ମାନ୍ଦା ବେଳେ ମହଙ୍ଗା ମାଡ଼

କାମାକ୍ଷାନଗର, ୪।୭: ଦୀର୍ଘ ଦେଢ଼ବର୍ଷ ହେଲା କରୋନା କଷଣରେ ଘାଣ୍ଟି ହେଉଛନ୍ତି ସାଧାରଣ ଜନତା। ହାତରେ କାମ ନାହିଁ। ସାଇତିଥିବା ଧନ ସରିଗଲାଣି। ଏଭଳି ସମୟରେ ଗରିବ ଏବଂ ମଧ୍ୟବିତ୍ତ ପରିବାର ଉପରେ ଦରଦାମ ବୃଦ୍ଧି ବୋଝ ଉପରେ ନଳିତା ବିଡ଼ା ସଦୃଶ ହୋଇଛି। ପେଟ୍ରୋଲ, ଡିଜେଲ, ପନିପରିବାଠାରୁ ଆରମ୍ଭ କରି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ମୂଲ୍ୟ ଆଶାତୀତ ଭାବେ ବଢ଼ିବା ପରେ ଘର ଚଳାଇବା ମୁସ୍କିଲ ହୋଇପଡ଼ିଲାଣି। ମାନ୍ଦା ସମୟରେ ଏଭଳି ମହଙ୍ଗା ମାଡ଼ ସାଧାରଣ ଖାଉଟିଙ୍କୁ କଲବଲ କରୁଥିବାବେଳେ ଦରଦାମ ନିୟନ୍ତ୍ରଣ ଦିଗରେ ଆବଶ୍ୟକ ପଦକ୍ଷେପ ନିଆଯାଉ ନ ଥିବା ଅଭିଯୋଗ କରିଛନ୍ତି ଢେଙ୍କାନାଳ ଜିଲା କାମାକ୍ଷାନଗର ଅଞ୍ଚଳର ବୁଦ୍ଧିଜୀବୀ।
ଜୁଲାଇ ୧ରୁ ଢେଙ୍କାନାଳ ଜିଲାରେ ଆହୁରି କୋହଳ ହୋଇଛି କଟକଣା। ଅଧିକାଂଶ ବ୍ୟବସାୟିକ ପ୍ରତିଷ୍ଠାନ ଖୋଲିଗଲାଣି। ହେଲେ ବଜାରକୁ ବ୍ୟାଗ୍‌ ଧରିଯିବା ପୂର୍ବରୁ ଦଶ ଥର ଭାବୁଛନ୍ତି ଗୃହକର୍ତ୍ତା। କାରଣ ପନିପରିବାରେ ହାତ ମାରିହେଉନି। ଜିଲାର ଅନ୍ୟତମ ପ୍ରମୁଖ ସହରାଞ୍ଚଳ କାମାକ୍ଷାନଗରରେ ଗତ ସପ୍ତାହକ ଭିତରେ ପରିବା ଦରରେ ଆଶାତୀତ ବୃଦ୍ଧି ହୋଇଛି। ୪୦ ଟଙ୍କା ତଳକୁ କୌଣସି ତଟକା ପରିବା ମିଳୁନି। ବାଇଗଣ ମୂଲ୍ୟ ମଧ୍ୟ ୩ ଗୁଣା ବଢ଼ିଛି। ଆଳୁ ୧୭ରୁ ୨୦ଟଙ୍କାରେ ବିକ୍ରି ହେଉଥିବାବେଳେ ପିଆଜ ଦର ୩୦ ଏବଂ ସ୍ଥଳ ବିଶେଷରେ ୩୩ ଟଙ୍କା ଛୁଇଁଲାଣି। ଏବେ ବଜାରରେ ବାଇଗଣ ୬୦, ଜହ୍ନି ୪୦, ପୋଟଳ ୫୦, ଟମାଟୋ ୪୫, କାଙ୍କଡ଼ ୪୫, ଭେଣ୍ଡି ୪୦ ଟଙ୍କାରେ ବିକ୍ରି ହେଉଛି। ଅନିୟମିତ ବୃଷ୍ଟିପାତ ଯୋଗୁ ଅଞ୍ଚଳର ପରିବା ଉତ୍ପାଦନ ହ୍ରାସ ପାଉଛି। ଯେତିକି ଆଦାୟ ହେଉଛି ତାହା ଆଞ୍ଚଳିକ ବଜାରରେ ଚାହିଦା ପୂରଣ କରିପାରୁନାହିଁ। ତେଣୁ ଏଭଳି ମୂଲ୍ୟ ବୃଦ୍ଧି ହୋଇଛି। ଆମିଷ ବଜାରରେ ମଧ୍ୟ ନିଅଁା ଲାଗିଛି। ମାଛ, ଚିକେନ କେଜି ୨୫୦ ଟଙ୍କା ଛୁଇଁଥିବାବେଳେ ମଟନ ୬୫୦ରେ ବିକ୍ରି ହେଉଛି। ପେଟ୍ରୋଲ, ଡିଜେଲ ଦରବୃଦ୍ଧିର ପ୍ରଭାବ ସହିତ ପରିବହନ ଖର୍ଚ୍ଚ ବଢ଼ିଥିବାରୁ ଅତ୍ୟାବଶ୍ୟକ ସାମଗ୍ରୀ ମୂଲ୍ୟ ହୁ ହୁ ହୋଇ ବଢ଼ିଚାଲିଥିବା ବ୍ୟବସାୟୀମାନେ କହିଛନ୍ତି।

 

ପରିବହନ ଖର୍ଚ୍ଚ ୧୫% ବଢ଼ିଛି
ସରକାର ଅତ୍ୟାବଶ୍ୟକ ସାମଗ୍ରୀ ତାଲିକାରୁ ଆଳୁ, ପିଆଜକୁ ବାଦ୍‌ ଦେଇଛନ୍ତି। ତେଣୁ ଆମଦାନୀ ହେଉଥିବା ବାହାର ରାଜ୍ୟ ମଣ୍ଡିରେ ଏହାର ଦର ବୃଦ୍ଧିପାଇଛି। ସେହିପରି ତୈଳ ଦର ବୃଦ୍ଧି କାରଣରୁ ପୂର୍ବାପେକ୍ଷା ୧୫% ଅଧିକ ପରିବହନ ଖର୍ଚ୍ଚ ବଢ଼ିଛି। ତେଣୁ ଆଳୁ, ପିଆଜ ଦର ଉଚ୍ଚା ରହୁଛି। ତେବେ ଓଡ଼ିଶାର ଅଧିକାଂଶ ସ୍ଥାନରେ ଆଳୁ, ପିଆଜ ଦର ପ୍ରାୟ ସମାନ ରହିଛି। ଅଞ୍ଚଳର ଅସାଧୁ ବ୍ୟବସାୟ କିମ୍ବା କଳାବଜାର ହେଉଥିବା ନେଇ ଅଭିଯୋଗ ଆସିଲେ ପଦକ୍ଷେପ ନିଆଯିବ।
-ସଞ୍ଜୟ କୁମାର ସାହୁ, ଉପଖଣ୍ଡ ଯୋଗାଣ ଅଧିକାରୀ

ଖଟିଖିଆ ଶ୍ରେଣୀ ଘାଣ୍ଟି ହେଉଛୁ
କରୋନା ସମୟରେ ପାରିଶ୍ରମିକ ବଢୁନାହିଁ। ରୋଷେଇ ଘରେ ସବୁଠୁ ବେଶି ଆବଶ୍ୟକ ହେଉଥିବା ଆଳୁ, ପିଆଜର ଦର ବଢ଼ିବା ସମସ୍ୟା ବଢାଇଛି। ଧନୀ ଲୋକମାନେ ସୁଖସୁବିଧାରେ ରହୁଥିବାବେଳେ ଖଟିଖିଆ ଶ୍ରେଣୀ ଘାଣ୍ଟି ହେଉଛୁ।
-ନେପାଳୀ ଚରଣ ସାହୁ, ରାଜମିସ୍ତ୍ରି, ସାରୁଆଳି

ପରିବାର ଚଳାଇବା କଷ୍ଟକର
ପାଖାପାଖି ଦେଢ଼ବର୍ଷ ହେଲା କୋଭିଡ୍‌ ଯନ୍ତ୍ରଣାରେ ବ୍ୟବସାୟ ମାନ୍ଦା ରହିଥିବାବେଳେ ହଠାତ୍‌ ଦରଦାମ ବୃଦ୍ଧି କଷ୍ଟ ଦେଉଛି। ଖାଦ୍ୟ, ପରିବା, ଔଷଧ ଭଳି ଅତ୍ୟାବଶ୍ୟକ ସାମଗ୍ରୀର ମୂଲ୍ୟ ବଢ଼ିବା ପରେ ପରିବାର ଚଳାଇବା କଷ୍ଟକର ହୋଇଗଲାଣି।
-ପାର୍ଥସାରଥି ନାୟକ, ବ୍ୟବସାୟୀ, କାମାକ୍ଷାନଗର

ବାହାରୁ ପନିପରିବା ଆସୁନାହିଁ
ଦୁଇ ସପ୍ତାହ ଭିତରେ ପ୍ରାୟ ସବୁ ପରିବା ଦର ହାରାହାରି ୧୦ ଟଙ୍କା ଲେଖାଏ ବଢ଼ିଛି। ବଜାରରେ ବାଇଗଣ ମିଳୁନାହିଁ। ଅନିୟମିତ ବର୍ଷା ଯୋଗୁ ଉତ୍ପାଦନ କମିଛି। ବାହାରୁ ବି ତଟକା ପନିପରିବା ଆସୁନାହିଁ।
-ବ୍ରହ୍ମାନନ୍ଦ ସାହୁ, ବ୍ୟବସାୟୀ, କାମାକ୍ଷାନଗର

ରୋଷେଇଘରେ ପଡ଼ିଛି ପ୍ରଭାବ
ଦରଦାମ ବୃଦ୍ଧିର ପ୍ରଭାବ ସିଧାସଳଖ ରୋଷେଇ ଘର ଉପରେ ପଡ଼ିଛି। ଘରକୁ ଯେତିକି ପରିବା ଆସୁଥିଲା, ତାହାର ଅଧା ଆସୁଛି। ଲକ୍‌ଡାଉନ୍‌ରେ ରୋଜଗାର କମିବା ବେଳକୁ ଏଭଳି ଦରଦାମ ବୃଦ୍ଧି ଅସ୍ତବ୍ୟସ୍ତ କରିଦେଲାଣି।
-ସାହେଦା ବେଗମ୍‌, ଗୃହିଣୀ, କାମାକ୍ଷାନଗର

ବଞ୍ଚିବା କଷ୍ଟକର ହୋଇଗଲାଣି
ତେଲ, ଲୁଣଠାରୁ ଆରମ୍ଭ କରି ରନ୍ଧନ ଗ୍ୟାସ୍‌ ସବୁ ମୂଲ୍ୟ ବଢ଼ିଛି। କରୋନା ମହାମାରୀ ସମୟରେ ଦରମା ବୃଦ୍ଧି ହେବାର କୌଣସି ସମ୍ଭାବନା ନ ଥିବାବେଳେ ବଞ୍ଚିବା କଷ୍ଟକର ହୋଇଗଲାଣି। ସରକାର ଏଥିପ୍ରତି ଦୃଷ୍ଟି ଦେବା ଜରୁରୀ।
-ସୁଶ୍ରୀ ପଟ୍ଟନାୟକ, ଘରୋଇ ସ୍କୁଲ ଶିକ୍ଷୟିତ୍ରୀ, କାମାକ୍ଷାନଗର


Enter your email to get our daily news in your inbox.

All Right Reserved By Dharitri.Com

ଆରବ ସାଗରରେ ବାତ୍ୟା ‘ତାଉକ୍ତାଏ’

ଭୁବନେଶ୍ୱର,୧୨ା୫(ବ୍ୟୁରୋ):ଆସନ୍ତା ୧୬ ତାରିଖରେ ଆରବ ସାଗରରେ ବାତ୍ୟା ସୃଷ୍ଟି ହେବାର ଆଶଙ୍କା ରହିଛି। ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ, ଆସନ୍ତା ୧୪ ତାରିଖରେ ଦକ୍ଷିଣ-ପୂର୍ବ...

ମେଲାଣି ନେଲେ ମା’: ଦୁଲୁକିଲା ସହର

କାମାକ୍ଷାନଗର, ୧୦।୧୦(ଡି.ଏନ.ଏ.) – ଢେଙ୍କାନାଳ ଜିଲା କାମାକ୍ଷାନଗର ଦଶହରାର ଅନ୍ତିମପର୍ବ ଭସାଣି ବୁଧବାର ଶାନ୍ତିଶୃଙ୍ଖଳାର ସହ ଶେଷ ହୋଇଛି। ମିଳିତ ଭସାଣି ଶୋଭାଯାତ୍ରାରେ ୧୫ ମେଢ଼...

ଜର୍ମାନୀ ବିଶ୍ୱବିଦ୍ୟାଳୟ ପ୍ରତିଯୋଗିତାରେ ଯୋଗଦେବ ସି.ଭି. ରମଣ

ଭୁବନେଶ୍ୱର, ୩୧ା୧୦(ବ୍ୟୁରୋ): ଜର୍ମାନୀର ମୁନିଚ୍‌ଠାରେ ହେବାକୁ ଥିବା ବିଶ୍ୱବିଦ୍ୟାଳୟ ଚାମ୍ପିୟନଶିପ୍‌ ପାଇଁ ସି.ଭି. ରମଣ ଇଞ୍ଜିନିୟରିଂ କଲେଜ ଯୋଗ୍ୟ ବିବେଚିତ ହୋଇଛି। ଚଳିତବର୍ଷ ମୁମ୍ବାଇର ଆଇଫାଟ୍‌-୧୯...

ଟିକା: ହାଇରିସ୍କ ଗ୍ରୁପ୍‌କୁ ପ୍ରାଥମିକତା ଦେବାକୁ ନିର୍ଦ୍ଦେଶ

ଭୁବନେଶ୍ୱର, ୩୧।୩(ବ୍ୟୁରୋ): ରାଜ୍ୟରେ ଏପ୍ରିଲ ୧ରୁ ୪୫ ବର୍ଷରୁ ଅଧିକ ବୟସର ଲୋକଙ୍କୁ କୋଭିଡ୍‌ ଟିକା ପ୍ରଦାନ କରାଯିବ। ଏହି ଟିକାକରଣରେ ହାଇରିସ୍କ ଗ୍ରୁପ୍‌ ଯଥା...

କରୋନା ଆକ୍ରାନ୍ତଙ୍କ ତଥ୍ୟ ଲୁଚାଇଥିଲେ ଏମ୍ସ ଡାକ୍ତର

ଭୁବନେଶ୍ୱର, ୨୧ା୩(ବ୍ୟୁରୋ): ରାଜ୍ୟରେ ଦ୍ୱିତୀୟ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ସେ ଏବେ ଭୁବନେଶ୍ୱର ଏମ୍ସରେ ଚିକିତ୍ସିତ ହେଉଛନ୍ତି। ତେବେ ଆକ୍ରାନ୍ତ ୧୯ବର୍ଷୀୟ ଯୁବକଙ୍କ ବିଷୟରେ...

ନୂଆ ରୂପରେ ‘ଓଡ଼ିଶା ପର୍ଯ୍ୟଟନ’

ଭୁବନେଶ୍ୱର,୨୭ା୭(ବ୍ୟୁରୋ): ଦୀର୍ଘଦିନର ପ୍ରତୀକ୍ଷା ପରେ ନୂଆ ରୂପ ପାଇଛି ରାଜ୍ୟ ପର୍ଯ୍ୟଟନ ବିଭାଗ ଓ୍ବେବ୍‌ସାଇଟ୍‌। ଓଡ଼ିଶା ପର୍ଯ୍ୟଟନର ଏହି ନୂଆ ଓ୍ବେବ୍‌ସାଇଟ୍‌ www.odishatourism.gov.inକୁ ଶୁକ୍ରବାର ମୁଖ୍ୟମନ୍ତ୍ରୀ...

ପୋଲିସକୁ ଆକ୍ରମଣ: ୫ ଗିରଫ

ତିହିଡ଼ି,୧୭।୮ (ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ଥାନା ଅଧୀନ ଦୋଳସାହି-ଗୁଆମାଳ ରାସ୍ତାପାର୍ଶ୍ୱରେ ଥିବା ବିଦେଶୀ ମଦ ଦୋକାନ ନିକଟରେ ଗୁରୁବାର ମଧ୍ୟାହ୍ନରେ ତିହିଡ଼ି ପୋଲିସକୁ...

ବଢ଼ିଲା ବସ୍‌ ଭଡ଼ା

ଭୁବନେଶ୍ୱର,୭।୧୨(ବ୍ୟୁରୋ): ବସ୍‌ ଭଡା ବୃଦ୍ଧି କରିଛନ୍ତି ରାଜ୍ୟ ସରକାର। ତେଲ ଦର ବୃଦ୍ଧି ପାଇଥିବାରୁ ବସ୍‌ ଭଡ଼ାକୁ ବଢ଼ାଯାଇଛି। ସାଧାରଣ ବସ୍‌ ଭଡା କିମି ପିଛା...

Advertisement


Archives

Model This Week