ଅହମଦାବାଦ,୧୨।୬: ଗୁଜୁରାଟର ଅହମ୍ମଦାବାଦରେ ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ଦୁର୍ଘଟଣାସ୍ଥଳରୁ ଆକାଶରେ ଘନ କଳା ଧୂଆଁ ଉଡ଼ୁଥିବା ଦେଖାଯାଇଥିଲା, ଯାହା ଫଳରେ ଅଞ୍ଚଳରେ ଆତଙ୍କ ଖେଳିଯାଇଥିଲା।
ଏୟାର ଇଣ୍ଡିଆର ବିମାନ AI-171 ଅହମ୍ମଦାବାଦରୁ ଲଣ୍ଡନ ଅଭିମୁଖେ ଯାତ୍ରା କରିବାକୁ ଯାଉଥିଲା। ୨୪୨ ଜଣ ଯାତ୍ରୀ ଏଥିରେ ଥିଲେ ଏବଂ ବିମାନଟି ରନୱେରେ ଉଡ଼ାଣ ପାଇଁ ପ୍ରସ୍ତୁତ ଥିଲା।
ଅପରାହ୍ନ ୧ଟା ୧୭ରେ ଉଡ଼ାଣ ଭରିଥିଲା। ବିମାନ ଅହମ୍ମଦାବାଦ ବିମାନବନ୍ଦରରୁ ଉଡ଼ାଣ କରିଥିଲା। ପ୍ରଥମ କିଛି ମିନିଟ ପାଇଁ ଉଡ଼ାଣ ସ୍ବାଭାବିକ ଥିଲା।
ବିମାନରେ ମୋଟ ୨୪୨ଜଣ ଥିଲେ, ଯେଉଁଥିରେ ୨୩୦ ଜଣ ବୟସ୍କ, ୨ ଜଣ ପିଲା ଏବଂ ୧୨ ଜଣ କ୍ରୁ ସଦସ୍ୟ (୧୦ ଜଣ କ୍ୟାବିନ କ୍ରୁ ଏବଂ ୨ ଜଣ ପାଇଲଟ) ଥିଲେ। ଦୁର୍ଘଟଣା ସମୟରେ, ବିମାନର କମାଣ୍ଡ ପାଇଲଟ-ଇନ-କମାଣ୍ଡ ସୁମିତ ସବରୱାଲ ଏବଂ ସହ-ପାଇଲଟ କ୍ଲାଇଭ କୁଣ୍ଡଙ୍କର ହାତରେ ଥିଲା। ଦୁର୍ଘଟଣା ପରେ ତୁରନ୍ତ ବିମାନବନ୍ଦର ଜରୁରୀକାଳୀନ ଦଳକୁ ସକ୍ରିୟ କରାଯାଇଥିଲା। ଘଟଣାସ୍ଥଳରୁ ବହୁତ ଦୂରରେ ଧୂଆଁର ବାଦଲ ଦେଖାଯାଉଛି। ମେଘାନୀନଗରରେ ଅନେକ କୋଠା କ୍ଷତିଗ୍ରସ୍ତ ହୋଇଛି। ଯୁଦ୍ଧ ସ୍ତରରେ ରିଲିଫ ଏବଂ ଉଦ୍ଧାର କାର୍ଯ୍ୟ ଚାଲିଛି। ଏବେ ଏହି ଦୁର୍ଘଟଣାର ଛାତିଥରା ଭିଡିଓ ସାମ୍ନାକୁ ଆସିଛି। ଯାହାକୁ ଦେଖଇଲେ ବିଶ୍ୱାସ କରି ହେଉନି।
