ସୋସିଆଲ ମିଡିଆରେ ପ୍ରତିଦିନ କିଛି ଟ୍ରେଣ୍ଡ କରୁଥାଏ। ଯାହାକୁ ନେଇ ସୋସିଆଲ ମିଡିଆରେ ଏସମ୍ପର୍କିତ ବିଭିନ୍ନ ପୋଷ୍ଟ ଦେଖିବାକୁ ମିଳିଥାଏ। ଶନିବାର ଫ୍ରାଇଡ ରାଇସ ସିଣ୍ଡ୍ରୋମ ସୋସିଆଲ ମିଡିଆରେ ଖୁବ୍ ଟ୍ରେଣ୍ଡ କରିବାରେ ଲାଗିଛି। ଯାହାକୁ ନେଇ ଖୁବ୍ ଚର୍ଚ୍ଚା ଲାଗି ରହିଛି।
ଜଣେ ୟୁଜର @jpall20 ଏକ ଭିଡିଓ ପୋଷ୍ଟ କରିଛନ୍ତି। ଭିଡିଓରେ ସେ ଜଣେ ଯୁବକଙ୍କ ବିଷୟରେ କହିଛନ୍ତି ଯିଏକି ୫ଦିନ ପୁରୁଣା ପାସ୍ତା ଖାଇବାରୁ ମୃତ୍ୟୁ ହୋଇଥିଲା। ତେବେ ଏହି କାହାଣୀ ୧୫ବର୍ଷ ପୁରୁଣା। ହେଲେ ଯୁବକ ଜଣକ ଏହି ଫଟୋ ପୋଷ୍ଟ କରିବା ପରେ ସୋସିଆଲ ମିଡିଆରେ ଏହା ଖୁବ୍ ଭାଇରାଲ ହେବାରେ ଲାଗିଛି।
ଏକ ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ୨୦୧୧ରେ ଜର୍ନାଲ ଅଫ ଫଲିନିକାଲ ମାଇକ୍ରୋବାୟୋଲଜି ଯୁବକଙ୍କ ମୃତ୍ୟୁର ରହସ୍ୟ ପ୍ରକାଶିତ କରିଥିଳା। ରିପୋର୍ଟରେ କୁହାଯାଇଥିଲା କି, ୨୦୦୮ରେ ଏହି ୨୦ବର୍ଷିୟ ଯୁବକ ଟମାଟର ସସ ସହ ପାଞ୍ଚଦିନ ପୁରୁଣା ରେଫ୍ରିଜେଟର ପାସ୍ତା ଖାଇବା ଦ୍ୱାରା ମୃତ୍ୟୁ ହୋଇଛି। ପାସ୍ତାକୁ ଦ୍ୱିତୀୟ ଥର ପାଇଁ ଗରମ କରି ଖାଇବା ଦ୍ୱାରା ତାଙ୍କର ବାନ୍ତି ହେବା ସହ ଗ୍ୟାଷ୍ଟ୍ରୋଇନଟେଷ୍ଟିନିଆଲ ହୋଇଥିଲା। ଖାଇବାର ପରଦିନ ତାଙ୍କର ମୃତ୍ୟୁ ହୋଇଥିଲା।
ବିଶେଷଜ୍ଞଙ୍କ କହିବାନୁସାରେ ବ୍ରାସିଲସ ସେରସସ ଖାଦ୍ୟରେ ରହିବା ଯୋଗୁ ଖାଦ୍ୟ ବିଷାକ୍ତ ହୋଇଯାଏ। ଏହାକୁ ଖାଇଲେ ଫ୍ରାଇଡ ରାଇସ ସେଣ୍ଡ୍ରୋମ ହୋଇଥାଏ। କୋଠରୀର ତାପମାତ୍ରାରେ ଖୋଲାରେ ଘଣ୍ଟାଘଣ୍ଟା ଯାଏଁ ଏହି ଖାଦ୍ୟ ରହିଲେ ଶରୀରରେ ବ୍ରାସିଲସ ସେରସସ ସଂକ୍ରମଣ ହୋଇଥାଏ।
