ଟୋକିଓ,୨୨ା୨: ଜାପାନର ହମାମାଟ୍ସୁ ସହରର ସମୁଦ୍ର ଉପକୂଳରେ ଏକ ବଡ଼ ଲୁହା ବଲ୍ ମିଳିବା ପରେ ଆତଙ୍କ ଖେଳିଯାଇଛି। ଜାପାନ ସେନା, ପୋଲିସ ଏବଂ କୋଷ୍ଟଗାର୍ଡ ସମସ୍ତେ ଏ ବିଷୟରେ ସତର୍କ ଅଛନ୍ତି। ଏହି ବିଶାଳ ବଲ୍ର ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି। ସାଧାରଣ ନାଗରିକଙ୍କ ସହ ଜାପାନର ଅଧିକାରୀମାନେ ଏହି ପ୍ରସଙ୍ଗରେ ଉଦ୍ବେଗ ପ୍ରକାଶ କରିଛନ୍ତି। ଏହି କ୍ଷେତ୍ରକୁ ପରୀକ୍ଷା କରୁଥିବା ଅଧିକାରୀଙ୍କ ଭିଡିଓ ସୋସିଆଲ ମିଡିଆରେ ଶେୟାର କରାଯାଇଛି, କିନ୍ତୁ ଏପର୍ଯ୍ୟନ୍ତ ଜଣା ପଡିନାହିଁ ଯେ, ଲୁହାର ଏହି ବିଶାଳ ହୋଲ ବଲ୍ କ’ଣ ଏବଂ ଏହା ଜାପାନରେ କିପରି ପହଞ୍ଚିଲା?
ଏକ ରିପୋର୍ଟରୁ ପ୍ରକାଶ ଯେ, ଟୋକିଓଠାରୁ ପ୍ରାୟ ୧୫୫ କିଲୋମିଟର ଦୂରରେ ଥିବା ଦକ୍ଷିଣ ଉପକୂଳବର୍ତ୍ତୀ ସହର ହମାମାଟ୍ସୁର ଜଣେ ନାଗରିକ ପ୍ରଥମେ ଏହି ବିଶାଳ ବଲକୁ ଦେଖି ପୋଲିସକୁ ସୂଚନା ଦେଇଥିଲେ। ସେ କହିଛନ୍ତି, ସମୁଦ୍ର କୂଳରେ ଏକ ବଡ଼ ଗୋଲାକାର ବସ୍ତୁ ଅଛି। ଏହି ଖବର ପରେ ଜାପାନ ଗଣମାଧ୍ୟମରେ ବ୍ୟାପିଗଲା। ବିଶେଷଜ୍ଞମାନେ ଏକ୍ସ-ରେ ଟେକ୍ନୋଲୋଜି ବ୍ୟବହାର କରି ବସ୍ତୁର ଭିତର ଅଂଶକୁ ଯାଞ୍ଚ କରିବା ପରେ ଏହା ଖୋଲା ଥିବା ଜାଣିବା ପରେ ଏହାକୁ ପ୍ରତ୍ୟାଖ୍ୟାନ କରାଯାଇଥିଲା।
