ନୂଆଦିଲ୍ଲୀ,୧୮।୧୧: ବୈଦେଶିକ ବ୍ୟାପାର ମନ୍ତ୍ରଣାଳୟରେ କାର୍ଯ୍ୟରତ ଜଣେ ଡ୍ରାଇଭରଙ୍କୁ ଗିରଫ କରିଛି ଦିଲ୍ଲୀ ପୋଲିସ। ପାକିସ୍ତାନକୁ ଗୁପ୍ତ ଏବଂ ସମ୍ବେଦନଶୀଳ ସୂଚନା ଦେବା ଅଭିଯୋଗରେ ଶୁକ୍ରବାର ସୁରକ୍ଷା ଏଜେନ୍ସି ସହାୟତାରେ ତାଙ୍କୁ ଗିରଫ କରାଯାଇଛି।
ପାକିସ୍ତାନର ଗୁପ୍ତଚର ଏଜେନ୍ସି ଆଇଏସ୍ଆଇ ଡ୍ରାଇଭରଙ୍କୁ ହନି ଟ୍ରାପ୍ରେ ଫସାଇଥିବା ଜଣାପଡ଼ିଛି। ତେବେ ଏହି ମାମଲାରେ ମନ୍ତ୍ରଣାଳୟରେ କାର୍ଯ୍ୟ କରୁଥିବା ଅଧିକ କର୍ମଚାରୀ ଅଛନ୍ତି କି ନାହିଁ ତାହା ଜାଣିବା ଲାଗି ପୋଲିସ ଏବଂ ଗୁପ୍ତଚର ସଂସ୍ଥା ପକ୍ଷରୁ ତଦନ୍ତ କରାଯାଉଛି।
ଅଧିକାଂଶ ସମୟରେ ଉଚ୍ଚ ପଦାଧିକାରୀ ଅଫିସରମାନେ ହନି ଟ୍ରାପ୍ର ଶିକାର ହୋଇଥାନ୍ତି। ହେଲେ ପ୍ରଥମ ଥର ଲାଗି ପାକିସ୍ତାନର ଆଇଏସ୍ଆଇ ଜଣେ ଡ୍ରାଇଭରଙ୍କୁ ଟାର୍ଗେଟ କରିଛି। ଅଭିଯୁକ୍ତଙ୍କ ନିକଟରୁ କିଛି ଯୁବତୀଙ୍କ ଫଟୋ ଏବଂ ଭିଡିଓ ମିଳିଥିବା ବେଳେ ବୈଦେଶିକ ମନ୍ତ୍ରଣାଳୟର ବିବୃତ୍ତିକୁ ଅପେକ୍ଷା କରାଯାଇଛି।
