ନଦୀବନ୍ଧରେ ବିତୁଛି ଜୀବନ

ଯାଜପୁର ଅଫିସ/ଝୁମ୍ପୁରି(ଡି.ଏନ.ଏ.),୨୫ା୮: ବୈତରଣୀର ଶାଖା କାଣୀ ନଦୀର ବ୍ରହ୍ମଚାରୀପାଟଣା ଗ୍ରାମ ନିକଟରେ ସୃଷ୍ଟି ହୋଇଥିବା ଘାଇ ଦ୍ୱାରା ପ୍ରବାହିତ ବନ୍ୟା ପାଣି ନିକଟସ୍ଥ ଗ୍ରାମଗୁଡିକୁ ଅହରହ ପଶୁଛି। ଦ୍ୱିତୀୟ ବନ୍ୟାରେ ମରାମତି ଘାଇ ପୁଣି ଭାଙ୍ଗି ଯିବାରୁ ଜଳସେଚନ ବିଭାଗ ପକ୍ଷରୁ ଏଯାଏ ମରାମତି କାର୍ଯ୍ୟ ସମ୍ଭବ ହୋଇ ପାରିନାହିଁ। ଫଳରେ ଏବେ ୫୦୦ରୁ ଊର୍ଦ୍ଧ୍ୱ ପରିବାରଙ୍କ ଜୀବନ କମାଲପୁର, ପଲାସାହି ନଦୀବନ୍ଧ ଉପରେ ଏବଂ ଅହିୟାସ-କମାଳପୁର ରାସ୍ତାକଡ଼ରେ ବିତୁଛି। ଜୟନ୍ତରା ଗ୍ରାମର ପ୍ରାୟ ୬୦ ପରିବାର ବନ୍ୟା ଜଳଘେରରେ ରହିଥିବା ଜଣାପଡିଛି। ସେମାନଙ୍କୁ ଉଦ୍ଧାର କରି ଥଇଥାନ କରିବାକୁ ଏଯାଏ କୌଣସି ପଦକ୍ଷେପ ଗ୍ରହଣ କରାଯାଇନାହିଁ। ପ୍ରଶାସନ ପକ୍ଷରୁ ବଣ୍ଟନ ହେଉଥିବା ରିଲିଫ ସାମଗ୍ରୀ ପର୍ଯ୍ୟାପ୍ତ ହେଉ ନ ଥିବାରୁ ବିପନ୍ନମାନେ ଭୋକ ଉପାସରେ କାଳାତିପାତ କରୁଥିବା ଅଭିଯୋଗ ହେଉଛି। କେତେକ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ତାର୍ପୋଲିନ ଏବଂ ଖାଦ୍ୟ ସାମଗ୍ରୀ ବଣ୍ଟନ ହୋଇଥିବାରୁ କେତେକ ବନ୍ୟା ବିପନ୍ନ ଉପକୃତ ହୋଇଥିବା ଜଣାପଡିଛି। କେବଳ ନଦୀବନ୍ଧ ନିର୍ମାଣ ଓ ମରାମତିରେ ବନ୍ୟା ମୁକାବିଲା ପଦକ୍ଷେପ ସୀମିତ ରହୁଛି। ସ୍ଥାୟୀ ବନ୍ୟା ମୁକାବିଲା କରିବାକୁ କାହାରି ଆଗ୍ରହ ନ ଥିବା ମନେ ହେଉଛି। ଅନ୍ୟପକ୍ଷେ ବନ୍ୟା ବିପନ୍ନମାନେ ସ୍ବଚ୍ଛ ପାନୀୟ ଜଳ ପାଇଁ ହାହାକାର ହେଉଛନ୍ତି।

କାଣୀ ନଦୀର ବ୍ରହ୍ମଚାରୀପାଟଣା ଘାଇରେ ଏବେ ବି ୧୦ ଫୁଟ୍‌ ଉଚ୍ଚରେ ବନ୍ୟାଜଳ ପ୍ରବାହିତ ହେଉଛି। ବନ୍ୟା ଆରମ୍ଭକୁ ଏକ ସପ୍ତାହରୁ ଉର୍ଦ୍ଧ୍ୱ ସମୟ ଅତିକ୍ରାନ୍ତ ହୋଇ ସାରିଥିଲେ ହେଁ ଲୋକଙ୍କ ଘରୁ ବନ୍ୟାପାଣି ଶୁଖିନି। କସପା ପଞ୍ଚାୟତର ପଞ୍ଚୁପଡ଼ା, ବ୍ରହ୍ମଚାରୀପାଟଣା, କମାଳପୁର, ନୂଆଶାସନ ଓ ପଲ୍ଲାସାହି, ଦୁଦୁରାଅଣ୍ଟା ପଞ୍ଚାୟତର କୁଅଁରସାହି, ଆଖୁଆସାହି ଓ କଣ୍ଟପଡ଼ା, ମଲ୍ଲିକାପୁର ପଞ୍ଚାୟତର ମଲ୍ଲିକାପୁର, ମହାନ୍ତିପାଟଣା ଓ ଦାଣ୍ଡୀସାହି, ଦତ୍ତପୁର ପଞ୍ଚାୟତର ଦତ୍ତପୁର ଓ ଅର୍ଦ୍ଦାଳୁଆ, ନିଜାମପୁର ପଞ୍ଚାୟତର ରଡ଼ଗାଁ, କୁଳସାହି ଓ ନୂଆପାଟଣା, କୟାଁ ପଞ୍ଚାୟତର ଇଚ୍ଛାପୁର, ଗୁଣ୍ଠୁଣିପଡ଼ା, ଧରମପୁର, ଗହୀରାପାଳ ଓ ଗରବନ୍ଧ, କମାରଡ଼ିହ ପଞ୍ଚାୟତର କେଳାଙ୍ଗ, ଇଟାପଡ଼ା, ସହୀମାଡ଼, ଲକ୍ଷ୍ମୀପୁର ପ୍ରଭୃତି ଗ୍ରାମ ଏବେବି ବନ୍ୟାପାଣିରେ ବୁଡ଼ିରହିଛି। ଫଳରେ ଜନଜୀବନ ଅସ୍ତବ୍ୟସ୍ତ ହେବାସହ ପୁଣି ଲଘୁଚାପ ପ୍ରଭାବରେ ବର୍ଷା ହେଉଥିବାରୁ ଅବସ୍ଥା ସାଂଘାତିକ ହେବ ବୋଲି ଆଶଙ୍କା ପ୍ରକାଶ ପାଇଛି। ବନ୍ୟା ପରେ ଲୋକମାନେ ରିଲିଫ୍‌ ଠିକ୍‌ଭାବେ ପାଇ ନ ଥିବା ନେଇ ଅଭିଯୋଗ କରିଛନ୍ତି। ପ୍ରଶାସନ ଖାମଖିଆଲ ଭାବେ ରିଲିଫ୍‌ ଓ ଉଦ୍ଧାର କାର୍ଯ୍ୟ ପରିଚାଳନା କରୁଥିବାବେଳେ ଲୋକମାନଙ୍କର ଶୋଚନୀୟ ଅବସ୍ଥା ପ୍ରତି ଧ୍ୟାନ ଦେଉ ନ ଥିବା ଶତାଧିକ ବିପନ୍ନ ଅଭିଯୋଗ କରିଛନ୍ତି। ଏପରି କି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ନିର୍ଦ୍ଦେଶ ଦେବାପରେ ମଧ୍ୟ ପ୍ରଶାସନ ରିଲିଫ୍‌ ଦେବାନେଇ ଟାଳଟୁଳ ନୀତି ଅବଲମ୍ବନ କରୁଛି। ବନ୍ୟାଞ୍ଚଳରେ ୧୫ ଦିନ ପାଇଁ ରିଲିଫ୍‌ ଦେବା ସକାଶେ ମୁଖ୍ୟମନ୍ତ୍ରୀଙ୍କ ସ୍ପଷ୍ଟ ନିର୍ଦ୍ଦେଶ ପରେ ମଧ୍ୟ ଦଶରଥପୁର ବ୍ଲକ୍‌ରେ ଏପର୍ଯ୍ୟନ୍ତ ବିପନ୍ନମାନଙ୍କୁ ଉପଯୁକ୍ତ ଭାବେ ରିଲିଫ୍‌ ମିଳିନି। ଏଭଳି ସମ୍ବେଦନଶୀଳ ପରିସ୍ଥିତିରେ ବିରୋଧୀ ଦଳ ଭାଜପା ଓ କଂଗ୍ରେସ ପକ୍ଷରୁ ଦିନେ ଲେଖାଏ ବନ୍ୟା ଅଞ୍ଚଳ ପରିଦର୍ଶନ କରି ଏଥିପାଇଁ ପ୍ରଶାସନକୁ ଦାୟୀ କରି ଲୋକ ଦେଖାଣିଆ ଆସ୍ଥା ଭାଜନ ହେବାକୁ ଉଦ୍ୟମ କରିଥିବା ଚର୍ଚ୍ଚା ହେଉଛି। କୌଣସି ବିରୋଧୀ ଦଳର ପ୍ରତିନିଧି ପ୍ରଶାସନକୁ ଭେଟି ବିପନ୍ନଙ୍କୁ ରିଲିଫ୍‌ ସାମଗ୍ରୀ ଦେବାକୁ ଦାବି ନ କରିବା ଦୁର୍ଭାଗ୍ୟଜନକ ବୋଲି ଚର୍ଚ୍ଚା ହେଉଛି।

ବନ୍ୟା ଯୋଗୁ ବାସହରା ହୋଇ ପାଖ ପଡ଼ୋଶୀ, ବନ୍ଧୁବାନ୍ଧବଙ୍କ ଘରେ ଆଶ୍ରୟ ନେଇଥିବା ବନ୍ୟା ବିପନ୍ନମାନେ ମୁଣ୍ଡ ଗୁଞ୍ଜିବାକୁ ଠିକଣା ଖୋଜିବାରେ ଲାଗିଛନ୍ତି। ହଜି ଯାଇଥିବା ସାମଗ୍ରୀକୁ ମାଟିକାଦୁଅରେ ଘଣ୍ଟାଘଣ୍ଟି କରି ଖୋଜୁଛନ୍ତି। ମାଟିଘରକୁ ସଜାଡିବାକୁ ଚେଷ୍ଟିତ ଲୋକଙ୍କ ଦୁର୍ଦ୍ଦଶା ବଢି ଯାଇଛି। ଯେଉଁଘର ବନ୍ୟା ପାଣିରେ ଭିଜି ଠିଆ ହୋଇଛି ସେହିସବୁ ବିପଦପୂର୍ଣ୍ଣ ଭାବେ ରହିଛି। କେତେବେଳେ ପଡିଯିବ ତା’ର ଠିକଣା ନାହିଁ। ମାଟି ଘର ଥିବା ଲୋକଙ୍କୁ ବିଭିନ୍ନ ଆବାସ ଯୋଜନାରେ ପକ୍କାଘର ଯଦି ଦିଆଯାଇଥାନ୍ତା ଏବେ ଏଭଳି ପରିସ୍ଥିତି ସୃଷ୍ଟି ହୁଅନ୍ତା ନାହିଁ ବୋଲି ମତପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ବାତ୍ୟା ‘ଅକ୍ୱାନ’ ଭୟ: କଳାହାଣ୍ଡି ଜିଲାର ସମସ୍ତ ବିଦ୍ୟାଳୟ ଛୁଟି ଘୋଷଣା,ଜାଣନ୍ତୁ…

ଭବାନୀପାଟଣା,୧୮।୧୧ (ଉତ୍ତମ କୁମାର ଦାଶ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ପ୍ରଭାବକୁ ଦୃଷ୍ଟିରେ ରଖି ଆସନ୍ତାକାଲି (ଗୁରୁବାର) କଳାହାଣ୍ଡି ଜିଲାର ସମସ୍ତ ବିଦ୍ୟାଳୟ ବନ୍ଦ ରହିବ। ଛାତ୍ରଛାତ୍ରୀଙ୍କ ସୁରକ୍ଷାକୁ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?