ଗଞ୍ଜାମ,୨।୧୦(ଡି.ଏନ୍.ଏ.): ଋଷିକୂଲ୍ୟା ପୋଲଠାରେ ଶୁକ୍ରବାର ଏକ ଦୁର୍ଘଟଣା ଘଟିଛି। ଗଞ୍ଜାମ କଲେଜର ପୂର୍ବତନ ଛାତ୍ର ସଂସଦ ସଭାପତି ଅନିଲ କୁମାର ପରିଡ଼ା ବ୍ରହ୍ମପୁରରୁ ନିଜ ଗ୍ରାମକୁ ଫେରୁଥିବା ବେଳେ ଦୁର୍ଘଟଣାରେ ଗୁରୁତର ଆହତ ହୋଇଥିଲେ। ରାତି ସାଢ଼େ ୯ଟା ସମୟରେ ଏହି ଘଟଣା ଘଟିଛି।
ଖବର ପାଇ ବିଜେଡି ନଗର ସଭାପତି ସୁଧୀର କୁମାର ପାଢ଼ୀ, ବର୍ତ୍ତମାନର ଛାତ୍ର ସଂସଦ ସଭାପତି ରାକେଶ ରଞ୍ଜନ ଦାସ ପ୍ରମୁଖ ଘଟଣା ସ୍ଥଳରେ ପହଞ୍ଚତ୍ ତାଙ୍କୁ ଗଞ୍ଜାମ ମେଡିକାଲକୁ ଆଣିଥିଲେ। ସେଠାରେ ଜରୁରିକାଳୀନ ସେବା ଲାଗି ଆମ୍ବୁଲାନ୍ସ ନ ଥିବାରୁ ଉତ୍ତେଜନା ପ୍ରକାଶ ପାଇଥିଲା l ସ୍ଥାନୀୟ ଅଞ୍ଚଳର ପୂର୍ବତନ ସାଂସଦ ପ୍ରତିନିଧି ଲକ୍ଷ୍ମୀ ଚରଣ ପାଢ଼ୀ, ବାବୁଲି ପଣ୍ଡା, ଦୁର୍ଗା ମାଧବ ପାଣିଗ୍ରାହୀ, ମଦନ ପାଢ଼ୀ, ପପୁ ପଣ୍ଡାଙ୍କ ସମେତ ୩୫ରୁ ଊର୍ଦ୍ଧ୍ୱ ମେଡିକାଲ ସମ୍ମୁଖରେ ଧାରଣା ଦେଇଥିଲେ l ମେଡିକାଲ ଆୟୁଷ ଡାକ୍ତର ବନୋଜ କାନ୍ତ କର ମେଡିକାଲରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ପରେ ସେମାନେ ଧାରଣାରୁ ହଟିଥିଲେ l
