ନୂଆଦିଲ୍ଲୀ,୧୫।୯: ଗତ କିଛି ମାସ ହେବ ଭାରତରେ ଉଭୟ ଆମଦାନୀ ଓ ରପ୍ତାନିରେ ସୁଧାର ପରିଲକ୍ଷିତ ହୋଇଛି। ଏପରିକି ଗତ ମାସ ଭଳି ଚଳିତ ମାସରେ ମଧ୍ୟ ଆମଦାନୀରେ ବୃଦ୍ଧି ପରିଲକ୍ଷିତ ହୋଇଥିବାବେଳେ ରପ୍ତାନିରେ ସୁଧାର ସାଙ୍ଗକୁ ସାମାନ୍ୟ ବୃଦ୍ଧି ଘଟିଛି। ବୁଧବାର ବାଣିଜ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ ଭାରତର ରପ୍ତାନି କ୍ଷେତ୍ରରେ ୧.୬୨% ବୃଦ୍ଧି ହୋଇ ୩୩.୯୨ ବିଲିୟନ ଡଲାରରେ ପହଞ୍ଚତ୍ଛି। ସେହିଭଳି ୨୦୨୨ ଅଗଷ୍ଟରେ ବାଣିଜ୍ୟ ନିଅଣ୍ଟ ଦ୍ୱିଗୁଣିତ ହୋଇ ୨୭.୯୮ ବିଲିୟନ ଡଲାରରେ ପହଞ୍ଚତ୍ଛି। ଏପରିକି ସଂଶୋଧିତ ତଥ୍ୟ ଅନୁସାରେ ଚଳିତ ବର୍ଷ ଅଗଷ୍ଟରେ ଆମଦାନୀ କ୍ଷେତ୍ର ୩୭.୨୮% ବୃଦ୍ଧି ହୋଇ ୬୧.୯ ବିଲିୟନ ଡଲାରରେ ପହଞ୍ଚତ୍ଛି। ସେହିପରି ସେପ୍ଟେମ୍ବର ୩ରେ ମନ୍ତ୍ରଣାଳୟ ଦ୍ୱାରା ପ୍ରକାଶିତ ପ୍ରାଥମିକ ତଥ୍ୟରେ ଦର୍ଶାଯାଇଛି ଯେ ଅଗଷ୍ଟରେ ରପ୍ତାନି ୧.୧୫% ହ୍ରାସ ଘଟି ୩୩ ବିଲିୟନ ଡଲାରରେ ପହଞ୍ଚିଛ। ଅପରପକ୍ଷରେ ଚଳିତ ଆର୍ଥିକ ବର୍ଷର (ଏପ୍ରିଲରୁ ଅଗଷ୍ଟ) ପ୍ରଥମ ୫ମାସ ମଧ୍ୟରେ ରପ୍ତାନି ୧୭.୬୮% ଅଭିବୃଦ୍ଧି ହୋଇ ୧୯୩.୫୧ ବିଲିୟନ ଡଲାରରେ ପହଞ୍ଚିଛି। ବିଶେଷକରି ୨୦୨୨-୨୩ ଆର୍ଥିକ ବର୍ଷର ୫ମାସରେ ଆମଦାନୀ ୪୫.୭୪% ବୃଦ୍ଧି ହୋଇ ୩୧୮ ବିଲିୟନ ଡଲାରରେ ପହଞ୍ଚିଛି।
ଗତ ବର୍ଷ ସମାନ ଅବଧିରେ ୫୩.୭୮ ବିଲିୟନ ଡଲାର ତୁଳନାରେ ଚଳିତ ଆର୍ଥିକ ବର୍ଷ (ଏପ୍ରିଲ-ଅଗଷ୍ଟ)ରେ ବାଣିଜ୍ୟ ନିଅଣ୍ଟ ୧୨୪.୫୨ ବିଲିୟନ ଡଲାରକୁ ବୃଦ୍ଧି ପାଇଛି। ଗତ ବର୍ଷ ଅଗଷ୍ଟରେ ନିଅଣ୍ଟ ୧୧.୭୧ ବିଲିୟନ ଡଲାର ରହିଥିଲା। ଚଳିତ ବର୍ଷ ଅଗଷ୍ଟରେ ଅଶୋଧିତ ତୈଳ ଆମଦାନୀ ୮୭.୪୪% ବୃଦ୍ଧି ହୋଇ ୧୭.୭ ବିଲିୟନ ଡଲାରରେ ଥିବାବେଳେ ସୁନା ଆମଦାନୀ ପ୍ରାୟ ୪୭% ହ୍ରାସ ପାଇ ୩.୫୭ ବିଲିୟନ ଡଲାରରେ ପହଞ୍ଚତ୍ଛି। ଅପରପକ୍ଷରେ ଗତ ବର୍ଷ ସମାନ ମାସରେ ୧୫.୪୯ ମିଲିୟନ ଡଲାରରୁ ରୁପା ଆମଦାନୀ ୬୮୪.୩୪ ମିଲିୟନ ଡଲାରକୁ ବୃଦ୍ଧି ପାଇଛି। ଅଗଷ୍ଟରେ ଆମଦାନୀ ମୂଲ୍ୟରେ ବୃଦ୍ଧି କୋଇଲା, କୋକ୍ ଏବଂ ବ୍ରିକେଟ୍ସ (୧୩୩.୬୪%ରୁ ୪.୫ ବିଲିୟନ ଡଲାର), ରାସାୟନିକ ପଦାର୍ଥ (୪୩%ରୁ ପ୍ରାୟ ୩ ବିଲିୟନ ଡଲାର) ଏବଂ ପନିପରିବା ତେଲ (୪୧.୫୫%ରୁ ପ୍ରାୟ ୨ ବିଲିୟନ ଡଲାର) ଭଳି ପ୍ରମୁଖ ଖଣିଜ ଗୋଷ୍ଠୀରେ ଦେଖାଯାଇଛି।
ସେହିପରି ରପ୍ତାନି ଦ୍ରବ୍ୟ ଯାହା ଅଗଷ୍ଟରେ ସକାରାତ୍ମକ ଅଭିବୃଦ୍ଧି ରେକର୍ଡ କରିଥିଲା ସେଥିରେ ଇଲେକ୍ଟ୍ରୋନିକ୍ ସାମଗ୍ରୀ, ଚାଉଳ, ଖାଇବା ତେଲ, ଚା, କଫି ଏବଂ ରାସାୟନିକ ପଦାର୍ଥ ରହିଛି। ଏପରିିକି ପେଟ୍ରୋଲିୟମ ଉତ୍ପାଦ ରପ୍ତାନିରେ ୨୨.୭୬% ବୃଦ୍ଧି ହୋଇ ୫.୭୧ ବିଲିୟନ ଡଲାରରେ ପହଞ୍ଚିଛ।
ରାସାୟନିକ ପଦାର୍ଥ ଏବଂ ଫାର୍ମା ଶିପ୍ମେଣ୍ଟ ଯଥାକ୍ରମେ ୧୩.୪୭% ଏବଂ ୬.୭୬% ବୃଦ୍ଧି ହୋଇ ୨.୫୩ ଏବଂ ୨.୧୪ ବିଲିୟନ ଡଲାରରେ ପହଞ୍ଚିଛି। ଅଗଷ୍ଟରେ ନକାରାତ୍ମକ ଅଭିବୃଦ୍ଧି ରେକର୍ଡ କରିଥିବା କ୍ଷେତ୍ରଗୁଡିକରେ ଇଞ୍ଜିନିୟରିଂ (୧୪.୧୯% ରୁ ୮.୩ ବିଲିୟନ ଡଲାର), ରତ୍ନ ଏବଂ ଅଳଙ୍କାର (ପ୍ରାୟ ୩% ରୁ ୩.୩୩ ବିଲିୟନ ଡଲାର) ଏବଂ ସମସ୍ତ ପୋଷାକ (୦.୩୪% ରୁ ୧.୨୩ ବିଲିୟନ ଡଲାର) ଓ ପ୍ଲାଷ୍ଟିକ୍ ( ୧.୧୦% ରୁ ୭୪୭.୨୧ ମିଲିୟନ ଡଲାର)ରେ ରହିଛି।
