ନୂଆଦିଲ୍ଲୀ,୩୦।୧୧: ପାଞ୍ଚ ରାଜ୍ୟରେ ବିଧାନସଭା ନିର୍ବାଚନ ଶେଷ ହେବା ପରେ ଆସିଛି ଏକଜିଟ ପୋଲ। ବିଭିନ୍ନ ସଂସ୍ଥାର ଆକଳନ ଅନୁଯାୟୀ ଛତିଶଗଡ଼ରେ ଭାଜପା ଏବଂ କଂଗ୍ରେସ ମଧ୍ୟରେ ସରକାର ଗଠନ ପାଇଁ ମଧ୍ୟରେ ଟାଇଟ ଫାଇଟ ହେବାର ଆକଳନ କରାଯାଉଛି।
ଇଣ୍ଡିଅ ଟୁଡ଼େ ଆକ୍ସିସ ମାଇଁ ଇଣ୍ଡିଆ ଆକଳନ ଅନୁଯାୟୀ ଛତିଶଗଡ଼ରେ କଂଗ୍ରେସକୁ ୪୦ରୁ ୫୦ ସିଟ୍ ଏବଂ ଭାଜପାକୁ ୩୬ରୁ ୪୬ ଆସନ ଏବଂ ଅନ୍ୟାନ୍ୟଙ୍କୁ ୧ରୁ ୫ ଆସନ ମିଳିପାରେ ବୋଲି କୁହାଯାଇଛି। ସେହିପରି ଏବିପି ନ୍ୟୁଜ-ସି ଭୋଟର ଅନୁଯାୟୀ ଭାଜପାକୁ ୩୬ରୁ ୪୮ ଏବଂ କଂଗ୍ରେସକୁ ୪୧ରୁ ୫୩ ଆସନ ମିଳିବ। ଇଣ୍ଡିଆ ଟିଭି-ସିଏନଏକ୍ସ ଅନୁଯାୟୀ ଭାଜପାକୁ ୩୦ରୁ ୪୦ ଏବଂ କଂଗ୍ରେସକୁ ୪୬ରୁ ୫୬ ଆସନରେ ବିଜୟ ମିଳିବ।
ସେହିଭଳି ମଧ୍ୟପ୍ରଦେଶର ସରକାର ଗଠନ କରିବା ପାଇଁ ଭାଜପା-କଂଗ୍ରେସ ମଧ୍ୟରେ ଏଥର ସିଧାସଳଖ ମୁକାବିଲା ହୋଇଥିଲା। ଯାହାର ଫଳାଫଳ ଏକଜିଟ ପୋଲରେ ମଧ୍ୟ ଦେଖିବାକୁ ମିଳିଛି। ବିଭିନ ସଂସ୍ଥାର ଆକଳନ ଅନୁଯାୟୀ ମଧ୍ୟପ୍ରଦେଶରେ ରାଜ୍ୟରେ ସରକାର ଗଠନ ପାଇଁ ଲଢେଇ ଜୋରଦାର ହେବ। ରିପବ୍ଲିକ ଟିଭି ଆକଳନ ଅନୁଯାୟୀ ଭାଜପାକୁ ୧୦୦ରୁ ୧୨୩ ଆସନ ମିଳିବାକୁ ଥିବା ବେଳେ କଂଗ୍ରେସକୁ ୧୦୨ରୁ ୧୨୫ ଆସନ ମିଳିବ ବୋଲି ଆକଳନ କରାଯାଇଛି। ସେହିଭଳି ‘ଜନ କି ବାତ’ ଅନୁଯାୟୀ ରାଜ୍ୟରେ ଭାଜପାକୁ ୧୦୦ରୁ ୧୨୩ ଆସନ ମିଳିବାକୁ ଥିବା ବେଳେ କଂଗ୍ରେସକୁ ୧୦୨ରୁ ୧୨୫ ଆସନ ମିଳିବାର ଆକଳନ କରାଯାଇଛି।
