ନୂଆଦିଲ୍ଲୀ,୯।୯: ଆପଲ୍ ଇଭେଣ୍ଟର କିଛି ଘଣ୍ଟା ପୂର୍ବରୁ ଆଇଫୋନ୍ ୧୬ ର ମୂଲ୍ୟ ଲିକ୍ ହୋଇଯାଇଛି। ଲିକ୍ ହୋଇଥିବା ରିପୋର୍ଟ ଅନୁଯାୟୀ, ଆପଲ୍ ଆଇଫୋନ୍ ୧୬ ପ୍ରୋ ର ପ୍ରାରମ୍ଭିକ ମୂଲ୍ୟ ୯୯୯ ଡଲାରରେ ବଜାୟ ରହିପାରେ, ଯାହା ଏଣ୍ଟ୍ରି ଲେଭଲ୍ ପ୍ରୋ ମଡେଲ୍ ପାଇଁ ମୂଲ୍ୟ ବୃଦ୍ଧି ହେବାର ଗୁଜବକୁ ଖଣ୍ଡନ କରିଛି।
ରିପୋର୍ଟ ଅନୁସାରେ ଆଇଫୋନ୍ ୧୬ ପ୍ରୋ ଲାଇନ୍ଅପ୍ ର ଅନ୍ୟାନ୍ୟ ଉଲ୍ଲେଖନୀୟ ପରିବର୍ତନ ବିଷୟରେ ଜଣାପଡିଛି। ଯେଉଁଥିରେ ସ୍ଲିମ୍ ବେଜେଲ୍, ଉନ୍ନତ ବ୍ୟାଟେରୀ ଏବଂ ସମସ୍ତ ମଡେଲଗୁଡିକରେ ଏକ ଟଚ ସେନସିଟିଭ କ୍ୟାମେରା ବଟନ୍ ସାମିଲ କରାଯାଇଛି। AI କ୍ଷମତା ଏବଂ ନୂତନ A୧୮ ଚିପ୍ ଉପରେ ମଧ୍ୟ ଧ୍ୟାନ ଦିଆଯିବ ବୋଲି ଆଶା କରାଯାଏ, ଯାହା ସମଗ୍ର ଆଇଫୋନ୍ ୧୬ ସିରିଜ୍କୁ ଶକ୍ତି ଦେବ।
ତେବେ, ଆପଲ୍ ହବ୍ ଦ୍ୱାରା ପୂର୍ବାନୁମାନ କରାଯାଇଥିଲା ଯେ, ପ୍ରୋ ମଡେଲଗୁଡିକ ପାଇଁ ସମ୍ଭାବ୍ୟ ମୂଲ୍ୟ ବୃଦ୍ଧି ପାଇବ, ଆଇଫୋନ୍ ୧୬ ପ୍ରୋ ସମ୍ଭବତ ୨୫ ୨୫୬ ଜିବି ଭାରିଆଣ୍ଟ ପାଇଁ ୧,୦୯୯ ଡଲାରରୁ (ପ୍ରାୟ ୯୨,୩୦୦ ଟଙ୍କା) ଆରମ୍ଭ ହୋଇପାରେ। ଆଇଫୋନ୍ ୧୬ ପ୍ରୋ ମ୍ୟାକ୍ସର ମୂଲ୍ୟ ୧,୧୯୯ ଡଲାରରୁ (ପ୍ରାୟ ୧,୦୦,୭୦୦ ଟଙ୍କା) ହୋଇପାରେ।
ଆମେରିକାର ବଜାରରେ, ବେସ୍ ଆଇଫୋନ୍ ୧୬ ମୂଲ୍ୟ ୭୯୯ ଡଲାରରୁ ଆରମ୍ଭ ହୋଇପାରେ (ପ୍ରାୟ ୬୭,୧୦୦ ଟଙ୍କା), ଯେତେବେଳେ ଆଇଫୋନ୍ ୧୬ ପ୍ଲସର ମୂଲ୍ୟ ୮୯୯ ଡଲାର (ପାଖାପାଖି ୭୫,୫୦୦ ଟଙ୍କା) ହୋଇପାରେ। ତେବେ ଆମଦାନୀ ଶୁଳ୍କ ଏବଂ ଟିକସ ଯୋଗୁଁ ଭାରତୀୟ ଗ୍ରାହକ ଅଧିକ ମୂଲ୍ୟ ଅଧିକ ରହିପାରେ।
ମନେରଖିବାକୁ ହେବ ଯେ, ଆଇଫୋନ୍ ୧୫ ସିରିଜ୍ ଭାରତରେ ଲଞ୍ଚ ହୋଇଥିବା ଆଇଫୋନ୍ ୧୫ ପ୍ରୋ ମୂଲ୍ୟ ୧,୩୪,୯୦୦ ଟଙ୍କା ଏବଂ ଆଇଫୋନ୍ ୧୫ ପ୍ରୋ ମ୍ୟାକ୍ସ ୧,୫୯,୯୦୦ ରୁ ଆରମ୍ଭ ହୋଇଛି। ଆଇଫୋନ୍ ୧୫ ବେସ୍ ମଡେଲ୍ ୭୯,୯୦୦ ଟଙ୍କାରେ ଉପଲବ୍ଧ ଥିଲା, ପ୍ଲସ୍ ଭାରିଆଣ୍ଟର ମୂଲ୍ୟ ୮୯,୯୦୦ ଟଙ୍କା ଥିଲା। ଯଦି ଆମେ ତାଜା ସୂଚନାକୁ ଅନୁଧ୍ୟାନ କରିବା, ତେବେ ଆଇଫୋନ୍ ୧୬ ପ୍ରୋ ଭାରତରେ ୧,୩୪,୯୦୦ ଟଙ୍କା ହୋଇପାରେ ଯଦି କମ୍ପାନୀ ଆଇଫୋନ୍ ୧୫ ପ୍ରୋ ମୂଲ୍ୟରେ ନୂତନ ସଂସ୍କରଣ ପ୍ରଦାନ କରିବାକୁ ନିଷ୍ପତ୍ତି ନେଇଥାଏ। ତେବେ ପ୍ରୋ ମ୍ୟାକ୍ସ ମଡେଲ ବିଷୟରେ କିଛି ସୂଚନା ମିଳି ନ ଥିଲା ବେଳେ କମ୍ପାନୀ କିନ୍ତୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ କିଛି ଘୋଷଣା କରିନାହିଁ।
ସୋମବାର ରାତିରେ ଆପଲ୍ ଆନୁଷ୍ଠାନିକ ଭାବରେ ଆଇଫୋନ୍ ୧୬ ସିରିଜ୍ ଉନ୍ମୋଚନ କରିବାକୁ ପ୍ରସ୍ତୁତ ହେଉଥିବାବେଳେ, ଏହି ଲିକ୍ ହୋଇଥିବା ସୂଚନା ଗୁଡିକ କେତେ ସଠିକ୍ ଏବଂ ଆପଲ୍ ର ପ୍ରଶଂସକମାନଙ୍କ ପାଇଁ କ’ଣ ଆଶ୍ଚର୍ଯ୍ୟଜନକ ତାହା ଦେଖିବାକୁ ବାକି ରହିଛି, ତାହା ଦେଖିବା ବାକି ରହିଲା।
