ଅନେକ ପ୍ରକାରର ରୋଗ ବିଷୟରେ ଆମେ ଶୁଣିଛୁ। ମାତ୍ର ମଧ୍ୟପ୍ରଦେଶରେ ରହୁଥିବା ୧୩ ବର୍ଷର ବାଳକ ଲଳିତ ପାଟିଦାରଙ୍କୁ ଏକ ଅଜବ ପ୍ରକାର ରୋଗ ହୋଇଛି। ଯାହା ଫଳରେ ତାଙ୍କ ମୁହଁର ଲୋମ ୫ ସେଣ୍ଟିମିଟର ଲମ୍ବା ହୋଇଯାଇଛି। ଏହି ରୋଗ ୨୦ ଲକ୍ଷ ଲୋକଙ୍କ ମଧ୍ୟରେ ଜଣଙ୍କୁ ହୋଇଥାଏ। ଲଳିତ ଏହି ରୋଗରେ ଆକ୍ରାର ହୋଇଥିଲେ ମଧ୍ୟ ଏଥିପାଇଁ ସେ ଆଦୌ ହେଲେ ଚିନ୍ତିତ ନୁହନ୍ତି। ସେ ସାଧାରଣ ପିଲା ଭଳି ସ୍କୁଲ ଯିବା, ଖେଳ କୁଦ କରିବା, ନିକ କାମ ଆଦି କରୁଛନ୍ତି।
ଏ ନେଇ ଲଲୀତ କୁହନ୍ତି, ଅଜଣା ଲୋକ ମାଙ୍କଡ଼ ବୋଲି ଡାକିବା ସହ ତାଙ୍କ ଉପରକୁ ପଥର ପକାଇଛନ୍ତିି। ମାତ୍ର ସେ ତାଙ୍କର ଏହି ରୂପକୁ ଗ୍ରହଣ କରିସାରିଛନ୍ତି। ଏହା ଦ୍ୱାରା ଲଳିତଙ୍କୁ ଡାହାଣ-ବାମକୁ ଦେଖିବାରେ ଅସୁବିଧା ହୋଇଥାଏ। ବେଳେବେଳେ ଇଚ୍ଛା ହୁଏ ସାଧାରଣ ପିଲାଭଳି ଦେଖାଯିବାକୁ । ମାତ୍ର କିଛି କରିହେବ ନାହିଁ। ସେଥିପାଇଁ ଯେମିତି ଅଛି ସେଥିରେ ଖୁସି ବୋଲି ଲଳିତ କୁହନ୍ତି। ଭବିଷ୍ୟତରେ ସେ ଜଣେ ପୋଲିସ ଅଫିସର ହେବାକୁ ଆଶା ରଖିଛନ୍ତି।
