ମହାକାଳପଡ଼ା,୨୯।୬(ପ୍ରତାପ ଚନ୍ଦ୍ର ସ୍ବାଇଁ)ସହରାଞ୍ଚଳ ପରି ଏବେ ଗ୍ରାମାଞ୍ଚଳରେ ବି ଚାରଣ ଭୂଇଁର ଅଭାବ ଦେଖାଦେଇଛି ା ଗୃହପାଳିତ ପ୍ରାଣୀମାନଙ୍କ ଚରିବା ପାଇଁ କାହିଁ କେଉଁ ଅନାଦି କାଳରୁ ପୂର୍ବଜମାନେ ଚାରଣ ଭୂଇଁ ରଖୁଥିଲେ ା ସମୟର ପରିବର୍ତ୍ତନ ଓ ଜନସଂଖ୍ୟା ବୃଦ୍ଧି ପାଇବା ଯୋଗୁ କାଳକ୍ରମେ ଉକ୍ତ ଚାରଣ ଭୂଇଁରେ ବେଆଇନ ଭାବେ ଜନବସତି ଗଢ଼ି ଉଠିଛି ା ଆଉ କେଉଁଠି ଜବରଦଖଲକାରୀମାନେ ସେହି ଜମିକୁ ନିଜ ଅକ୍ତିଆରରେ ରଖିଛନ୍ତି ା ଫଳରେ ଗୋସମ୍ପଦମାନଙ୍କ ପାଇଁ ଚରି ବୁଲିବା ପାଇଁ ସମସ୍ୟା ସୃଷ୍ଟି ହୋଇଛି
ଏହାର ଉଦାହରଣ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ବଡିଢ଼ି ପଞ୍ଚାୟତ ଅଧୀନ ରାମଚନ୍ଦ୍ରପୁର ଗ୍ରାମରେ ା ୫ ଏକର ୭୦ ଡ଼େସିମିଲ ଗୋଚର କିସମ ଜମିରେ ଗ୍ରାମର କେତେଜଣ ବ୍ୟକ୍ତି ବେଆଇନ ଭାବେ ଜେସିବି ମେଶିନରେ ପୋଖରୀ ଖନନ କରୁଛନ୍ତି ା ଏହାକୁ ନେଇ ଗ୍ରାମର ୨ ଗୋଷ୍ଠୀ ମଧ୍ୟରେ ବିବାଦ ଦେଖାଯାଇଛି। ଏ ସଂକ୍ରାନ୍ତରେ ଗୋଟିଏ ଗୋଷ୍ଠୀ ମହାକାଳପଡ଼ା ତହସିଲଦାରଙ୍କୁ ଏ ସଂକ୍ରାନ୍ତରେ ଜଣାଇବା ସହିତ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଖବର ପାଇ ବୁଧବାର ସ୍ଥାନୀୟ ବିଜୟନଗର ରାଜସ୍ବ ନୀରିକ୍ଷକ ଜ୍ୟୋତ୍ରିମୟୀ ମହାପାତ୍ର ଗ୍ରାମରେ ପହଞ୍ଚି ଉକ୍ତ ଗୋଚର ଜମି ଖାତା ନମ୍ବର ୨୩୨ ଓ ପ୍ଲଟ ନମ୍ବର ୭୯୯ ମୌଜା ରାମଚନ୍ଦ୍ରପୁରର ସମୁଦାୟ ଗୋଚର ଜମିର ପରିମାଣ ୫ ଏକର ୭୦ ଡେସିମିଲ ବୋଲି କହିଥିଲେ ା ସେଥିରୁ ଦେଢ଼ ଏକର ଜମିରେ ବେଆଇନ ଭାବେ ପୋଖରୀ ଖନନ କରାଯାଇଥିବା ନେଇ ରାଜସ୍ବ ନୀରିକ୍ଷକ ଦେଖି ରିପୋର୍ଟ ପ୍ରଦାନ କରିଛନ୍ତି ା ଏ ନେଇ ରାଜସ୍ବ ନୀରିକ୍ଷକ ପୋଖରୀ ଖନନକାରୀଙ୍କୁ ପ୍ରଶ୍ନ କରିବାରୁ ସେମାନେ ତାଙ୍କୁ ଅସମ୍ମାନ କରିଥିବା ଅଭିଯୋଗ ହୋଇଛି ା ଏ ସଂକ୍ରାନ୍ତରେ ସେ ମହାକାଳପଡ଼ା ତହସିଲଦାର ମାନସ ରଞ୍ଜନ ତ୍ରିପାଠୀଙ୍କୁ ଅବଗତ କରିଛନ୍ତି ା ଫଳରେ ତହସିଲଦାର ତ୍ରିପାଠୀ ଉକ୍ତ ବେଆଇନ ଖନନକାରୀଙ୍କ ବିରୋଧରେ ତନ୍ତିଆପାଳ ସାମୁଦ୍ରିକ ଥାନାରେ ଲିଖିତ ଅଭିଯୋଗ କରିଛନ୍ତି ା ସେହିପରି ବ୍ଲକର ବିଭିନ୍ନ ପଞ୍ଚାୟତରେ ବେଆଇନ ଭାବେ ସରକାରୀ ଜମିକୁ ଜବରଦଖଲ କରାଯାଇଥିବାରୁ ବୁଦ୍ଧିଜୀବୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି ା ଏ ସମ୍ପର୍କରେ ତହସିଲଦାର ମାନସ ରଞ୍ଜନ ତ୍ରିପାଠୀଙ୍କ ମତାମତ ନେବାରେ ବେଆଇନ ଭାବେ ପୋଖରୀ ଖନନକାରୀଙ୍କ ବିରୋଧରେ ଆଇନ ଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।
