ଅଯୋଧ୍ୟାରୁ ପ୍ରଥମ ବିମାନ ଉଡ଼ାଣ: ଜୟ ଶ୍ରୀରାମ କହି ଯାତ୍ରୀଙ୍କୁ ସ୍ବାଗତ କଲେ ପାଇଲଟ…

ଅଯୋଧ୍ୟା,୩୦।୧୨ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ପ୍ରଭୁ ଶ୍ରୀରାମଙ୍କ ଜନ୍ମସ୍ଥାନ ଅଯୋଧ୍ୟାରେ ମହର୍ଷି ବାଲ୍ମିକୀ ଅନ୍ତର୍ଜାତୀୟ ବିମାନବନ୍ଦରର ଉଦଘାଟନ କରିଛନ୍ତି। ଏହି ସମୟ ମଧ୍ୟରେ ନୂଆଦିଲ୍ଲୀରୁ ଅଯୋଧ୍ୟା ଅଭିମୁଖେ ଇଣ୍ଡିଗୋ ବିମାନର ପ୍ରଥମ ଉଡ଼ାଣରେ ଏକ ଚମତ୍କାର ଦୃଶ୍ୟ ଦେଖିବାକୁ ମିଳିଥିଲା।

ଇଣ୍ଡିଗୋ ପାଇଲଟ ଆଶୁତୋଷ ଶେଖର ବିମାନରେ ଥିବା ସମସ୍ତ ଯାତ୍ରୀଙ୍କୁ ଜୟ ଶ୍ରୀରାମ କହି ସ୍ବାଗତ କରିଥିଲେ। ଏହି ଘୋଷଣା କରିବାବେଳେ ସେ ନିଜକୁ ଭାଗ୍ୟବାନ ବୋଲି ବର୍ଣ୍ଣନା କରିଥିଲେ ଯେ ଇଣ୍ଡିଗୋ ତାଙ୍କୁ ଏହି ବିମାନର ନିର୍ଦ୍ଦେଶନା ଦେବାର ସୁଯୋଗ ଦେଇଛି।

ଯାତ୍ରୀମାନଙ୍କୁ ସମ୍ବୋଧିତ କରି ଅଶୁତୋଷ ଶେଖର କହିଥିଲେ ଆମେ ଆଶା କରୁଛୁ ଆପଣଙ୍କ ଯାତ୍ରା ଆନନ୍ଦ ଏବଂ ସୁଖମୟ ହେବ। ଏହା ପରେ ବିମାନରେ ଥିବା ଯାତ୍ରୀମାନେ ‘ଜୟ ଶ୍ରୀରାମ’ର ସ୍ଲୋଗାନ ମଧ୍ୟ ଦେଇଥିଲେ।