ଥିରୁଭାନନ୍ତପୁରମ୍: ପରିଣତ ବୟସରେ ଅଧିକାଂଶ ଲୋକ ବାହାରେ ବୁଲାବୁଲି କରିବା ଅପେକ୍ଷା ଘରେ ରହି ବିଶ୍ରାମ କରିବା ଉଚିତ୍ ବୋଲି ମନେ କରନ୍ତି। କିନ୍ତୁ କେରଳରୁ ଏମିତି ଏକ ଭିଡିଓ ସାମ୍ନାକୁ ଆସିଛି, ଯାହା ଅନେକଙ୍କ ମନରୁ ଏହି ଧାରଣା ଦୂରେଇ ଦେବ। କେତେଜଣ ବୟସ୍କ ଲୋକ ମନଖୋଲି ପାର୍କରେ ଦୋଳି ଖେଳୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ୟୁଜର ଏହାକୁ ଦେଖି ଖୁବ୍ ପ୍ରଶଂସା ମଧ୍ୟ କରିଛନ୍ତି। ତେବେ ଏହି ଭିଡିଓଟିକୁ ଇନ୍ଷ୍ଟାଗ୍ରାମର ଜଣେ ୟୁଜର ଶେୟାର କରିଥିବା ଜଣା ପଡ଼ିଛି। ବୟସ ଆଳରେ ନିଜ ମନପସନ୍ଦ ଜିନିଷଠୁ ନିଜକୁ ଦୂର କରିବା ଠିକ୍ ନୁହେଁ ବୋଲି ଅନେକେ ମତ ରଖିଛନ୍ତି। ଚଳିତ ବର୍ଷ ଫେବୃୟାରୀରେ କର୍ନାଟକର ୬୨ ବର୍ଷୀୟା ନାଗାରତ୍ନମା କେରଳର ଦ୍ୱିତୀୟ ବୃହତ୍ତମ ପର୍ବତ ଚଢ଼ି ରେକର୍ଡ କରିଥିଲେ। ଏହାପୂର୍ବରୁ କେରଳର ୭୨ ବର୍ଷୀୟା ମହିଳା ଜିପ୍ଲାଇନିଙ୍ଗ୍ କରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା, ଯାହାକୁ ୟୁଜରଙ୍କ ଖୁବ୍ ପ୍ରଶଂସା ମଧ୍ୟ ମିଳିଥିଲା।
