ଆଇଆଇସିସ୍ତରରେ ଅଦଳବଦଳ
9:01 amNovember 11, 2020November 11, 2020 / 43

କଟକ ଅଫିସ,୧୧ା୧୧ : କଟକ ଜିଲାରେ ଆଇଆଇସିସ୍ତରରେ ମଙ୍ଗଳବାର ଅଦଳବଦଳ ହୋଇଛି। ସଲେପୁର ଥାନା ଅଧିକାରୀ ଭାବେ କାର୍ଯ୍ୟରତ ଦେବେନ୍ଦ୍ର କୁମାର ମଲ୍ଲିକଙ୍କୁ ବାଙ୍କୀ ଥାନା ଅଧିକାରୀ ଭାବେ ବଦଳି କରାଯାଇଛି। ସେହିପରି ବାଙ୍କୀ ଥାନା ଅଧିକାରୀ ସମୀର କୁମାର ପଣ୍ଡାଙ୍କୁ ଗୁରୁଡ଼ିଝାଟିଆ ଥାନା ଅଧିକାରୀ ଏବଂ ଗୁରୁଡିଝାଟିଆ ଥାନା ଅଧିକାରୀ ବିଜୟ କୁମାର ବିସିଙ୍କୁ ସାଲେପୁର ଥାନା ଅଧିକାରୀଭାବେ ବଦଳି କରାଯାଇଛି। ନରସିଂପୁର ଥାନାଧିକାରୀ ଲିଙ୍ଗରାଜ ଲେଙ୍କାଙ୍କୁ ଡାଇରେକ୍ଟର ଅଫ୍‌ ଇଣ୍ଟେଲିଜେନ୍ସ ବ୍ୟୁରୋ(ଡିଆଇବି) ଇନ୍ସପେକ୍ଟର ଏବଂ ଡିପିଓ ଦାୟୀତ୍ୱରେ ଥିବା ବିମଳ କୁମାର ବାରିକଙ୍କୁ ନରସିଂପୁର ଥାନା ଅଧିକାରୀ ଭାବେ ବଦଳି କରାଯାଇଥିବା ଏସ୍‌ପି କାର୍ଯ୍ୟାଳୟ ସୂତ୍ରରୁ ଜଣାପଡ଼ିଛି। ବଦଳି ନିର୍ଦ୍ଦେଶ ପାଇଥିବା ଅଧିକାରୀମାନେ ତୁରନ୍ତ ନୂତନ ସ୍ଥାନରେ ଯୋଗ ଦେବାକୁ କୁହାଯାଇଛି।