ନୂଆଦିଲ୍ଲୀ,୧୭।୯: ବ୍ୟାଙ୍କିଙ୍ଗ୍ ରେଗୁଲେଶନ ଆଇନରେ ସଂଶୋଧନ ଆଣିବା ଦିଗରେ କେନ୍ଦ୍ର ସରକାର ବିଭିନ୍ନ ପଦକ୍ଷେପ ହାତକୁ ନେଉଛନ୍ତି। ସମବାୟ ବ୍ୟାଙ୍କଗୁଡିକୁ ରିଜର୍ଭ ବ୍ୟାଙ୍କ ପରିସରକୁ ଆଣିବା ଦିଗରେ ଯୋଜନା ଗ୍ରହଣ କରାଯାଇଛି। ଜମାକାରୀଙ୍କ ସ୍ବାର୍ଥ ରକ୍ଷା ଏବଂ ସମବାୟ ବ୍ୟାଙ୍କରେ ଗଭର୍ନାନ୍ସକୁ ଉନ୍ନତୀକରଣ କରିବା ଲାଗି ସରକାର ଆଇନରେ ସଂଶୋଧନ ଆଣିବାକୁ ଯାଉଛନ୍ତି ବୋଲି କେନ୍ଦ୍ରମନ୍ତ୍ରୀ ନିର୍ମଳା ସୀତାରାମନ ବୁଧବାର ସୂଚନା ଦେଇଛନ୍ତି। ବର୍ତ୍ତମାନ ଲୋକସଭାରେ ବ୍ୟାଙ୍କିଙ୍ଗ୍ ରେଗୁଲେସନ ସଂଶୋଧନ ଆଇନ ଉପସ୍ଥାପିତ ହୋଇଛି। ଏହା ଉପରେ ମତ ରଖି ଅର୍ଥମନ୍ତ୍ରୀ କହିଛନ୍ତି, ବର୍ତ୍ତମାନ ସମବାୟ ବ୍ୟାଙ୍କଗୁଡିକରେ ବିଭିନ୍ନ ସମସ୍ୟା ଦେଖାଯାଇଛି। ସରକାର ବାଧ୍ୟ ହୋଇ ଏଥିଲାଗି ଏକ ଅଧ୍ୟାଦେଶ ଆଣିଲେ ବୋଲି ସୀତାରାମନ ସ୍ପଷ୍ଟ କରିଛନ୍ତି।
