ଛତ୍ରପୁର,୨୫।୧(ଡି.ଏନ.ଏ): ଗଞ୍ଜାମ ଜିଲାରେ ଧାନକିଣା ଧିମାରେ ଚାଲିଛି। ମଣ୍ଡି ସମସ୍ୟା ଓ ଟୋକନ୍ ଲ୍ୟାପ୍ସ ଆଶଙ୍କା ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି ା ବିଭିନ୍ନ ବ୍ଲକ, ତହସିଲଠାରୁ ଆରମ୍ଭ କରି ଜିଲାପାଳ ଓ ଜିଲା ଯୋଗାଣ କାର୍ଯ୍ୟାଳୟ ସମ୍ମୁଖରେ ଚାଷୀଙ୍କ ଆନ୍ଦୋଳନ ଜାରି ରହିଛି ା ଗତ ୭ଦିନ ମଧ୍ୟରେ ବିଭିନ୍ନ ଚାଷୀ ସଙ୍ଗଠନ ଓ ଚାଷୀମାନଙ୍କ ପକ୍ଷରୁ ଏପରି ପ୍ରତିବାଦ ଓ ଦାବି ଉଠୁଛି ା ଏହାକୁ ନେଇ ପୋଲିସକୁ ନାକେଦମ ହେବାକୁ ପଡୁଛିା ବିଭିନ୍ନ ଚାଷୀ ସଙ୍ଗଠନ ମିଳିତ ଭାବେ ଆନ୍ଦୋଳନ କରିବା ସହ ଜିଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲାପାଳଙ୍କୁ ଭେଟି ସମସ୍ୟା ଜଣାଇଛନ୍ତି। ଏହାର ସମାଧାନ ହେବ ବୋଲି ପ୍ରତିଶ୍ରୁତି ମଧ୍ୟ ମିଳିଛି।
ଜିଲାରେ ଡିସେମ୍ବର ୧୬ ତାରିଖରୁ ଚାଷୀଙ୍କଠାରୁ ଧାନକିଣା ଆରମ୍ଭ ହୋଇଥିଲାା ତେବେ ମାସକ ପରେ ବି ଏହି ପ୍ରକ୍ରିୟା ଧିମା ରହିଛି ା ବହୁ ଚାଷୀଙ୍କୁ ଟୋକନ୍ ଲ୍ୟାପ୍ସ ହେବାର ଚିନ୍ତା ଘାରିଛି। ଠିକ୍ ସମୟରେ ଧାନ ଉଠୁ ନ ଥିବାରୁ ଏପରି ଆଶଙ୍କା ଦେଖାଦେଇଛି। ଗତବର୍ଷ ଠିକ୍ ସମୟରେ ଧାନ କିଣାଯାଇ ନ ଥିବାରୁ ବହୁ ଚାଷୀଙ୍କ ଟୋକନ୍ ଲ୍ୟାପ୍ସ ହୋଇଥିଲା ା ଚଳିତ ବର୍ଷର ଧାନ ଅମଳ ଗତ ୧୫ ବର୍ଷର ରେକର୍ଡ ଭାଙ୍ଗିଛି ା ଧାନର ମାନ ଭଲ ଥିବା ସତ୍ତ୍ୱେ ମିଲରମାନଙ୍କ ମନମୁଖୀ ଲାଗି ଚାଷୀ ଶୋଷଣର ଶିକାର ହେଉଥିବା ଋଷିକୁଲ୍ୟା ରୟତ ମହାସଭାର ସମ୍ପାଦକ ସୀମାଞ୍ଚଳ ନାହାକ ମଙ୍ଗଳବାର ଅଭିଯୋଗ କରିଛନ୍ତି। ଏଥିସହ ଧାନ ବିକୁଥିବା ଚାଷୀଙ୍କ ଅଖା ଓ ପରିବହନ ଖର୍ଚ୍ଚ ମଧ୍ୟ ଚାଷୀଙ୍କୁ ପ୍ରଦାନ କରାଯାଉନି ା ନିର୍ଦ୍ଧାରିତ ସମୟରେ ଟୋକନ୍ ଆସିଥିବା ଚାଷୀଙ୍କ ଧାନକିଣିବା, ଧାନ ଟାର୍ଗେଟ ବୃଦ୍ଧି ଆଦି ଦାବି ନେଇ ଜିଲାପାଳ ଓ ଜିଲା ଯୋଗାଣ ଅଧିକାରୀଙ୍କୁ ଅବଗତ କରାଯାଇଥିବା ମହାସଭା ପକ୍ଷରୁ ସୂଚନା ଦିଆଯାଇଛି ା ଜିଲାରେ ଚଳିତ ବର୍ଷ ପଞ୍ଜୀକୃତ ଚାଷୀମାନଙ୍କ ପାଇଁ ୬୦ ଲକ୍ଷ କୁଇଣ୍ଟାଲ ଧାନ କିଣିବାର ଆବଶ୍ୟକତା ଥିବାେବେଳ ଏବେ ସୁଦ୍ଧା ୪୦ ଲକ୍ଷ କୁଇଣ୍ଟାଲ ଧାନ କିଣିବାକୁ ଟାର୍ଗେଟ ଆସିଛି ା ଅପରପକ୍ଷରେ ଯୋଗାଣ ବିଭାଗ ପକ୍ଷରୁ ଗଣମାଧ୍ୟମକୁ ଦିଆଯାଇଥିବା ସୂଚନା ଅନୁସାରେ ମଙ୍ଗଳବାର ସନ୍ଧ୍ୟା ସୁଦ୍ଧା ୩୬୫ ପ୍ୟାକ୍ସ, ୧୦୪ ଏସଏଚଜି ଓ ଗୋଟିଏ ପାଣି ପଞ୍ଚାୟତ ପକ୍ଷରୁ ୫୮ହଜାର ୧୦୮ ଜଣ ଚାଷୀଙ୍କ ଠାରୁ ୨୬୯୯୬୬୨.୨୭ କୁଇଣ୍ଟାଲ ଧାନ କିଣାଯାଇ ପାରିଛି ା ସରକାରଙ୍କୁ ଧାନ ବିକିବା ପାଇଁ ଚଳିତବର୍ଷ ୧ ଲକ୍ଷ ୩୧ ହଜାର ୧୫୩ ଜଣ ଚାଷୀ ଅନଲାଇନ୍ରେ ପଞ୍ଜୀକରଣ କରିଥିଲେ। ଏହି ଧାନକିଣା ପ୍ରକିୟାରେ ଜିଲାର ୩୬୪ ମିଲର ମଧ୍ୟ ସାମିଲ ହୋଇଛନ୍ତି। ଧାନକିଣା ପ୍ରକ୍ର୍ରିୟା ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଚାଲିବ ା ସୂଚନାଯୋଗ୍ୟ, ୨୦୨୧-୨୨ରେ ପଞ୍ଜୀକୃତ ଚାଷୀଙ୍କ ମଧ୍ୟରୁ ୨୬ ହଜାର ୩୪୩ ଜଣ ଚାଷୀ ଧାନ ବିକି ପାରି ନ ଥିଲେ ା
