କୋରାପୁଟ,୧୯ା୪(ଅମିତାଭ ବେହେରା ): ପ୍ରେମିକର ନିର୍ଯ୍ୟାତନା ସହି ନପାରି ବେକରେ ରସି ଲଗାଇ ଆତ୍ମହତ୍ୟା କଲେ ଛାତ୍ରୀ । ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବା ବେଳେ ନ୍ୟାୟ ପାଇଁ କୋରାପୁଟ ଟାଉନ ଥାନାର ଦ୍ଵାରସ୍ଥ ହୋଇଛନ୍ତି ପରିବାର ଲୋକେ।
ପରିବାର ଲୋକଙ୍କ ଅଭିଯୋଗ ଅନୁସାରେ କୋରାପୁଟ ସଦର ମହକୁମା ପିତେଇ ଗ୍ରାମର ପ୍ରଫୁଲ୍ଲ ଖେମୁଣ୍ଡୁଙ୍କ ଝିଅ ଗାୟତ୍ରୀ ଖେମୁଣ୍ଡୁ ସୁନାପୁର ଜେଜେ ମାଙ୍କ ଘରେ ରହି ସେମିଳିଗୁଡା କଲେଜରେ +୩ ଦ୍ୱିତୀୟ ବର୍ଷରେ ପାଠ ପଢୁଥିଲେ । ଦାମନଯୋଡି ସ୍ଥିତ ମାଥାଲପୁଟ ଅଞ୍ଚଳର ଜଣେ ଯୁବକ ତାଙ୍କୁ ଭଲ ପାଉଥିଲେ। ଅନେକ ସମୟରେ କଲେଜ ଯିବା ବାଟରେରେ ସାକ୍ଷାତ କରୁଥିଲେ । ଛାତ୍ରୀଙ୍କ ସହିତ କଥା ହେବା ପାଇଁ ସେ ଏକ ମୋବାଇଲ ମଧ୍ୟ ଦେଇଥିଲେ। କିଛି କଥାକୁ ନେଇ ଦୁଇ ଜଣଙ୍କ ଭିତରେ ମତାନ୍ତର ଲାଗି ରହୁଥିଲା। ଶନିବାର ସନ୍ଧ୍ୟାରେ ପ୍ରେମିକ ଜଣଙ୍କ ଛାତ୍ରୀ ରହୁଥିବା ଜେଜେ ମାଙ୍କ ଘରକୁ ଯାଇ ଛାତ୍ରୀଙ୍କୁ ମାଡ଼ ମାରିଥିଲେ।
ରବିବାର ଛାତ୍ରୀଙ୍କ ବାପା ମୋବାଇଲ ସଜାଡ଼ିବା ପାଇଁ କୋରାପୁଟ ଆସିଥିବା ବେଳେ ଝିଅ ବେକରେ ରସି ଲଗାଇ ଆତ୍ମହତ୍ୟା କରିଛି । ପୁଅର ନିର୍ଯ୍ୟାତନା ସହି ନପାରି ଝିଅ ଆତ୍ମହତ୍ୟା କରିଛି ବୋଲି ପରିବାର ଲୋକେ ଅଭିଯୋଗ କରିଛନ୍ତି । ଏନେଇ ସଦର ଥାନା ପୋଲିସ ପକ୍ଷରୁ ତଦନ୍ତ ଚାଲିଥିବା ସଦର ଥାନା ଅଧିକାରୀ ରୁନୁ ମାଝୀ କହିଛନ୍ତି ।