ଭେଜାଲ ଖାଦ୍ୟ ସାମଗ୍ରୀ ଉପରେ ଅଙ୍କୁଶ ନାହିଁ

ଯାଜପୁର ଅଫିସ,୧୪ା୩: ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳର ମୁଖଶାଳା ବ୍ୟାସନଗର ସହର। ଏଠାରେ ଓଏମ୍‌ସି, ଶ୍ରମ ଯୁଗ୍ମ ଉପନିର୍ଦ୍ଦେଶକ, ଖଣି ଉପନିର୍ଦ୍ଦେଶକ, ଜିଲା ଉଠା ଜଳସେଚନ କାର୍ଯ୍ୟାଳୟ, ଓଡ଼ିଶା ମାଇନିଂ କର୍ପୋରେଶନ ଆଦି ସରକାରୀ କାର୍ଯ୍ୟାଳୟ ରହିଛି। ଯାଜପୁର ରୋଡ ରେଳଷ୍ଟେଶନ ସମେତ କଳିଙ୍ଗନଗର ଶିଳ୍ପାଞ୍ଚଳରେ କାର୍ଯ୍ୟରତ ଶତାଧିକ କର୍ମଚାରୀ ଏହି ସହରରେ ରହୁଛନ୍ତି। ଏହାବାଦ୍‌ ପ୍ରତିଦିନ ବିଭିନ୍ନ କାର୍ଯ୍ୟରେ ରାଜ୍ୟର ବିଭିନ୍ନ ପ୍ରାନ୍ତ ଓ ବାହାରୁ ଲୋକେ ଏଠାକୁ ଆସିଥାନ୍ତି। ହେଲେ ବିପଦମୁକ୍ତ ଖାଦ୍ୟ ଖାଇବା ସେମାନଙ୍କ ପାଇଁ ସ୍ବପ୍ନ ହୋଇଛି। ରାସ୍ତାକଡ଼ରେ ମିଳୁଥିବା ବିଭିନ୍ନ ଛଣା ଜିନିଷ ଖାଇ କର୍ମକ୍ଷେତ୍ରକୁ ଚାଲି ଯାଉଛନ୍ତି। ହେଲେ ସେହି ଖାଦ୍ୟ କେତେ ସୁରକ୍ଷିତ ତାହା ଜାଣିବାକୁ କିଛି ବ୍ୟବସ୍ଥା ନାହିଁ। ଏଠାରେ ପ୍ରାୟ ୨ବର୍ଷ ହେବ ଖାଦ୍ୟ ନମୁନା ସଂଗ୍ରହ ଓ ପରୀକ୍ଷା ହେଉ ନ ଥିବାରୁ ମାନ ଜଣାପଡୁନାହିଁ। ଫଳରେ ବ୍ୟାସନଗର ଭେଜାଲ ଓ ଅପମିଶ୍ରଣ ଖାଦ୍ୟ ସାମଗ୍ରୀର ପେଣ୍ଠସ୍ଥଳ ପାଲଟିଛି। ରାସ୍ତାକଡ଼ ହୋଟେଲ, ରେଷ୍ଟୁରାଣ୍ଟ ଏବଂ ଉଠାଦୋକାନୀଙ୍କ ସଂଖ୍ୟା ତୁଳନାତ୍ମକ ଭାବେ ବୃଦ୍ଧି ପାଇବାରେ ଲାଗିଛି।
ସହରର ବଡ଼ ହୋଟେଲ, ରେଷ୍ଟୁରାଣ୍ଟ, ଢାବା, ଝୁପୁଡି ହୋଟେଲ, ଜଳଖିଆ ଦୋକାନ, ଗୁପ୍‌ଚୁପ୍‌, ଚାଟ ଆଦି ଖାଦ୍ୟପଦାର୍ଥକୁ ବିନା ଦ୍ୱିଧାରେ ଦୈନିକ ହଜାର ହଜାର ଲୋକ ଖାଇଥାନ୍ତି। ହେଲେ ଭେଜାଲ ଖାଦ୍ୟ ସାମଗ୍ରୀ ଉପରେ ଅଙ୍କୁଶ ଲଗାଇବା ପାଇଁ କୌଣସି ବ୍ୟବସ୍ଥା ନାହିଁ। ସ୍ବାସ୍ଥ୍ୟ ବିଭାଗ ଏଥିପ୍ରତି ଯତ୍ନଶୀଳ ନୁହେଁ। ୧ ବର୍ଷ ମଧ୍ୟରେ ଜିଲାରେ ୧୧୨ ନମୁନା ସଂଗ୍ରହ କରାଯାଇଥିବାବେଳେ ୨ଟି ମାମଲା ରୁଜୁ ହୋଇଛି। କୌଣସି ବ୍ୟବସାୟୀଙ୍କୁ ଦଣ୍ଡିତ କରାଯିବା ଭଳି ଦୃଷ୍ଟାନ୍ତ ନାହିଁ। ଏହି ତଥ୍ୟକୁ ଅନୁଧ୍ୟାନ କଲେ ସ୍ବାସ୍ଥ୍ୟ ବିଭାଗ ଖାଦ୍ୟ ସୁରକ୍ଷା ପ୍ରତି କେତେ ଯତ୍ନବାନ ତାହା ସହଜେ ଅନୁମାନ କରିହେଉଛି। ଜିଲାର ଯାଜପୁର ଟାଉନ ସମେତ ବ୍ୟାସନଗର, ପାଣିକୋଇଲି, ଜାରକା, ଚଣ୍ଡିଖୋଲ, ଦାନଗଦୀ, ଡୁବୁରୀ, କାଳିଆପାଣି ଆଦି ସହରରେ ଖାଦ୍ୟ ଅପମିଶ୍ରଣ ବଢ଼ିବାରେ ଲାଗିଛି। ଏଭଳିସ୍ଥଳେ ଜିଲାରେ ଜଣେ ମାତ୍ର ଫୁଡ ଇନ୍ସପେକ୍ଟର କାର୍ଯ୍ୟ କରୁଛନ୍ତି। ବ୍ୟାସନଗର ସହର ଜନସଂଖ୍ୟା ଦେଢ ଲକ୍ଷ ଟପିଲାଣି। ଜନସାଧାରଣଙ୍କୁ ବିଷାକ୍ତ ଓ କ୍ଷତିକାରକ ଖାଦ୍ୟରୁ ସୁରକ୍ଷା ଦେବା, ଖରାପ ଖାଦ୍ୟ ବିକ୍ରିକୁ ବନ୍ଦ କରିବା, ଅପମିଶ୍ରିତ ଖାଦ୍ୟ ସାମଗ୍ରୀ ବିକ୍ରି କରୁଥିବା ବ୍ୟବସାୟୀଙ୍କୁ ନିୟନ୍ତ୍ରଣ ଇତ୍ୟାଦି ସ୍ବାସ୍ଥ୍ୟ ବିଭାଗର ଗୁରୁତ୍ୱପୂର୍ଣ୍ଣ ଦାୟିତ୍ୱ। ଏଥିପାଇଁ ୧୯୫୪ରେ ପ୍ରିଭେନ୍ସନ ଅଫ ଫୁଡ୍‌ ଆଡଲ୍‌ଟରେଶନ ଆଇନ କାର୍ଯ୍ୟକାରୀ କରାଯାଇଛି। ଖାଦ୍ୟ ନମୁନା ସଂଗ୍ରହ ଓ ପବ୍ଲିକ ଆନାଲିଷ୍ଟଙ୍କ ନିକଟକୁ ମାନ ପରୀକ୍ଷା ପାଇଁ ପଠାଇବା ଖାଦ୍ୟ ନିରୀକ୍ଷକଙ୍କ କାର୍ଯ୍ୟ। ମାସକୁ ପ୍ରାୟ ୬୦ଟି ଖାଦ୍ୟ ନମୁନା ପରୀକ୍ଷା ହେବା ନିୟମରେ ରହିଛି। ପରୀକ୍ଷା ପରେ ଯଦି କୌଣସି ଦୋକାନୀ କିମ୍ବା ଖାଦ୍ୟ ପଦାର୍ଥ ପ୍ରସ୍ତୁତକାରୀ ସଂସ୍ଥା ଦୋଷୀ ସାବ୍ୟସ୍ତ ହୁଅନ୍ତି ସେମାନଙ୍କୁ ଅତି କମ୍‌ରେ ୬ମାସ ଜେଲଦଣ୍ଡ ଏବଂ ୧୦୦୦ଟଙ୍କା ଜରିମାନା ବ୍ୟବସ୍ଥା ରହିଛି। କିନ୍ତୁ ପରିତାପର ବିଷୟ, ଖାଦ୍ୟ ନମୁନା ପରୀକ୍ଷା ତ ଦୂରର କଥା ଆବଶ୍ୟକ ଅନୁଯାୟୀ ସଂଗ୍ରହ ମଧ୍ୟ ହେଉନାହିଁ।
ଅନ୍ୟପକ୍ଷେ ଖାଦ୍ୟର ଗୁଣବତ୍ତା ପରୀକ୍ଷା କରାଯାଇ ହୋଟେଲ ଏବଂ ରେଷ୍ଟରାଣ୍ଟକୁ ଫୁଡ୍‌ ଲାଇସେନ୍ସ ଦେବା ସରକାରଙ୍କ ନିୟମ ରହିଛି। କିନ୍ତୁ ସହରର ଅଧିକାଂଶ ହୋଟେଲ ଓ ଖାଦ୍ୟ ସାମଗ୍ରୀ ପ୍ରସ୍ତୁତକାରୀ ସଂସ୍ଥା ବିନା ଲାଇସେନ୍ସରେ ଚାଲିଛି। ଅପମିଶ୍ରଣ ଖାଦ୍ୟ ଖାଇ ବେଳେ ବେଳେ ବହୁ ଲୋକ ଖାଦ୍ୟ ସଂକ୍ରମଣର ଶିକାର ହେଉଛନ୍ତି। ସେହିପରି ବୋତଲ କିମ୍ବା ପାଉଚରେ ଅତି ନିମ୍ନମାନର ପାଣି ପ୍ୟାକିଂ କରାଯାଉଥିବା ବହୁ ସମୟରେ ଅଭିଯୋଗ ହେଉଛି। ଖରାଦିନେ ପାଣି ପାଉଚର ଚାହିଦା ଅଧିକ। ଶୁଦ୍ଧ ମିନେରାଲ ପାଣି ସ୍ବାସ୍ଥ୍ୟପକ୍ଷେ ହିତକର ବୋଲି ପ୍ରଚାର କରାଯାଉଥିବାବେଳେ ଏହା ରୋଗ ବାହକରେ ପରିଣତ ହୋଇଛି। ପାଣି ପାଉଚ କିମ୍ବା ପାଣି ବୋତଲର ନମୁନା ମଧ୍ୟ ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଉ ନ ଥିବାରୁ ସମ୍ପୃକ୍ତ କମ୍ପାନୀମାନେ ମନଇଚ୍ଛା ପ୍ୟାକିଂ କରୁଥିବା ଅଭିଯୋଗ ହେଉଛି। ଏ ସମ୍ପର୍କରେ ସ୍ବାସ୍ଥ୍ୟ ବିଭାଗର ଖାଦ୍ୟ ନିରୀକ୍ଷକ ବିଭୁଦତ୍ତ ତ୍ରିପାଠୀଙ୍କୁ ପଚାରିବାରୁ ସେ କହିଛନ୍ତି ନିୟମିତ ଭାବେ ଜିଲାର ବିଭିନ୍ନ ସହରରୁ ଖାଦ୍ୟ ନମୁନା ସଂଗ୍ରହ କରାଯାଉଛି। ଖୁବ୍‌ଶୀଘ୍ର ବ୍ୟାସନଗର ସହରରୁ ମଧ୍ୟ ଖାଦ୍ୟ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯିବ।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?