ସୂର୍ଯ୍ୟର ଭଗ୍ନ ଅଂଶ

ଗତ କିଛି ଦିନ ହେଲା ଗୋଟିଏ ଖବର ବିଭିନ୍ନ ଗଣମାଧ୍ୟମ ଓ ଇଣ୍ଟରନେଟ୍‌ରେ ଚର୍ଚ୍ଚାରେ ରହି ଲୋକଙ୍କ ମଧ୍ୟରେ ଆତଙ୍କ ସୃ୍‌ଷ୍ଟି କରିଛି। ଆପଣମାନେ ମଧ୍ୟ ସେ ଖବର ନିଶ୍ଚିନ୍ତ ପଢ଼ିଥିବେ ବା ଦେଖିଥିବେ ବା ଶୁଣିଥିବେ। ଖବରଟି ହେଲା, ଆମ ସୂର୍ଯ୍ୟରୁ ଖଣ୍ଡେ ଭାଙ୍ଗି ଯାଇ ତା’ ଉତ୍ତର ମେରୁରେ ବୁଲୁଅଛି। ଜେମ୍ସ ୱେବ୍‌ ମହାକାଶ ଦୂରବୀକ୍ଷଣ ଯନ୍ତ୍ରରେ ଏହାର ଚିତ୍ର ଉତ୍ତୋଳିତ ହୋଇଛି, ଯାହା ମହାକାଶ ବିଜ୍ଞାନୀଙ୍କୁ ସ୍ତବ୍ଧ କରିଦେଇଛି। ଏହାର ପରିଣାମ ବିଷୟରେ ଚାରିଆଡ଼େ ଚର୍ଚ୍ଚା ଚାଲିଛି, ଯାହାକି ସାଧାରଣ ଜନତାଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି।
ଏଠାରେ ମୁଁ ଆପଣମାନଙ୍କୁ ଆଶ୍ୱସ୍ତ କରିଦେବାକୁ ଚାହେଁ ଯେ, ପ୍ରଚାରିତ ହୋଇଥିବା କୌଣସିଟି ଖବର ଭଗବାନଙ୍କ କୃପାରୁ ସତ୍ୟ ନୁହେଁ। ସୂର୍ଯ୍ୟଙ୍କର କୌଣସି ଖଣ୍ଡ ଭାଙ୍ଗି ନାହିଁ। ଜେମ୍ସ ୱେବ୍‌ ମହାକାଶ ଦୂରବୀକ୍ଷଣ ଯନ୍ତ୍ର ସୂର୍ଯ୍ୟର ଫଟୋ ନିଏ ନାହିଁ କିମ୍ବା ଜ୍ୟୋତିର୍ବିଜ୍ଞାନୀମାନେ ବିଚଳିତ ହୋଇନାହାନ୍ତି। ତାହାହେଲେ ଆପଣମାନଙ୍କ ମନରେ ସ୍ବତଃ ପ୍ରଶ୍ନ ଉଠୁଥିବ ଯେ, ଗଣମାଧ୍ୟମରେ ଏତେ ହୋହଲ୍ଲା କାହିଁକି? ନିଆଁ ନ ଥିଲେ ତ ଧୂଆଁ ଉଠେନି। କିଛି ତ ଘଟଣା ଘଟିଛି? ଆଜ୍ଞା ହଁ, ଘଟଣା ତ ନିଶ୍ଚିନ୍ତ ଘଟିଛି କିନ୍ତୁ କିଛି ଚିନ୍ତାଜନକ ଘଟଣା ନ ଘଟି ଏକ ମଜାଦାର ଘଟଣା ଘଟିଛି। ସୂର୍ଯ୍ୟ ସକଳ ଶକ୍ତିର ଆଧାର। ସର୍ବବ୍ୟାପୀ ଓ ଆମ ଜୀବନଧାରଣ ପାଇଁ ଅତି ଗୁରୁତ୍ୱପୂର୍ଣ୍ଣ। ସୂର୍ଯ୍ୟ ଏକ ନକ୍ଷତ୍ର। ଏହା ଏକ ଜ୍ୱଳନ୍ତ ଗ୍ୟାସୀୟ ପିଣ୍ଡ, ଯାହା ପ୍ଲାଜ୍‌ମା ଅବସ୍ଥାରେ ଅଛି। ଏହା ମଧ୍ୟରେ ଉଦ୍‌ଜାନ ପରମାଣୁ ସଂରଚନା ପ୍ରକ୍ରିୟା ଦ୍ୱାରା ପରସ୍ପର ସହ ଯୋଡ଼ିହୋଇ ହିଲିୟମ୍‌ ପରମାଣୁ ଗଠନ କରୁଛନ୍ତି। ଏହି ପ୍ରକ୍ରିୟାରୁ ପ୍ରଚଣ୍ଡ ଶକ୍ତି ନିର୍ଗତ ହେଉଛି, ଯାହା ସୂର୍ଯ୍ୟକୁ ଏପରି ଏକ ଆଗ୍ନେୟ ଗୋଲକ ଅବସ୍ଥାରେ ରଖିଛି। ଏବେ ବି ସୂର୍ଯ୍ୟ ଆମ ପାଇଁ ବିସ୍ମୟକାରୀ ଓ ଏହା ବିଷୟରେ ଅନେକ ତଥ୍ୟ ଏବେ ବି ଆମ ପାଇଁ ଅଜ୍ଞାତ। ଏହା ଏବେ ଏମିତି କାଣ୍ଡ ଘଟାଇଛି ଯାହା ନିଶ୍ଚିନ୍ତ ରୂପେ ଅଦ୍ଭୁତ। ସୂର୍ଯ୍ୟର ପ୍ଲାଜ୍‌ମାରୁ ଏକ ଅତି ସୂକ୍ଷ୍ମ ପଦାର୍ଥ ବାହାରିଯାଇ ଏକ ଘୂର୍ଣ୍ଣାୟମାନ ମୁକୁଟ ପରି ସୂର୍ଯ୍ୟର ଉତ୍ତର ମେରୁରେ ଅବସ୍ଥାପିତ ହୋଇଛି। ବିଶେଷଜ୍ଞଙ୍କ ମତରେ ଏହା ୬୦ ମାଇଲ୍‌ ପ୍ରତି ସେକେଣ୍ଡରେ ଗତି କରୁଅଛି। ଏହା ଜ୍ୟୋତିର୍ବିଜ୍ଞାନୀମାନଙ୍କ ପାଇଁ ଏକ ଅତୀବ ମନୋରମ ମହାଜାଗତିକ ଦୃଶ୍ୟ। ଏପରି କିଛି ସତରେ ଘଟିଛି କି ନାହିଁ, ଏହା ଉପରେ ମଧ୍ୟ ଅଧିକ ଗବେଷଣା ଆବଶ୍ୟକ। ଯଦି ବି ଘଟିଛି ଏହିପରି ଲୀଳା ସୂର୍ଯ୍ୟ ଦେବଙ୍କ ପାଇଁ ନୂଆ ନୁହେଁ। ଏଥିରେ କିଛି ଆତଙ୍କିତ ହେବାର ନାହିଁ। ପ୍ରତି ୧୧ ବର୍ଷରେ ସୂର୍ଯ୍ୟର କ୍ରିୟାଶୀଳତାର ଚକ୍ର ବଦଳେ। ଏହି ସମୟରେ ସୂର୍ଯ୍ୟ ଅତି ଶାନ୍ତ ଏବଂ ଧୀର ଅବତାରରୁ ଉଗ୍ର ଅବତାର ଧାରଣ କରନ୍ତି। ବିରଳ ଘଟଣା ଘଟିବା ପଛରେ ସୂର୍ଯ୍ୟର ଚୁମ୍ବକୀୟ କ୍ଷେତ୍ରର ଭୂମିକା ରହିଛି ବୋଲି ବୈଜ୍ଞାନିକମାନଙ୍କର ଧାରଣା। ସୂର୍ଯ୍ୟଙ୍କ ଚୁମ୍ବକୀୟ କ୍ଷେତ୍ରର କେନ୍ଦ୍ର କ୍ରିୟାଶୀଳତାର ଚକ୍ର ବଦଳିଲେ ସ୍ଥାନ ପରିବର୍ତ୍ତନ କରେ। ଏହି ସ୍ଥାନ ପରିବର୍ତ୍ତନ ଯୋଗୁ ଏହିପରି ଘଟଣା ଘଟିଥାଇ ପାରେ ବୋଲି ବୈଜ୍ଞାନିକମାନେ ମତ ପ୍ରକାଶ କରିଛନ୍ତି। ଏବେ ବି ଏହିପରି ଘଟଣାର ନିର୍ଦ୍ଦିଷ୍ଟ କାରଣ ଜଣାପଡ଼ିନାହିଁ। ସୂର୍ଯ୍ୟର ଅନେକ ରହସ୍ୟ ମାନବ ସମାଜ ପାଇଁ ରହସ୍ୟମୟ ହୋଇ ରହିଛି। ଏହି ବିରଳ ଘଟଣା ଏସ୍‌.ଡି.ଓ. ମହାକାଶ ଯାନ ଦ୍ୱାରା ଚିତ୍ରିତ ହୋଇଅଛି। ‘ଏସ୍‌.ଡି.ଓ.’ ସୂର୍ଯ୍ୟର ବାହ୍ୟତମ ବାୟୁମଣ୍ଡଳ ଯାହା କରୋନା ବୋଲି ମଧ୍ୟ କୁହାଯାଏ, ତାହାର ଫଟୋ ଉତ୍ତୋଳନ କରେ। ଆପଣମାନଙ୍କ ମନରେ ସ୍ବତଃ ପ୍ରଶ୍ନ ଉଠୁଥିବ ଯେ, ଯଦି ସେମିତି କିଛି ଆତଙ୍କିତ ହେବା ଭଳି ଘଟଣା ଘଟିନି ତେବେ ଗଣମାଧ୍ୟମରେ ଏ ଖବର ହଟଚମଟ ସୃଷ୍ଟି କଲା କିପରି? ଏଭଳି ଖବର ପରିବେଷଣର ପ୍ରାରମ୍ଭିକ ଉତ୍ସ ଜଣେ ତମିତା ସ୍କୋଭ ନାମ୍ନୀ ମହାକାଶ ବିଜ୍ଞାନୀଙ୍କ ଟୁଇଟ୍‌। ନାସାର ସୌର ଗତିଶୀଳ ପର୍ଯ୍ୟବେକ୍ଷଣଗାର (ସୋଲାର ଡାଇନାମିକ୍ସ ଅବ୍‌ଜର୍ଭଭେଟୋରି ଏସ୍‌ଡିଓ) ଦ୍ୱାରା ଉତ୍ତୋଳିତ ଫଟୋକୁ ଦେଖି ସେ ଅତି ଉତ୍ସାହିତ ହୋଇ କରିଦେଲେ ଯେ ସୂର୍ଯ୍ୟର ଉତ୍ତର ମେରୁର କିଛି ଅଂଶ ଭାଙ୍ଗି କରି ଅଲଗା ହୋଇଯାଇଛି ଓ ଉତ୍ତର ମେରୁ ଚତୁପାର୍ଶ୍ୱରେ ଘୂରି ବୁଲୁଛି। ଏହି ଟୁଇଟ୍‌ ହିଁ ସବୁ ଅପପ୍ରଚାରର ମୂଳ ଆଧାର। ସମ୍ପୂର୍ଣ୍ଣ ତଥ୍ୟକୁ ଅନୁଧ୍ୟାନ ନ କରି ଏକ ଟୁଇଟ୍‌ ଉପରେ ଚାଞ୍ଚଲ୍ୟକର ଖବର ପରିବେଷଣ ଦ୍ୱାରା ଲୋକମାନଙ୍କ ମଧ୍ୟରେ ଆତଙ୍କ ଖେଳିଯାଇଛି। ମୁଁ ଏଠାରେ ସମସ୍ତଙ୍କୁ ଆଶ୍ୱସ୍ତ କରିବାକୁ ଚାହେଁ ଯେ, ଏହି ଘଟଣାରେ ଆତଙ୍କିତ ହେବାର କିଛି ନାହିଁ। ଏହାର ପ୍ରଭାବ ମଧ୍ୟ ପୃଥିବୀ ଉପରେ ବେଶି କିଛି ପ୍ରଭାବ ପକାଇବ ନାହିଁ। ତେଣୁ ଇଣ୍ଟରନେଟ୍‌ରେ ମିଳୁଥିବା ଏହି ଦୃଶ୍ୟର ଭିଡିଓକୁ ଦେଖି ଏହି ମହାଜାଗତିକ ଘଟଣାକୁ ଆମେ ଉପଭୋଗ କରିବା ଓ ଏହି ଘଟଣା ବିଷୟରେ ଅପପ୍ରଚାର କରି ଅନ୍ୟମାନଙ୍କୁ ଆତଙ୍କିତ କରିବା ନାହିଁ।

ଡ. ଦେବାଶିଷ ମହାନ୍ତି
-ବିଭାଗୀୟ ମୁଖ୍ୟ, ସ୍ନାତକୋତ୍ତର ରସାୟନ ବିଭାଗ, ଢେଙ୍କାନାଳ ସ୍ବୟଂଶାସିତ ମହାବିଦ୍ୟାଳୟ, ଢେଙ୍କାନାଳ
ମୋ: ୯୮୬୧୩୯୧୧୯୦


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?