ପାଣାଜୀ,୨୭।୯: ଗୋଆରେ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ଏକ ବଡ ଝଟ୍କା ଲାଗିଛି। ଗୋଆର ପୂର୍ବତନ ମୁଖ୍ୟମନ୍ତ୍ରୀ ଏବଂ କଂଗ୍ରେସ ନେତା ଲୁଇଜିନୋ ଫାଲେଇରୋ କଂଗ୍ରେସ ବିଧାୟକ ପଦରୁ ଇସ୍ତଫା ଦେଇଛନ୍ତି। ଲୁଇଜିନୋ ମମତା ବାନାର୍ଜୀଙ୍କ ନେତୃତ୍ୱରେ ତୃଣମୂଳ କଂଗ୍ରେସରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ହେଉଛି। କାରଣ ସେ ଅତୀତରେ ମମତାଙ୍କୁ ପ୍ରଶଂସା କରିଥିଲେ। ଏଭଳି ପରିସ୍ଥିତିରେ ସେ ଟିଏମସିରେ ଯୋଗ ଦେଇପାରନ୍ତି ବୋଲି ଅନୁମାନ କରାଯାଉଛି। ଇସ୍ତଫା ପରେ ତାଙ୍କ ସମର୍ଥକଙ୍କୁ ସମ୍ବୋଧିତ କରି ଲୁଇଜିନୋ ଫାଲେଇରୋ କହିଛନ୍ତି, ଲୁଇଜିନୋ ଫାଲେଇରୋ ଟୁଇଟ୍ କରି କହିଛନ୍ତି ଯେ, ମୋତେ ବିଶ୍ୱାସ କରିଥିବାରୁ ମୁଁ ନାଭେଲିମ ବିଧାନସଭାର ଲୋକଙ୍କୁ ଧନ୍ୟବାଦ ଦେଉଛି ଏବଂ ଭବିଷ୍ୟତର ସମସ୍ତ ଉଦ୍ୟମରେ ସେମାନଙ୍କର ନିରନ୍ତର ସମର୍ଥନକୁ ଅପେକ୍ଷା କରିଛି।
ସୂଚନାଯୋଗ୍ୟ, ୨୦୧୯ରେ ତ୍ରିପୁରାର କଂଗ୍ରେସ ଦାୟିତ୍ୱରେ ଥିବା ଫାଲେଇରୋ ରାଜ୍ୟରେ ଟିଏମସି ପାଇଁ କାର୍ଯ୍ୟ କରିବେ ବୋଲି କୁହାଯାଉଛି। ତ୍ରିପୁରାରେ ଟିଏମସି ପାଇଁ ସେ ମୁଖ୍ୟମନ୍ତ୍ରୀ ହୋଇପାରନ୍ତି ବୋଲି ସୂତ୍ରରୁ ପ୍ରକାଶ। ଏକ ସମ୍ବୋଧନ ସମୟରେ ଫାଲେରୋ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ‘ଷ୍ଟ୍ରିଟ୍ଫାଇଟର୍’ ବୋଲି ବର୍ଣ୍ଣନା କରିଥିଲେ।
