ନକଲି ମଦ ଫ୍ୟାକ୍ଟ୍ରି ଠାବ: କିଙ୍ଗପିନ ସମେତ ୩ ଗିରଫ

ବ୍ରହ୍ମପୁର ଅଫିସ,୨୨ା୧୨: ଜିଲା ତଥା ଜିଲା ବାହାର ବିଭିନ୍ନ ଗ୍ରାମାଞ୍ଚଳକୁ ନକଲି ବିଦେଶୀ ମଦ ଚାଲାଣ ହେଉଥିବା ଅବକାରୀ ପୋଲିସକୁ ଖବର ମିଳିଥିଲା। ଏନେଇ ଅବକାରୀ ଷ୍ଟ୍ରାଇକିଂ ଟିମ୍‌ ଗୁରୁବାର ସଦର ଥାନା ଅନ୍ତର୍ଗତ ଡେଙ୍ଗାପଦର ଇନ୍ଦିରା ଆବାସ ଛକରେ ନକଲି ମଦ ଭର୍ତ୍ତି ଏକ ପିକ୍‌ଅପ୍‌(ନଂ ଓଡ଼ି୦୭ୟୁ-୬୪୧୬) ଗାଡ଼ି ଅଟକାଇଥିଲା। ଯାଞ୍ଚ ବେଳେ ଗାଡିରୁ ୧୦୦ବୋତଲ ନକଲି ବିଦେଶୀ ମଦ ଜବତ ହୋଇଥିଲା। ଗାଡ଼ି ଚାଳକ ଅଡବା ଥାନା ଅଧୀନ ସିଆଳିଲଟି ଗ୍ରାମର ନକୁଳ ଗମଙ୍ଗୋ(୨୮) ଓ ବ୍ୟବସାୟୀ ଅଡ଼ବା ଥାନା ଚୁଡଙ୍ଗପୁର ଗ୍ରାମର ପ୍ରଫୁଲ୍ଲ କୁମାର ସାହୁ(୫୯)ଙ୍କୁ ଗିରଫ କରିଥିଲା। ଅବକାରୀ ଟିମ୍‌ ତାଙ୍କୁ ପଚରାଉଚରା ବେଳେ ଉକ୍ତ ି ମଦ ଫାଷ୍ଟଗେଟ ଅଯୋଧ୍ୟାନଗରରୁ ଆଣିଥିବା କହିଥିଲେ।

ଅନ୍ୟପକ୍ଷେ ପ୍ରଫୁଲ୍ଲ ନକଲି ମଦ ପ୍ରସ୍ତୁତ କରୁଥିବା କିଙ୍ଗପିନ ତାରିଣୀ ଜେନା(୨୫)ଙ୍କୁ ବିକ୍ରି ପାଇଁ ଅଧିକ ମଦ ଆବଶ୍ୟକ ବୋଲି କହିବା ସହ ଫାଷ୍ଟଗେଟ ଛକରେ ସେ ଅପେକ୍ଷା କରିଥିବା କହିଥିଲେ। ଯୋଜନା ମୁତାବକ ପ୍ରଫୁଲ୍ଲଙ୍କୁ ନେଇ ଅବକାରୀ ଟିମ୍‌ ଫାଷ୍ଟଗେଟ ଛକରେ ଅପେକ୍ଷା କରିଥିଲା। ତାରିଣୀ ଏକ ସ୍କୁଟିରେ ୫୪ ବୋତଲ ନକଲି ମଦ ଧରି ସେଠାରେ ପହଞ୍ଚି ଥିଲେ। ପୂର୍ବରୁ ଛକି ରହିଥିବା ଅବକାରୀ ଟିମ୍‌ ତାଙ୍କୁ କାବୁ କରି ନେଇଥିଲା। ପରେ ତାରିଣୀଙ୍କ ବୟାନକୁ ଆଧାର କରି ଅଯୋଧ୍ୟାନଗରରେ ସେ ଏକ ଘର ଭଡ଼ା ନେଇ ନକଲି ବିଦେଶୀ ମଦ ଫ୍ୟାକ୍ଟ୍ରିରେ ଚଢାଉ କରିଥିଲା। ସେଠାରୁ ଅବକାରୀ ଟିମ୍‌ ୫୪ ବୋତଲ ନକଲି ବିଦେଶୀ ମଦ ଜବତ କରିଥିବା ବେଳେ ସେଠାରୁ କଞ୍ଚାମାଲ ଜବତ କରିଥିଲା। ଚଢାଉ ବେଳେ ଉକ୍ତ ଘରୁ ବିଭିନ୍ନ ବ୍ରାଣ୍ଡର ୫୪ ବୋତଲ ନକଲି ବିଦେଶୀ ମଦ, ୨୦୦ ଖାଲି ବୋତଲ, ୨୦୦୦ ଊର୍ଦ୍ଧ୍ୱ ଠିପି, ୩୦୦ ସିଟ ବିଭିନ୍ନ ବ୍ରାଣ୍ଡର ଅବକାରୀ ଲେବଲେ, ୨୦ ଲିଟର (ଅର୍ଗାନିକ ଆଲବମ୍‌) ସ୍ପିରିଟ, ୩ ଲିଟର କଲର(ରଙ୍ଗ), ୬ ଲିଟର ସ୍ପିରିଟ ଜବତ କରାଯାଇଥିଲା।

କଲିକତାରୁ ବୋତଲ, ଠିପି , ରଙ୍ଗ ଓ ସ୍ପିରିଟ ଆଣି ନକଲି ମଦ ପ୍ରସ୍ତୁତ କରିବା ପରେ ତାରିଣୀ ଜେନା ଗଞ୍ଜାମ ଜିଲା ଓ ଗଜପତି ଜିଲାର ଆଖପାଖ ଅଞ୍ଚଳକୁ ବିକ୍ରି ପାଇଁ ପଠାଉଥିଲେ ବୋଲି ଜେରା ବେଳେ ଅବକାରୀ ଟିମ୍‌ ଜାଣିବାକୁ ପାଇଛି। ଜବତ ନକଲି ବିଦେଶୀ ମଦ ଓ କଞ୍ଚାମାଲ ଓ ଗାଡ଼ିର ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି। ଚଢ଼ାଉରେ ଅବକାରୀ ଷ୍ଟ୍ରାଇକିଂ ଅଧିକ୍ଷକ ରମେନ୍ଦ୍ର ନାରାୟଣ ନାଇକ, ଇନ୍ସପେକ୍ଟର ଅର୍ଜୁନ ମଲିକ ଓ ତାଙ୍କ ଟିମ୍‌ ସାମିଲ ଥିଲେ। ଜବତ ନକଲି ମଦର ନମୂନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି ବୋଲି ଇନ୍ସପେକ୍ଟର ମଲିକ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ପାଣି ପାଇଁ ରାସ୍ତାରୋକୋ

ଉଦଳା,୮।୬ (ଡି.ଏନ.ଏ.) ପାନୀୟ ଜଳ ପାଇଁ ହୀନସ୍ତା ଭୋଗୁଥିବା ମୟୂରଭଞ୍ଜ ଜିଲା ଉଦଳା ବ୍ଲକ ବଡ଼ଖମଣ ପଞ୍ଚାୟତ ଅଧୀନ ଅନନ୍ତପୁର ଗ୍ରାମବାସୀ ରାସ୍ତାରୋକୋ କରିଛନ୍ତି। ଶୁଦ୍ଧ...

ଆଖଣ୍ଡଳମଣିଙ୍କ ପୀଠରେ ଶୀତଳ ଉପଚାର ନୀତି, ଗୋପାଳଙ୍କ ଜଳଲାଗି ଆରମ୍ଭ

ଆରଡି, ୧୪ା୪(ଡି.ଏନ.ଏ.): ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡିର ବାବା ଆଖଣ୍ଡଳମଣିଙ୍କ ମନ୍ଦିରରେ ପଣା ସଂକ୍ରାନ୍ତିଠାରୁ ଶୀତଳ ଉପଚାର ନୀତି ଆରମ୍ଭ ହୋଇଛି । ଏହା...

ସାବିତ୍ରୀବ୍ରତରେ ସ୍ତ୍ରୀ ମାଡ଼ରେ ସ୍ବାମୀ ଗୁରୁତର

ବଡ଼ବିଲ,୧୦।୬(ସ୍ବ.ପ୍ର.): ଆଜି ଥିଲା ପବିତ୍ର ସାବିତ୍ରୀ ବ୍ରତ। ସ୍ବାମୀଙ୍କ ଦୀର୍ଘାୟୁ ପାଇଁ ପୂଜାର୍ଚ୍ଚନା କରିଥାନ୍ତି ସ୍ତ୍ରୀ। ହେଲେ ଏଭଳି ଏକ ଦିନରେ ସ୍ତ୍ରୀଙ୍କ ଆକ୍ରମଣରେ ସ୍ବାମୀ...

ଫି ଛାଡ଼ ପ୍ରସଙ୍ଗରେ ହାଇକୋର୍ଟରେ ଜବାବୀ ସତ୍ୟପାଠ ଦାଖଲ କଲେ ଘରୋଇ ସ୍କୁଲ ସଂଘ: ୧୦ରେ ପରବର୍ତ୍ତୀ ଶୁଣାଣି

କଟକ ଅଫିସ,୭।୧୨: ଫି ଛାଡ଼ ପ୍ରସଙ୍ଗରେ ସୋମବାର ହାଇକୋର୍ଟରେ ଘରୋଇ ସ୍କୁଲ ସଂଘ ତରଫରୁ ଜବାବୀ ସତ୍ୟପାଠ ଦାଖଲ କରାଯାଇଛି । ଏହି ସତ୍ୟପାଠରେ ଦର୍ଶାଯାଇଛି...

ଅସନ୍ତୋଷ ଝାଡ଼ିଲେ ସଫେଇ କର୍ମଚାରୀ: ପୌରପାଳିକା ବିରୋଧରେ ଜିଲାପାଳଙ୍କୁ ଦାବିପତ୍ର

ଅନୁଗୋଳ ଅଫିସ, ୨୦।୧୧-ଅନୁଗୋଳ ପୌରପାଳିକା ଓ ସଫେଇ କାର୍ଯ୍ୟ ଠିକା ନେଇଥିବା ଘରୋଇ ସଂସ୍ଥା ଉପରେ ଅସନ୍ତୋଷ ବ୍ୟକ୍ତ କରିଛି ଅନୁଗୋଳ ଜିଲା ସଫେଇ କର୍ମଜୀବୀ...

ଜଳଖିଆ ଦୋକାନରେ ଚଢ଼ାଉ, ଜରିମାନା ଆଦାୟ

ନିଶ୍ଚିନ୍ତକୋଇଲି,୨୨ା୯(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଫୁଡ୍‌, ଡ୍ରଗ୍ସ ଓ ଅବକାରୀ ବିଭାଗ ପକ୍ଷରୁ ମିଳିତ ଭାବେ ବିଭିନ୍ନ ଜଳଖିଆ,ପାନ ଦୋକାନ ଉପରେ ଚଢ଼ାଉ ସହ ଜରିମାନା...

ରବି ଚାଷରେ ଆଗୁଆ ଯୋଡ଼ା

ଚମ୍ପୁଆ/ଯୋଡ଼ା, ୮।୨(ଡି.ଏନ.ଏ)-ଖଣି ଖାଦାନ ଭରା ଚମ୍ପୁଆ ଉପଖଣ୍ଡ ଏବେ ଚାଷ ଆଡ଼କୁ ମୁହଁ।ଉଛି। ଖଣି ଖାଦାନ ବନ୍ଦ ଫଳରେ ଲୋକେ ବେରୋଜଗାର ହଟାଇବା ସହିତ କୃଷି...

ଲକ୍ଷାଧିକ ଟଙ୍କାର ଶାଳଗଣ୍ଡି ବୋଝେଇ ମିନିଟ୍ରକ୍‌ ଜବତ, ଡ୍ରାଇଭର ଫେରାର

ଓଡ଼ଗାଁ,୫ା୬(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ବନାଞ୍ଚଳ ଅନ୍ତର୍ଗତ ନାଉଖାଲ ନିକଟରୁ ବନ ବିଭାଗ ରାତିରେ ପାଟ୍ରୋଲିଂ କରୁଥିବା ବେଳେ ଲକ୍ଷାଧିକ ଟଙ୍କା ମୂଲ୍ୟର ଶାଳଗଣ୍ଡି ବୋଝେଇ...

Advertisement
Archives

Model This Week