ନୂଆଦିଲ୍ଲୀ,୬।୯: ଆପଣ ଜାଣିଛନ୍ତି କି, ବ୍ୟାଙ୍କର ମାତ୍ର ୭ ଦିନିଆ ଏକ ଛୋଟ ଏଫଡି ମଧ୍ୟ ଆପଣଙ୍କୁ ବହୁତ ରୋଜଗାର କରାଇପାରେ? ହଁ, ଆମେ ଅଧିକାଂଶ ସମୟରେ ଏଫ୍ଡିକୁ ଏକ ସୁରକ୍ଷିତ କିନ୍ତୁ କମ ରିଟର୍ନ ଦେଉଥିବା ନିବେଶ ବୋଲି ଭାବୁଛୁ। କିନ୍ତୁ ଯଦି ଏହି ଏଫ୍ଡିକୁ ବାରମ୍ବାର ଭାଙ୍ଗି ପ୍ରତି ସପ୍ତାହରେ ପୁନଃନିବେଶ କରାଯାଏ, ତେବେ ଏହାର ଲାଭ ଠିକ ଏସ୍ଆଇପି (SIP) ପରି ହୋଇପାରେ। ମନେକରନ୍ତୁ, କୌଣସି ବ୍ୟାଙ୍କର ୭ ଦିନିଆ ଏଫଡି ଉପରେ ୨.୬୫% ରିଟର୍ଣ୍ଣ ମିଳୁଛି। ଏବେ ଚିନ୍ତା କରନ୍ତୁ, ଯଦି ଆପଣ ଏହି ଏଫଡିକୁ ପୁରା ବର୍ଷ ପ୍ରତି ୭ ଦିନରେ ପୁନଃନିବେଶ କରନ୍ତି, ତେବେ ଆପଣଙ୍କର ୩୦,୦୦୦ ଟଙ୍କା କେତେ ବଢ଼ିବ? ଉତ୍ତର ଶୁଣି ଆପଣ ଆଶ୍ଚର୍ଯ୍ୟ ହେବେ।
ଏମିତି କରନ୍ତୁ ହିସାବ?
ଯଦି ଆମେ ଏହାକୁ ସରଳ ଭାବେ ହିସାବ କରୁ, ତେବେ ଏକ ବର୍ଷରେ ପ୍ରାୟ ୩୬୫ ଦିନ ହୁଏ। ଅର୍ଥାତ ୨.୬୫% * (୩୬୫/୭) = ପ୍ରାୟ ୧୩୮.୧୮% ବାର୍ଷିକ ରିଟର୍ନ। ଏହା ଏକ ଆନୁମାନିକ ହିସାବ, ଯେଉଁଥିରେ ପ୍ରତି ସପ୍ତାହର ରିଟର୍ନକୁ ସିଧାସଳଖ ଯୋଡ଼ାଯାଇଛି।
କମ୍ପାଉଣ୍ଡିଂର ଫାଇଦା:
ବାସ୍ତବରେ, ଯେତେବେଳେ ଆପଣ ୭ ଦିନିଆ ଏଫଡିକୁ ବାରମ୍ବାର ପୁନଃନିବେଶ କରନ୍ତି, ତେବେ ତା’ ଉପରେ ମିଳୁଥିବା ସୁଧ ଉପରେ ମଧ୍ୟ ସୁଧ ମିଳେ। ଏହାକୁ କମ୍ପାଉଣ୍ଡିଂ କୁହାଯାଏ। ଏହି ହିସାବରେ ବାର୍ଷିକ ପ୍ରଭାବୀ ରିଟର୍ଣ୍ଣ ହେବ: (୧+୦.୦୨୬୫)^(୩୬୫/୭) ୧ = ୨୯୧.୧୦%
ଯଦି ଆପଣ ପ୍ରତି ସପ୍ତାହରେ ଏଫଡିକୁ ପୁନଃନିବେଶ କରନ୍ତି, ତେବେ ଆପଣଙ୍କ ଟଙ୍କା ଅନେକ ଗୁଣ ଦ୍ରୁତ ଗତିରେ ବଢ଼ିବ।
କିନ୍ତୁ ଏକ ବାସ୍ତବତା:
ଏତେ ଉଚ୍ଚ ରିଟର୍ନ ଶୁଣି ଆପଣଙ୍କୁ ଲାଗିପାରେ ଯେ ଏହା ତ ସୁନାର ଖଣି। କିନ୍ତୁ ବାସ୍ତବରେ, କୌଣସି ବ୍ୟାଙ୍କ କିମ୍ବା ଆର୍ଥିକ ଅନୁଷ୍ଠାନ ପାଇଁ ପୁରା ବର୍ଷ ଏତେ ଅଧିକ ରିଟର୍ନ ଦେବା ସମ୍ଭବ ନୁହେ। ଏଥିରେ ଅନେକ ବାସ୍ତବିକ ଅସୁବିଧା ରହିଛି, ଯେପରିକି ପରିବର୍ତ୍ତନଶୀଳ ସୁଧ ହାର, ପ୍ରୋସେସିଂ ଫିସ, ଏବଂ ରିସ୍କ ଫ୍ୟାକ୍ଟର।
ମୋଟାମୋଟି ଭାବେ କହିଲେ ସଂକ୍ଷିପ୍ତ ଅବଧିର ଏଫ୍ଡିକୁ କମ୍ପାଉଣ୍ଡ କରି ଏସ୍ଆଇପି ପରି ରିଟର୍ନ ହିସାବରେ ତ ଦେଖାଯାଇପାରେ, କିନ୍ତୁ ବାସ୍ତବ ଜୀବନରେ ଏହାର ଲାଭ ସୀମିତ। ଏଣୁ ଏଫଡିକୁ ଏକ ସୁରକ୍ଷିତ ନିବେଶ ଭାବେ ଗ୍ରହଣ କରନ୍ତୁ ଏବଂ ଅଧିକ ରିଟର୍ନ ପାଇଁ ମ୍ୟୁଚୁଆଲ ଫଣ୍ଡ କିମ୍ବା ଏସ୍ଆଇପି ପରି ବିକଳ୍ପଗୁଡ଼ିକୁ ମଧ୍ୟ ବିଚାର କରିପାରିବେ।
