ନୂଆଦିଲ୍ଲୀ,୧୫ା୧୧: ଅର୍ଡନାନ୍ସ ଫ୍ୟାକ୍ଟ୍ରି ମେଡକରେ ଅନେକ ପଦବୀ ପାଇଁ ନିଯୁକ୍ତି ରହିଛି। ସମୁଦାୟ ୮୬ଟି ପଦବୀ ପାଇଁ ଖାଲି ରହିଥିବାବେଳେ ଆବେଦନ ପାଇଁ ୩୦ ନଭେମ୍ବର ପର୍ଯ୍ୟନ୍ତ ଅବଧି ରହିଛି। ଏପରି ପରିସ୍ଥିତିରେ ଯଦି ଆପଣ ଏହି ନିଯୁକ୍ତି ପାଇଁ ଆବେଦନ କରିବାକୁ ଚାହାନ୍ତି, ତେବେ ଆପଣ ଏହି ତାରିଖ ପର୍ଯ୍ୟନ୍ତ ଆବେଦନ କରିପାରିବେ। ଏହା ପରେ ଆଉ ଆବେଦନ କରିପାରିବେ ନାହିଁ।
କେଉଁ ପଦ ପଡ଼ିଛି ଖାଲି:
ଏହି ପଦବୀଗୁଡ଼ିକ ମଧ୍ୟରେ ୫୦ଟି ଜୁନିଅର ମ୍ୟାନେଜର ପଦବୀ, ଡିପ୍ଲୋମା ଟେକ୍ନିସିଆନର ୨୧ଟି , ଆସିଷ୍ଟାଣ୍ଟର ୧୧ଟି ପୋଷ୍ଟ ଏବଂ ଜୁନିଅର ଆସିଷ୍ଟାଣ୍ଟର ୪ଟି ପୋଷ୍ଟ ରହିଛି। ଏହି ପୋଷ୍ଟଗୁଡିକ ପାଇଁ ବିଭିନ୍ନ ଯୋଗ୍ୟତା ଧାର୍ଯ୍ୟ କରାଯାଇଛି, ଯାହାର ବିବରଣୀ ଏଭିଏନ୍ଏଲ୍ର ଅଫିସିଆଲ ଓ୍ବେବ୍ସାଇଟ୍, avnl.co.in ରେ ଉପଲବ୍ଧ।
କେମିତି କରିବେ ଆବେଦନ:
ଏହି ପୋଷ୍ଟଗୁଡିକ ପାଇଁ ଆବେଦନ କରିବାକୁ, ଏହାର ଅଫିସିଆଲ ୱେବସାଇଟ avnl.co.in ଭିଜିଟ୍ କରନ୍ତୁ। ଫର୍ମ ଡାଉନଲୋଡ୍ କରିବାକୁ ଆପଣଙ୍କୁ ଯିବାକୁ ପଡ଼ିବ। ଏହା ପରେ ଡେପୁଟି ଜେନେରାଲ ମ୍ୟାନେଜର/ଏଚ୍ଆର୍, ଅଡର୍ଡାନ୍ସ ଫ୍ୟାକ୍ଟ୍ରି ମେଡକ, ୟେଦୁମାଇଲାରାମ, ଜିଲା: ସାଙ୍ଗାରେଡି, ତେଲେଙ୍ଗାନା-୫୦୨୨୦୫ର ଠିକଣାକୁ ପଠାଇବାକୁ ପଡ଼ିବ। ସାଧାରଣ ବର୍ଗର ପ୍ରାର୍ଥୀଙ୍କୁ ଏସ୍ବିଆଇ କଲେକ୍ଟ ମାଧ୍ୟମରେ ୩୦୦ ଟଙ୍କା ଦେବାକୁ ପଡ଼ିବ। ST / SC / Ex-Servicemen ଏବଂ ମହିଳା ଆବେଦନକାରୀଙ୍କୁ କୌଣସି ଆବେଦନ ଶୁଳ୍କ ଦେବାକୁ ପଡ଼ିବ ନାହିଁ।
କେମିତି ହେବେ ସିଲେକ୍ସନ:
ଜୁନିଅର ମ୍ୟାନେଜର, ଡିପ୍ଲୋମା ଟେକ୍ନିସିଆନ, ଆସିଷ୍ଟାଣ୍ଟ, ଅର୍ଡନାନ୍ସ ଫ୍ୟାକ୍ଟ୍ରିରେ ଜୁନିଅର ଆସିଷ୍ଟାଣ୍ଟ ପଦବୀ ପାଇଁ ଚୟନ ପ୍ରାର୍ଥୀଙ୍କ ଶିକ୍ଷାଗତ ଯୋଗ୍ୟତା ଏବଂ ଇଣ୍ଟରଭ୍ୟୁରେ ମିଳିଥିବା ମାର୍କ ଉପରେ ଆଧାରିତ ହେବ। ଏଥିରେ ପ୍ରାର୍ଥୀଙ୍କ ଶିକ୍ଷାଗତ ଯୋଗ୍ୟତାକୁ ୮୫% ଓ୍ବେଟେଜ୍ ଦିଆଯାଉଥିବାବେଳେ ସାକ୍ଷାତକାରର ଓ୍ବେଟେଜ୍ ୧୫% ଦିଆଯିବ। ମନେରଖନ୍ତୁ, ଶିକ୍ଷାଗତ ଯୋଗ୍ୟତା ସର୍ବନିମ୍ନ ୬୫% ହେବା ଉଚିତ। ଏଥିରେ ST / SC ଏବଂ PWD ବର୍ଗ ପ୍ରାର୍ଥୀଙ୍କୁ ୧୦ ପ୍ରତିଶତ କୋହଳ କରାଯାଇଛି। ପ୍ରଥମେ ପ୍ରାର୍ଥୀଙ୍କ ଦଲିଲ ଯାଞ୍ଚ କରାଯିବ। ଏହା ପରେ ସେମାନଙ୍କୁ ଇଣ୍ଟରଭ୍ୟୁ ପାଇଁ ଡକାଯିବ।
