଅ ଶିବପ୍ରସାଦ ଜେନା ।
ଶିବପ୍ରସାଦ ସ୍ଥାନୀୟ ଜୟଶ୍ରୀ ଇଂରାଜୀ ମିଡ଼ିଅମ ସ୍କୁଲର ଦଶମ ଶ୍ରେଣୀରେ ପଢୁଛନ୍ତି । ପୂର୍ବରୁ ସ୍କୁଲ ପକ୍ଷରୁ ବ୍ରହ୍ମପୁର ସ୍ୟାଣ୍ଡ ଭିନସନ ଅନୁଷ୍ଠିତ ଟାଇକୋଣ୍ଡ ପ୍ରତିଯୋଗିତାରେ ଶିବପ୍ରସାଦ ଗୋଲଡ଼ ମେଡାଲ ଜିତି ଜିଲା ଓ ସହର ପାଇଁ ଗୌରବ ଆଣିଥିଲେ । ପରେ ଜିଲାସ୍ତରୀୟ 14 ବର୍ଷ କମ ପ୍ରତିଯୋଗିତାରେ ପୁଣି ଗୋଲଡ଼, କେଉଁଝରରେ ଅନୁଷ୍ଠିତ ରାଜ୍ୟସ୍ତରୀୟ ପ୍ରତିଯୋଗିତାରେ ଗୋଲଡ଼ ଜିତି ରାଜ୍ୟ ପାଇଁ ଓ ରାଜ୍ୟବାସୀଙ୍କ ମନ ଜିଣିଥିଲେ ଶିବପ୍ରସାଦ । ଗତ ଜାନୁୟାରୀ ଛଅରେ ରାଇପୁରରେ ଅନୁଷ୍ଠିତ କବାଡି ପ୍ରତିଯୋଗିତାରେ ମଧ୍ୟ ସଫଳତା ହାସଲ କରିଥିଲେ ଶିବପ୍ରସାଦ ।