ଫେବୃୟାରୀରୁ ଫାଟି ଆଁ

ବଇଣ୍ଡା,୧୯ା୧୧(ଡି.ଏନ.ଏ.) ଲୋକଙ୍କ ନିକଟରେ ସ୍ବଚ୍ଛ ପାଣି ପହଞ୍ଚାଇବା ପାଇଁ ୧୪ ବର୍ଷ ତଳେ ନିର୍ମାଣ ହୋଇଥିଲା ଜଳ ଯୋଗାଣ ପ୍ରକଳ୍ପ। ଏହା ଶତପ୍ରତିଶତ ସଫଳ ନ ହେବାରୁ ଦ୍ୱିତୀୟ କୂଅ ଖୋଳାଯାଇଥିଲା। ହେଲେ ଭୂତଳ ଜଳ ହ୍ରାସ କାରଣରୁ ବର୍ଷର ଅଧା ଦିନ ପାଣି ମିଳୁ ନ ଥିଲା। ଯାହା ଯେତିକି ଆସୁଥିଲା ୮ ମାସ ହେଲା ତାହା ମଧ୍ୟ ବନ୍ଦ ହୋଇଯାଇଛି। ଗତ ଫେବୃୟାରୀରୁ ପାଇପ୍‌ ଫାଟି ଆଁ କରିଥିବାରୁ ଜଳ ସଙ୍କଟରେ ପଡ଼ିଛନ୍ତି ଅନୁଗୋଳ ଜିଲା ଆଠମଲ୍ଲିକ ବ୍ଲକ ପାଇକସାହି ପଞ୍ଚାୟତବାସୀ।
ଲୋକଙ୍କ କହିବା ଅନୁଯାୟୀ, ପଞ୍ଚାୟତର ୯ ଗଁା ସତ୍ୟବାଦୀପୁର, କଳାପାଟନାଳୀ, ନୂଆ କୋଡାସାହି, ପୁରୁଣା କୋଡ଼ାସାହି, ନୂଆ ଦଳିତସାହି, ପୁରୁଣା ଦଳିତସାହି, ଖଇରାସାହି, କଲେଜସାହି, ପାଇକସାହିକୁ ପାଇପ୍‌ ପାଣି ଯୋଗାଇ ଦେବାକୁ ରାଜ୍ୟ ସରକାର ୨୦୦୬ରେ ପ୍ରକଳ୍ପ ନିର୍ମାଣ କରିଥିଲେ। ରାଜାବନ୍ଧ ନିକଟରେ କୂଳ ଖୋଳାଯିବା ସହ ସମସ୍ତ ଗ୍ରାମକୁ ପାଇପ୍‌ ବିଛାଯାଇଥିଲା। ଏଥିପାଇଁ ୧୫ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା। କିନ୍ତୁ ଆବଶ୍ୟକ ପାଣି ଅଭାବରୁ କଳାପାଟନାଳୀ ଓ ସତ୍ୟବାଦୀପୁର ଗ୍ରାମବାସୀ ଏହି ସୁବିଧାରୁ ବଞ୍ଚିତ ରହିଥିଲେ। ତେଣୁ ସମସ୍ୟାର ସମାଧାନ ପାଇଁ ନାଳ ନିକଟରେ ୨୦୦୯ରେ ଆଉ ଏକ କୂଅ ଖୋଳାଯାଇଥିଲା। ହେଲେ ପଞ୍ଚାୟତକୁ ବର୍ଷତମାମ ଜଳ ଯୋଗାଣ ସମ୍ଭବ ହୋଇପାରି ନ ଥିଲା। ବିଶେଷକରି ଗ୍ରୀଷ୍ମ ସମୟରେ ଭୂତଳ ଜଳସ୍ତର ହ୍ରାସ ଯୋଗୁ କଳାପାଟନାଳୀ ଓ ସତ୍ୟବାଦୀପୁର ଗ୍ରାମବାସୀ ଆଦୌ ପାଣି ପାଇପାରୁ ନ ଥିଲେ। ଅନ୍ୟ ୭ଟି ଗ୍ରାମବାସୀ ଅଳ୍ପରେ ସନ୍ତୁଷ୍ଟ ରହିବାକୁ ବାଧ୍ୟ ହୋଇଥିଲେ। ତେବେ ଗତ ଫେବୃୟାରୀ ମାସରେ ପ୍ରକଳ୍ପର ପାଇପ୍‌ଗୁଡ଼ିକ ଫାଟି ଯାଇଥିବାରୁ ପାଣି ଯୋଗାଣ ଆଦୌ ସମ୍ଭବ ହୋଇପାରୁ ନାହିଁ। କେତେକ ଗ୍ରାମରେ ଥିବା ନଳକୂଅ ଅଚଳ ହୋଇପଡ଼ିଥିବାରୁ ଲୋକେ ଖୋଲା କୂଅ ଉପରେ ନିର୍ଭର କରିବାକୁ ବାଧ୍ୟ ହେଉଛନ୍ତି। ଏ ନେଇ ପାଇକସାହି, ସତ୍ୟବାଦୀପୁର ଗ୍ରାମବାସୀ ବହୁବାର ଆଠମଲ୍ଲିକ ଜଳଯୋଗାଣ କାର୍ଯ୍ୟାଳୟରେ ଅଭିଯୋଗ କରିଥିଲେ ମଧ୍ୟ ପଦକ୍ଷେପ ନିଆଯାଉ ନାହିଁ। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ପଞ୍ଚାୟତବାସୀ ଦାବି କରିଛନ୍ତି। ଏ ସମ୍ପର୍କରେ ଆଠମଲ୍ଲିକ ଜଳଯୋଗାଣ ବିଭାଗ କନିଷ୍ଠ ଯନ୍ତ୍ରୀ ଉମାକାନ୍ତ ବେହେରା କହିଛନ୍ତି, ପାଇକସାହି ଜଳଯୋଗାଣ ପ୍ରକଳ୍ପ ସମ୍ପର୍କରେ ଅନୁଧ୍ୟାନ କରାଯିବା ସହ ଆବଶ୍ୟକ ପଦକ୍ଷେପ ନିଆଯିବ।

ପାଇପ୍‌ ଦେଖୁଛୁ, ପାଣି ନାହିଁ
୧୪ ବର୍ଷ ହେଲା ଗ୍ରାମକୁ ପାଇପ୍‌ ବିଛାଯାଇଥିଲେ ମଧ୍ୟ ଦିନଟିଏ ପାଣି ଆସିନାହିଁ। ତେଣୁ ଗୋଟିଏ ନଳକୂଅ ଉପରେ ୭୦ ପରିବାର ନିର୍ଭର କରିବାକୁ ବାଧ୍ୟ ହେଉଛନ୍ତି। ବାରମ୍ବାର ଅଭିଯୋଗ ସତ୍ତ୍ୱେ ସମସ୍ୟାର ସମାଧାନ ନେଇ ପଦକ୍ଷେପ ନିଆଯାଉ ନାହିଁ।
-ବିଜୁଳି ସେନାପତି, ସତ୍ୟବାଦୀପୁର

୮ ମାସ ହେଲା ଆସୁନି
ଗ୍ରାମକୁ ୮ ମାସ ହେଲା ଜଳ ଯୋଗାଣ ହୋଇନାହିଁ। ପୂର୍ବରୁ ଆସୁଥିବା ଅଳ୍ପ ପାଣିରେ ଶୋଷ ମେଣ୍ଟୁ ନ ଥିବାରୁ ବାଧ୍ୟ ହୋଇ ଲୋକେ ଖୋଲା କୂଅ ଉପରେ ନିର୍ଭର କରୁଥିଲେ। ଅସୁବିଧା ଦୀର୍ଘ ଦିନ ହେଲା ଲାଗି ରହିଥିଲେ ହେଁ ସମାଧାନ କରାଯାଉନାହିଁ।
-ଶୈଳ ବେହେରା, ପାଇକସାହି

ଖରାଦିନେ ଅଧିକ କଷ୍ଟ
ଜଳ ଯୋଗାଣ ପାଇଁ ଗ୍ରାମରେ ପାଇପ ବିଛାଯାଇଥିଲା। କିନ୍ତୁ ପାଇପ ଫାଟି ଯାଇଥିବାରୁ ପାଣି ଆସୁନାହିଁ। ଖରାଦିନେ ସମସ୍ୟା ଅଧିକ ସଙ୍ଗୀନ ହେଉଛି। ତେଣୁ ବିଭାଗୀୟ ଅଧିକାରୀ ଏ ଦିଗରେ ଗୁରୁତ୍ୱ ଦେଲେ ଗ୍ରାମବାସୀ ଉପକୃତ ହୋଇପାରନ୍ତେ।
-କୁମୁଦିନୀ ଗଡତିଆ, ଖଇରାସାହି

ନୂତନ ପ୍ରକଳ୍ପ ନିର୍ମାଣ ହେଉ
ପାଇକସାହିରେ ଜଳ ସମସ୍ୟା ଦୀର୍ଘଦିନର। ଗୋଟିଏ ପ୍ରକଳ୍ପ ୯ଟି ଗ୍ରାମକୁ ଜଳଯୋଗାଣ କରିପାରୁ ନାହିଁ। ଫଳରେ ପଞ୍ଚାୟତର ସବୁ ଲୋକ ପାଣି ପାଇପାରୁନାହାନ୍ତି। ସରକାର ଏକ ନୂତନ ପ୍ରକଳ୍ପ ନିର୍ମାଣ କରନ୍ତୁ। ସ୍ଥାନୀୟ ବିଧାୟକ ଏ ଦିଗରେ ଗୁରୁତ୍ୱ ଦିଅନ୍ତୁ।
-ଅମିତ କୁମାର ବେହେରା, କୋଡାସାହି

ନଳକୂଅ ନାହିଁ, ପାଇପ୍‌ ପାଣି ବନ୍ଦ
ପାନୀୟ ଜଳ ପ୍ରକଳ୍ପ ଅଚଳ ହୋଇପଡ଼ିଥିବା ବେଳେ ବିକଳ୍ପ ପାଇଁ ଆବଶ୍ୟକ ପରିମାଣର ନଳକୂଅ ନାହିଁ। ଦୀର୍ଘ ମାସ ହେଲା ସ୍ବଚ୍ଛ ପାଣି ଆସୁ ନ ଥିବାରୁ ଲୋକେ ଖୋଲାକୂଅ ନିକଟରେ ଭିଡ଼ ଲଗାଉଛନ୍ତି। ପଦକ୍ଷେପ ନେବାକୁ ଗ୍ରାମ କମିଟି ପକ୍ଷରୁ ଚିଠି କରାଯିବ।
-ସିଦ୍ଧେଶ୍ୱର ନାୟକ, ସଭାପତି, ପାଇକସାହି


Enter your email to get our daily news in your inbox.

All Right Reserved By Dharitri.Com

ଗଞ୍ଜାମରେ ସକାଳ ୭ ରୁ ଅପରାହ୍ନ ୨ଟା ଯାଏ ଖୋଲିବ ବ୍ୟାଙ୍କ: ଜିଲାପାଳ

ଛତ୍ରପୁର, ୨୧।୪(ଡି.ଏନ୍‌.ଏ.): ଗଞ୍ଜାମ ଜ଼ିଲାରେ ଥିବା ସମସ୍ତ ବ୍ୟାଙ୍କ ସକାଳ ୭ ରୁ ଅପରାହ୍ନ ୨ଟା ପର୍ଯ୍ୟନ୍ତ ଖୋଲା ରହିବ। ଏ ନେଇ ଜିଲାପାଳ ବିଜୟ...

ଜିଲା ଚିଠି ସୁନ୍ଦରଗଡ଼..ଅଧିକାର ପାଇଁ ଲଢ଼େଇ

ଆଦିବାସୀ ଓ ପାରମ୍ପରିକ ବନବାସୀଙ୍କ ଜଙ୍ଗଲ ଜମି ଅଧିକାରକୁ ନେଇ ଏବେ ଜିଲାରେ ଆନ୍ଦୋଳନ ମୁଣ୍ଡ ଟେକିଛି। ଜଙ୍ଗଲ ଅଧିକାର ଆଇନ-୨୦୦୬ ଅନୁଯାୟୀ ଗ୍ରାମସଭା ଜରିଆରେ...

ବ୍ୟାଙ୍କରେ ଭିଡ଼: ମ୍ୟାନେଜରଙ୍କୁ ତାଗିଦ

ପିପିଲି,୧୬ା୪(ଡି.ଏନ.ଏ): ସାତଶଙ୍ଖ ଆନ୍ଧ୍ରା ବ୍ୟାଙ୍କରେ ବୁଧବାର ଅସମ୍ଭାଳ ଭିଡ଼ ଲାଗିଥିଲା। ଲୋକଙ୍କ ମଧ୍ୟରେ ସାମାଜିକ ଦୂରତା ନ ଥିଲା। ଉଜ୍ୱଳା ଯୋଜନାରେ ଗ୍ୟାସ ବାବଦ ଟଙ୍କା...

ଆବାସ ଯୋଜନାରେ ସହାୟତା ପ୍ରଦାନରେ ବିଳମ୍ବ: ବିଡିଓଙ୍କୁ ଦାବିପତ୍ର ଦେଲେ ହିତାଧିକାରୀ

କୋରେଇ,୨୨ା୧୧(ସ୍ବ.ପ୍ର.): ଯାଜପୁର ଜିଲା କୋରେଇ ବ୍ଲକ ଅନ୍ତର୍ଗତ ଜହ୍ନା ପଞ୍ଚାୟତର ବହୁ ହିତାଧିକାରୀ ୧ ବର୍ଷ ହେବ ପ୍ରଧାନମନ୍ତ୍ରୀ ଆବାସ ଯୋଜନା ଓ ବିଜୁ ଆବାସ...

ନିମ୍ନମାନର ରାସ୍ତା କାମକୁ ନେଇ ଉତ୍ତେଜନା: କାର୍ଯ୍ୟ ବନ୍ଦ କଲେ ଗ୍ରାମବାସୀ

ଦାରିଙ୍ଗବାଡ଼ି,୩।୪(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ିର ଦୁର୍ଗମ ପଞ୍ଚାୟତ ଦନେକବାଡ଼ିର ପାଡ଼ନକେତା ଗ୍ରାମଦେଇ ଯାଇଥିବା ରାସ୍ତା ନିର୍ମାଣ କାର୍ଯ୍ୟ ଚାଲିଛି। ତେବେ ତାହା ଅତି ନିମ୍ନ ମାନର...

ବିଏମ୍‌ସି ରାସ୍ତା ନିର୍ମାଣ ବେଳେ ଅଲୋଡ଼ା ହେଲା ଚିଠି ବାକ୍ସ

ବ୍ରହ୍ମପୁର ଅଫିସ,୨୧।୨: ବ୍ରହ୍ମପୁର ମହାନଗର ନିଗମ (ବିଏମ୍‌ସି) ପକ୍ଷରୁ ବର୍ତ୍ତମାନ ସ୍ମାର୍ଟ ରାସ୍ତା ନିର୍ମାଣ କାର୍ଯ୍ୟ ଚାଲୁରହିଛି। ଏହି ସ୍ମାର୍ଟ ରାସ୍ତା ନିର୍ମାଣ ସମୟରେ କେତେବେଳେ ଟ୍ରାଫିକ...

ମର୍ମନ୍ତୁଦ ସଡ଼କ ଦୁର୍ଘଟଣା: ବାଇକ ଆରୋହିଙ୍କ ଉପରେ ଚଢ଼ିଗଲା ଟ୍ରକ

ପାଟଣା,୮।୭(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗାରେ ଗୁରୁବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ତୁରୁମୁଙ୍ଗା ଦେଇ ଯାଇଥିବା ମୁମ୍ବାଇ ଓ କୋଲକତା...

ବିନା ଟେଣ୍ଡରରେ ଚାଲିଛି ସରକାରୀ କାମ

ନାଉଗାଁ,୨୧ା୫(ସ୍ବ.ପ୍ର): ନାଉଗାଁ ବ୍ଲକରେ ଜଗତ୍‌ସିଂହପୁର ପୂର୍ତ୍ତ ବିଭାଗ ତରଫରୁ ବିଭିନ୍ନ ରାସ୍ତା ମରାମତି, ଗାଡ୍‌ଓ୍ବାଲ ନିର୍ମାଣ କାର୍ଯ୍ୟ ଚାଲିଛି। ଏସବୁ କାର୍ଯ୍ୟ ପାଇଁ ଲକ୍ଷାଧିକ ଟଙ୍କା...

Advertisement
Archives

Model This Week